Jayprakash Dandegaonkar : शेतकऱ्यांचा सच्चा सोबती

जयप्रकाश दांडेगावकर

अध्यक्ष राष्ट्रीय सहकारी साखर कारखाना महासंघ

Sakal Media Group : मी   स्वतः ‘ॲग्रोवन’चा नियमित वाचक आहे. पूर्वी शेती आणि संलग्न शाखांची सखोल, ताजी आणि विश्‍वासार्ह माहिती दररोज राज्यातील शेतकऱ्यांना मिळण्याचे कोणतेही माध्यम उपलब्ध नव्हते. या वृत्तपत्रामुळे ही उणीव भरून निघाली.

शेतीविषयक माहिती मिळविण्याचे इतके सहजसोपे व्यासपीठ सध्या तरी दुसरे नाही. राज्याच्या शेतीला विकासाकडे नेण्यासाठी, शेतकऱ्यांना समृद्धीकडे नेण्यात आणि कष्टाळू शेतकऱ्यांना प्रयोगशीलतेकडे वळवण्यात या वृत्तपत्राचे मोठे योगदान आहे.

त्यामुळेच ते शेतकऱ्यांचा सच्चा सोबती बनले आहे. साखर संघाच्या मुंबई मुख्यालयात देखील हे वृत्तपत्र मी आवर्जून वाचत असतो. साखर कारखाना महासंघाच्या दिल्ली मुख्यालयात मात्र हे वृत्तपत्र मिळत नाही. त्यामुळे दिल्लीत असलो, की मला थोडे चुकल्यासारखे वाटते.

मी शेतावर जाताना सतत हे वृत्तपत्र बरोबर ठेवत असे. आजही मी रोज दोन तास शेतात घालवतो. त्यानंतरच माझी पुढील दिनचर्या सुरू होते आणि या दिनचर्येत या वृत्तपत्राची भेट शक्यतो टळत नसते.

(शब्दांकन : मनोज कापडे)