Agriculture News : निकृष्ट सोयाबीन बियाण्यांची निर्मिती करणाऱ्या कंपन्यांवर कारवाई करण्यात येईल. तसेच दोषी कंपन्यांचे बियाणे विक्रीसाठी बंदी घालून त्यांचे परवाने निलंबित करण्यात येतील, अशी ग्वाही कृषिमंत्री दत्तात्रय भरणे यांनी गुरुवारी (ता.९) विधानसभेत दिली आहे. विदर्भात निकृष्ट सोयाबीन बियाण्यांमुळे शेतकऱ्यांनी पेरलेली बियाणे उगवले नाही, अशी तक्रार शेतकऱ्यांनी केली आहे. या पार्श्वभूमीवर काँग्रेसचे आमदार विजय वड्डेटीवार यांनी विधानसभेत या मुद्द्याकडे लक्ष वेधलं. .कृषिमंत्री भरणे म्हणाले, "अकोला, अमरावती, वर्धा आणि गडचिरोली जिल्ह्यातील शेतकऱ्यांच्या सोयाबीन उगवले नसल्याच्या तक्रारी कृषी विभागाला मिळाल्या आहेत. तक्रार निवारण समितीकडून त्याची पाहणी केली आहे. सदर दोषी कंपन्यांवर बियाणे कायदे १९६६, बियाणे नियम १९६८ आणि बियाणे अधिनियम १९८२ या कायद्यांतर्गत १०० टक्के कारवाई करण्यात येईल." असे आश्वासनही त्यांनी दिले..Soyeban Crop Damage : सोयाबीन ‘पाण्यात’.दोषी कंपन्यांना नोटीस आणि कारवाईकृषिमंत्र्यांनी विधानसभेत दोषी कंपन्यांची बियाणे विक्री तातडीने बंद करण्यासाठी नोटीस पाठवण्यात येईल. तसेच या कंपन्यांचे बियाणे विक्री परवाने रद्द करण्यात येतील, असेही त्यांनी सांगितले. यावेळी कृषिमंत्र्यांनी कंपन्यांची नावेही विधानसभेत वाचून दाखवली..यामध्ये रवी सीड्स अँड रिसर्च इंदौर, बुस्टर क्रॉप सायन्स प्रा.लि. छत्रपती संभाजीनगर, युनिवेज अॅग्रो, बालाजी अॅग्रो, तिरुपती सीड्स, जे. जे सीड्स, विगोर सीड्स, पारस सीड्स, इगल सीड्स, परम अॅग्रो सीड्स, उत्तम सीड्स, पाशवी अॅग्रो सीड्स या कंपन्यांचा समावेश असून कारवाई करण्यात येईल, असे आश्वासन त्यांनी दिले..निकृष्ट सोयाबीन बियाण्यांमुळे शेतकऱ्यांचे नुकसान झाल्याचा मुद्दा वड्डेटीवार यांनी उपस्थित केला. त्यावेळी ते म्हणाले, "विदर्भातील अकोला, अमरावती, वर्धा, गडचिरोली, चंद्रपूर या जिल्ह्यांत सोयाबीन उगवले नाही. त्याच्या तक्रारी मोठ्या प्रमाणात शेतकऱ्यांकडून प्राप्त झाल्या आहेत. या कंपन्यांमुळे शेतकऱ्यांवर दुबार पेरणीचं संकट आलं आहे. २५ हजार हेक्टरहून अधिक क्षेत्रावर सोयाबीनची पेरणी झाली होती. यामध्ये ट्रुथफुल आणि प्रमाणित बियाण्यासंदर्भात तक्रारी आहेत. सरकारने लक्ष घातले नाही तर हजारो शेतकऱ्यांवर संकट ओढावेल." असा इशारा देत कृषिमंत्र्यांचं लक्ष वेधलं. त्यावर कृषिमंत्र्यांनी दखल घेत दोषी कंपन्यावर कारवाई करण्यात येईल, असे आश्वासन दिले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
