Input Supply Before Monsoon : देशात खरीप हंगामासाठी खते आणि बियाण्यांचा साठा गरजेपेक्षा जास्त आहे, अशी माहिती केंद्रीय कृषी विभागाचे अतिरिक्त सचिव मनिंदर कौर द्विवेदी यांनी पत्रकार परिषदेत दिली. पश्चिम आशियातील भू-राजकीय तणावामुळे पुरवठा साखळी विस्कळीत झाली आहे. त्याचा फटका शेती क्षेत्राला बसण्याची चिन्हं आहेत. .याच पार्श्वभूमीवर बोलताना द्विवेदी यांनी देशात बियाणे, खते आणि इतर प्रमुख साधनांची पुरेशी उपलब्धता असून खरीप हंगामासाठी पूर्ण तयारीत आहोत, असा दावा त्यांनी केला..Fertilizer Stock: खत साठेबाजांना शोधा; पुरवठा रोखा .खरीप हंगामासाठी १६६.४६ लाख क्विंटलच्या अंदाजित गरजेच्या तुलनेत देशात एकूण १८५.७४ लाख क्विंटल बियाणे उपलब्ध असून १९.२९ लाख क्विंटलचा साठा शिल्लक आहे. तसेच भात, सोयाबीन, भुईमुग, मका आणि कडधान्ये यांसारख्या प्रमुख पिकांसाठी पुरेसे बियाणे असल्याचे द्विवेदी यांनी सांगितले..खतांचा पुरेसा साठादेशात खरीप हंगामासाठी एकूण ३९०.५२ लाख टनांची गरज आहे. त्यापैकी १८० लाख टन अंदाजे ४६ टक्के साठा म्हणून उपलब्ध आहे. उपलब्धतेची ही पातळी पुरेशी समजली जाते. कारण सुरुवातीचा साठा साधारणपणे एकूण हंगामी मागणीच्या एक तृतीयांश असतो, असेही द्विवेदी म्हणाल्या..तर कृषी रसायनाच्या साठ्याबद्दल म्हणाल्या, गरजेपेक्षा अडीच लाख टनांहून अधिक कीटकनाशके उपलब्ध आहेत. राज्यांना जैविक कीटकनाशके आणि शाश्वत कृषी पद्धतींच्या वापरास प्रोत्साहन देण्याचा सल्ला देण्यात आला आहे, असेही त्यांनी स्पष्ट केले..Global AI Award India 2026: ‘एडीटी’ला ‘ग्लोबल ‘एआयॲवॉर्ड इंडिया २०२६’ जाहीर.तसेच केंद्र सरकार कृषी शेतमालाच्या घाऊक किंमतीवर बारकाईने लक्ष ठेवून असल्याची माहिती द्विवेदी यांनी दिली. मागील वर्षात दिसून आलेल्या प्रवृत्तीनुसार किमती सामान्य मर्यादेत आहेत. टोमॅटो, कांदा आणि बटाटा यांसारख्या अत्यावश्यक भाज्यांच्या घाऊक किमती स्थिर असून त्यात सुधारणेची चिन्हं दिसत आहेत, असे प्रतिपादन त्यांनी केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
