Agniveer 2 Year Extension: केंद्र सरकारने 'अग्निपथ' योजनेत मोठा बदल करण्याचा निर्णय घेतला आहे. केंद्रीय मंत्रिमंडळाने आज (दि. ४ नोव्हेंबर) 'अग्निपथ' योजनेअंतर्गत सैन्यातील अग्निवीरांच्या सेवा कार्यकाळात दोन वर्षांची वाढ करण्याची घोषणा केली. यामुळे त्यांचा कार्यकाळ सध्याच्या चार वर्षांवरून सहा वर्षांपर्यंत वाढणार आहे, अशी माहिती चीफ ऑफ डिफेन्स स्टाफ (सीडीएस) जनरल एन. एस. राजा सुब्रमणी यांनी पत्रकार परिषदेत दिली..नव्या बदलानुसार, अग्निपथ योजनेअंतर्गत २५ टक्के अग्निवीरांना नियमित सैनिक म्हणून सेवेत कायम राहण्याची संधी मिळेल. उर्वरित ७५ टक्के अग्निवीरांना सेवामुक्त केले जाणार होते. पण, या अग्निवीरांना आता आणखी दोन वर्षे सेवेत राहता येईल. पहिल्या तुकडीतील सुमारे १८ हजार अग्निवीर सुरुवातीचा सेवा कार्यकाळ पूर्ण करुन ते डिसेंबर २०२६ मध्ये सेवामुक्त होणार होते..Agniveer Recruitment: २८२ नौदल अग्निवीरांना पोलिस शिपाई म्हणून नियुक्ती, मुख्यमंत्री फडणवीसांची माहिती.दोन वर्षांचा अतिरिक्त कार्यकाळ पूर्ण केल्यानंतरही या ७५ टक्के अग्निवीरांना सशस्त्र दलांत नियमित सैनिक म्हणून भरती होण्याची संधी दिली जाणार आहे. त्यांची निवड गुणवत्तेच्या आधारावर केली जाईल, असे सीडीएस यांनी सांगितले..Agniveer: निवृत्त अग्निवीरांना सरकारी नोकरीची संधी, परीक्षा, प्रशिक्षणाची अट नाही- मुख्यमंत्री फडणवीस.आजचा दिवस हा भारतीय संरक्षण दल आणि सैन्यातील 'अग्निवीरांसाठी' अत्यंत महत्त्वाचा आहे. केंद्रीय मंत्रिमंडळाने सर्व अग्निवीरांना भारतीय सैन्यात सामावून घेण्यासाठी मार्ग मोकळा केला आहे. १४ जून २०२२ रोजी अग्निपथ योजना सुरू केली होती. त्यावेळी असे स्पष्ट करण्यात आले होते की, अग्निवीरांच्या कामगिरीचे मूल्यमापन करण्यात येईल आणि या योजनेचा वेळोवेळी आढावा घेतला जाईल. .आता अग्निवीरांची पहिली तुकडी चार वर्षांचा कार्यकाळ पूर्ण करत आहे. या चार वर्षांत त्यांच्या कामगिरीबद्दल अत्यंत सकारात्मक असा अभिप्राय मिळाला. गुणवत्तेच्या आधारावर २५ टक्के अग्निवीरांना नियमित सैनिक म्हणून संधी मिळेल, असेही सीडीएस म्हणाले..आता नव्या नियमानुसार या योजनेअंतर्गत, उर्वरित ७५ टक्के अग्निवीरांना आता दोन वर्षांचा अतिरिक्त सेवा कार्यकाळ मिळेल. या दोन वर्षांच्या कार्यकाळानंतर सशस्त्र दलांत सेवा देण्यास इच्छुक असलेल्या सर्व अग्निवीरांना वस्तुनिष्ठ निवड निकषांच्या आधारे नियमित सेवेत भरतीची संधी मिळेल. दोन वर्षांच्या सेवेनंतर अग्निवीरांना त्यांच्या इच्छेनुसार आणि निवड प्रक्रियेद्वारे नियमित सेवेत सामावून घेण्याचा पर्याय उपलब्ध करुन दिला जाईल, असेही त्यांनी स्पष्ट केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
