Farm Road: पिंपरी बुद्रुक येथे पाणंद रस्ता केला शेतकऱ्यांसाठी खुला

Pune News: पिंपरी बुद्रुक गावातील हुंडारे शिवारातील पाणंद रस्ता हा शेतकऱ्यांच्या अडचणी लक्षात घेऊन त्यांच्या मागणीनुसार खेड तालुका निवासी नायब तहसीलदार चेतन मोरे यांच्या प्रमुख उपस्थितीत खुला करण्यात आला. हा कार्यक्रम महसूल सप्ताह व महाराजस्व अभियानाअंतर्गत घेण्यात आला आहे.

रस्ता खुला करतेवेळी श्री. मोरे यांच्यासह कडूसच्या मंडल अधिकारी विद्या नांगरे, ग्रामविकास अधिकारी शुभांगी देसाई, रवींद्र ठाकूर, सर्जेराव हुंडारे, रोहिदास ठाकूर, मीना हुंडारे, भीमाबाई गाढवे, अजित हुंडारे, संतोष हुंडारे, कल्याण ठाकूर, देवराम गाढवे आदी ग्रामस्थ उपस्थित होते. 

या रस्त्याची लांबी ८०० फूट असून गावातील ३५ शेतकऱ्यांना त्याचा फायदा होणार आहे. हा रस्ता होण्यासाठी विकास ठाकूर, शांताराम ठाकूर, रोहिदास हुंडारे व गणेश हुंडारे यांनी विशेष प्रयत्न केले. कार्यक्रमात ग्रामविकास अधिकारी देसाई यांनी आंब्याचे रोप लावून वृक्ष लागवडीचे शेतकऱ्यांना आवाहन केले.