Maharashtra Culture Festival : पारंपारिक वाद्यांचा गजर, अश्वांचे नृत्य आणि 'बाळूमामांच्या नावानं चांगभलं'च्या जयघोषात लाखो भाविकांच्या हजेरीत श्रीक्षेत्र आदमापूर (ता.भूदरगड) येथील संत सद्गुरू बाळूमामांच्या भंडारा यात्रेस सुरुवात झाली आहे. बाळूमामांचा रथोत्सव रविवारी मोठ्या उत्साहात संपन्न झाला. आज जागरादिवशी विविध राज्यातून लाखो भाविक आमदापुरात दाखल झाले आहेत. .दरवर्षी बाळूमामांच्या भंडारा यात्रेसाठी महाराष्ट्र आणि कर्नाटकमधून हजारो भाविक येत असतात. यंदाही भाविकांनी मोठ्या प्रमाणात यात्रेला गर्दी केली आहे. सोमवारी सकाळी बकऱ्यांच्या बग्यातील दुधाची घागर हेलिकॉप्टरने आणण्यात आली. तर दुपारी मंदिरावर हेलिकॉप्टराने पुष्पवर्षाव करण्यात आला. यावेळी भाविकांकडून जय बाळू मामा, बोला बोला बाळूमामांच्या नावानं चांगभलं या घोषणा देण्यात आल्या..यंदा सर्व भक्तांसाठी दर्शनासाठी सोय उपलब्ध करून देण्यात आली आहे. त्यामध्ये मुख्य दर्शन रांग, मुखदर्शन, बाहेरून दर्शन अशी व्यवस्था करण्यात आली आहे. तसेच वाहनांच्या पार्किंगसाठी सुविधा उपलब्ध करून देण्यात आली आहे. धनगर बांधवांनी एक कोटी रुपये खर्च करून देवस्थानला अर्पण केलेल्या भव्य रथात बाळूमामांची १३८ किलो वजनाची चांदीची मूर्ती विराजमान करण्यात आली होती. या मूर्तीच्या दर्शनासाठी मोठी गर्दी पाहायला मिळाली..Traffic Diversion: सैलानी उत्सवामुळे वाहतुकीच्या मार्गात बदल.भाकणूक काय?भाकणुकीच्या कार्यक्रमात कृष्णा डोणे महाराज वाघापूरकर यांनी विविध विषयांवर भविष्यवाणी केली आहे. यंदा हवामान बदलामुळे चिंता व्यक्त करत ऋतुचे चक्र विस्कळीत होईल, अवकाळ पावसाचे प्रमाण वाढेल, तसेच काही भागात दुष्काळ पडेल. नद्या, तलाव आणि जलाशय आटण्याची शक्यता वर्तवण्यात आली आहे. कर्नाटकात एखाद्या जलशयाला तडा जाईल. तर सुनामी, वादळ, भूकंप या नैसर्गिक आपत्तीचा धोका वाढेल, असेही भाकणुकीत सांगण्यात आले..यंदा जागतिक स्तरावर तणाव वाढण्याची भविष्यवाणी करण्यात आली आहे. तसेच आंतरराष्ट्रीय बाजारपेठेत चढ-उतार सुरु राहतील. परंतु भारतीय उत्पादनांना मागणी वाढेल, असे भविष्य वर्तवण्यात आले आहे. .तसेच पशुधनाचे महत्त्व वाढेल आणि दुध-दुग्धजन्य पदार्थांचं किमती वाढतील, असा अंदाजही देण्यात आला आहे. तर भविष्यात जंगलातले प्राणी मानवी वसाहतीत येतील, असे भाकीत करण्यात आले आहे..महागाई वाढणारमहागाई वाढ होऊन जनतेला मोठा त्रास सहन करावा लागेल. तर सोन्याच्या किंमतीत वाढ होईल. दरवाढीने सामान्य माणसाचे जगणे कठीण होईल, असे भाकीत करण्यात आले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
