Agriculture University Farmers Guidance Programme: विविध पीकवाण, आधुनिक लागवड तंत्रज्ञान आणि कृषी यंत्रसामग्रीची प्रत्यक्ष शेतावर माहिती देणारी डॉ. पंजाबराव देशमुख कृषी विद्यापीठाची तीनदिवसीय खरीप शिवारफेरी रविवार (ता. २०)पासून सुरू झाली. कृषिमंत्री दत्तात्रय भरणे यांनी शिवारफेरीला भेट देऊन विविध प्रक्षेत्रांची पाहणी केली. तत्पूर्वी सकाळी मान्यवरांच्या हस्ते शिवारफेरीस औपचारिक सुरुवात करण्यात आली. .या वेळी विद्यापीठाचे कुलगुरू डॉ. शरद गडाख, राहुरीचे कुलगुरू डॉ. विलास खर्चे, ‘महाबीज’चे व्यवस्थापकीय संचालक दिलीप स्वामी यांच्यासह विविध प्रमुख उपस्थित होते या वर्षी विद्यापीठाच्या सुमारे २५ एकर क्षेत्रावर २२८ विविध पीकवाणांसह १५ लागवड तंत्रज्ञान शिफारशींची जिवंत प्रात्यक्षिके उभारण्यात आली आहेत. बदलते हवामान, पावसातील अनिश्चितता आणि वाढता उत्पादन खर्च लक्षात घेता शेतकऱ्यांना विविध वाण व तंत्रज्ञान प्रत्यक्ष शेतात पाहता यावे, हा या उपक्रमाचा उद्देश आहे..Agricultural Technology: शेतकऱ्यांना उद्यापासून पाहता येणार कृषी तंत्रज्ञान.शिवारफेरीत ११० खरीप पिके, २७ भाजीपाला पिके आणि ६५ फुलवर्गीय पिकांचा समावेश आहे. यामध्ये ३२ तृणधान्ये, २३ कडधान्ये, ३१ तेलबिया, २४ कापूस वाण, ११ चारा पिके, २७ भाजीपाला आणि ६५ फुलपिकांची प्रात्यक्षिके आहेत. चारही कृषी विद्यापीठांसह महाबीज आणि १४ खासगी कंपन्यांचाही सहभाग आहे..PDKV Akola Shivar Feri: अकोल्यात शिवार फेरी २० ते २२ सप्टेंबरदरम्यान.सोयाबीनच्या बीबीएफसह विविध तंत्रज्ञानशिवारफेरीतील महत्त्वाच्या प्रात्यक्षिकांमध्ये सोयाबीनच्या बीबीएफ (रुंद वरंबा सरी) पद्धतीचा समावेश आहे. अतिपावसाच्या काळात पाण्याचा निचरा तसेच पावसाचा ताण असताना सरीतून पाणी देण्याची सुविधा या पद्धतीत मिळते. आंतरमशागत, तण तसेच कीड-रोग व्यवस्थापनासाठीही ही पद्धत उपयुक्त असल्याचे विद्यापीठाने नमूद केले आहे. सुमारे ५०० हेक्टर क्षेत्रावर बीबीएफ तंत्रज्ञानाचा वापर करून बीजोत्पादन कार्यक्रम घेण्यात आला आहे. कमी पावसाच्या कालखंडात विद्यापीठाचा हा बीबीए प्रयोग यशस्वी झाला असून, कृषिमंत्री भरणे यांनी याचे कौतुक सुद्धा केले..शिवारफेरीदरम्यान शेतकरी-शास्त्रज्ञ संवाद आणि चर्चासत्राचे आयोजन दररोज दुपारी चार वाजता करण्यात आले आहे. पहिल्या दिवशी अकोला, वाशीम, बुलडाणा व गोंदिया या जिल्ह्यांतील शेतकरी सहभागी झाले होते. सोमवारी (ता.२१) वर्धा, नागपूर व गडचिरोली, तर मंगळवारी (ता. २२) अमरावती, यवतमाळ, भंडारा व चंद्रपूर जिल्ह्यांतील शेतकरी व विद्यार्थ्यांचा सहभाग नियोजित आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
