New Delhi News: पुसा येथील राष्ट्रीय भौतिक प्रयोगशाळेच्या सभागृहात भरलेल्या सहाव्या आंतरराष्ट्रीय कृषिशास्त्र संमेलनाची आज (ता. २६) सांगता होत आहे. देश व जगभरातील एक हजारहून अधिक शास्त्रज्ञ, धोरणकर्ते, विद्यार्थी, उद्योगक्षेत्रातील तज्ज्ञ या परिषदेत सहभागी झाले होते..सोमवारी (ता. २४) सुरू झालेल्या या प्रदर्शनाचे उद्घाटन केंद्रीय कृषिमंत्री शिवराजसिंह चौहान यांनी केले. त्यावेळी बोलताना चौहान म्हणाले,‘‘ स्मार्ट, टिकाऊ आणि फायदेशीर शेती २०४७ मध्ये आकाराला येणाऱ्या विकसित भारताचा पाया असेल. पुढील पिढ्यांसाठी अधिकाधिक गोष्टींचे जतन करताना, कमीतकमी स्त्रोतांसह अधिक उत्पादन या संकल्पनेसह कृषी क्षेत्राने पुढील वाटचाल केली पाहिजे. कृषिशास्त्र हा वैज्ञानिक संशोधनाला शेतकऱ्यांच्या शेताशी जोडणारा सेतू आहे.’’.Sustainable Agriculture Conference: गुणवत्तापूर्ण उत्पादन, मार्केटिंग साखळी व्यवस्था फायदेशीर.मृदा आरोग्यात सुधारणा, पाण्याचा कार्यक्षम वापर, जैवविविधता, पर्यावरणीय पोषण तसेच डिजिटल शेती या मुद्द्यांवर श्री. चौहान यांनी या वेळी भर दिला. या संमेलनातील विचारमंथनातून हाती येणाऱ्या शिफारशी राष्ट्रीय धोरणांमध्ये आणि क्षेत्रीय कृती योजनांमध्ये समाविष्ट करण्यात येतील, अशी घोषणादेखील त्यांनी यावेळी केली. याच कार्यक्रमात त्यांच्या हस्ते कृषिशास्त्र परिषदेचा या वर्षीचा जाहीरनामा जारी करण्यात आला..Ai in Agriculture: ऊस उत्पादकता वाढीत ‘एआय’चे मोठे योगदान.केंद्रीय कृषी आणि शेतकरी कल्याण राज्यमंत्री भगीरथ चौधरी म्हणाले,‘‘कृषिशास्त्र शेतकऱ्यांचे खरे प्रश्न सोडविण्याचे साधन झाले पाहिजे,’’ असे मत त्यांनी यावेळी व्यक्त केले..जाहीरनाम्यातील महत्त्वपूर्ण शिफारशी• मृदा-कार्बन पृथक्करण आणि जल-कार्यक्षम शेती• कृत्रिम बुद्धिमत्तेवर (एआय) आधारित डिजिटल कृषी उपाययोजना आणि अॅग्रीस्टॅक आराखडा यांचे प्रमाण वाढवणे.• नैसर्गिक तसेच पुनरुत्पादक कृषी पद्धतीच्या नमुन्यांना मुख्य प्रवाहात आणणे.• युवा आणि महिला शेतकऱ्यांसाठी नवोन्मेष कार्यक्रम• शाळा तसेच विद्यापीठ स्तरावर भविष्यवेधी कृषिशास्त्र शिक्षण• आरोग्य, लाइफ अभियान, तसेच नेट-झिरो २०७० यांना अनुसरून असलेली कृषी धोरणे• हवामानाप्रती स्मार्ट असलेल्या भारतीय कृषी पद्धतीच्या नमुन्यांचा जागतिक पातळीवर प्रसार.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
