Sustainable Agriculture : अहिल्यानगर महात्मा फुले कृषी विद्यापीठाच्या तंत्रज्ञानाचा प्रभावी वापर करून ‘फुले समृद्ध गाव’ म्हणून निवडलेल्या तांभेरे गावाचा विकास करण्यात येईल. यासाठी शेतकऱ्यांनी विद्यापीठाच्या तंत्रज्ञानाचा अवलंब करून गाव समृद्ध करावे, असे आवाहन विस्तार शिक्षण संचालक डॉ. गोरक्ष ससाणे यांनी केले..कुलगुरू डॉ. विलास खर्चे यांच्या मार्गदर्शनाखाली भाकृअप शेतकरी प्रथम कार्यक्रम आणि फुले समृद्ध गाव उपक्रमांतर्गत तांभेरे येथे पद्मश्री डॉ. विठ्ठलराव विखे पाटील यांच्या स्मरणार्थ शेतकरी दिन साजरा करण्यात आला. अध्यक्षस्थानी डॉ. ससाणे होते..Smart Farming: ‘स्मार्ट फार्मिंग’ हाच शाश्वत प्रगतीचा मार्ग.तांभेरेचे सरपंच डॉ. उमेश मुसमाडे, मेंढी सुधार प्रकल्पाचे प्रमुख शास्त्रज्ञ डॉ. रवींद्र निमसे, कृषी तंत्रज्ञान माहिती केंद्रातील उद्यानविद्या विषय विशेषज्ञ प्रा. अन्सार खान, शेतकरी उत्तम मुसमाडे, निवृत्त सैनिक ताराचंद गागरे, यशवंत मुसमाडे व शेतकरी, महिला उपस्थित होत्या..Agricultural Training: कृषी विस्तारकार्याला अधिक गतिमान करा : डॉ. इंद्र मणी .डॉ. ससाणे म्हणाले, की पद्मश्री डॉ. विठ्ठलराव विखे पाटील यांनी आशिया खंडातील पहिल्या साखर कारखान्याच्या माध्यमातून सहकाराचे बीज रोवले. त्यांच्या कार्यामुळे गावांचा आणि देशाचा विकास झाला. त्याच धर्तीवर तांभेरे गावाच्या विकासासाठी कृषी विद्यापीठाच्या तंत्रज्ञानासह शासनाच्या कृषी व इतर विभागांची मदत घेण्यात येईल..‘फुले कृषी तंत्रज्ञान घरोघरी, समृद्धी येईल गावोगावी’ या संकल्पनेला कार्यक्रमामुळे बळ मिळाले. शेतकरी प्रथम प्रकल्पाचे वरिष्ठ संशोधन सहयोगी विजय शेडगे यांनी स्वागत केले. आयोजनासाठी राहुल कोऱ्हाळे व किरण मगर यांनी परिश्रम घेतले. सुनील राजमाने यांनी आभार मानले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
