Chhatrapati Sambhajinagar : आर्थिक वर्ष संपण्यास केवळ दहा दिवसांचा कालावधी उरला असतानाही महावितरणच्या (Mahavitaran) छत्रपती संभाजीनगर परिमंडलातील घरगुती, व्यावसायिक, औद्योगिक, सार्वजनिक पाणीपुरवठा, पथदिवे व इतर वर्गवारीतील ३ लाख ७९ हजार ५४६ ग्राहकांकडे ६५० कोटी रुपयांचे वीजबिल थकीत आहे.
त्यामुळे बिल वसुली अथवा थकबाकीदारांचा वीजपुरवठा खंडित करणे हे दोनच पर्याय वीज कर्मचाऱ्यांसमोर असल्याचे महावितरणने स्पष्ट केले आहे.
थकबाकी वसुलीसाठी क्षेत्रीय अभियंते, तांत्रिक कर्मचाऱ्यांसमवेत विभाग, मंडल, परिमंडल कार्यालयातील अभियंते, अधिकारी व कर्मचारी वसुलीच्या कामात व्यग्र आहेत.
वीजबिल भरण्याची मुदत संपलेल्या छत्रपती संभाजीनगर परिमंडलातील ३ लाख ७९ हजार ५४६ ग्राहकांकडे ६५० कोटी २२ लाख रुपयांची थकबाकी वसूल होणे बाकी आहे.
शहर मंडलातील १ लाख १३ हजार १७४ ग्राहकांकडे ६० कोटी २४ लाख रुपयांची थकबाकी आहे. ग्रामीण मंडलातील १ लाख ५८ हजार ७४८ ग्राहकांकडे ३७० कोटी ५१ लाख रुपयांचे वीजबिल थकीत आहे.
जालना मंडलातील १ लाख ७ हजार ६२४ ग्राहकांकडे २१९ कोटी ४७ लाख रुपयांची वीजबिल थकबाकी आहे. त्यामुळे वीजपुरवठा खंडित होण्याची कटू कारवाई व संभाव्य गैरसोय टाळण्यासाठी ग्राहकांनी वीजबिल भरणे आवश्यक असल्याचे महावितरणचे म्हणणे आहे.
वीजबिल भरणा सोयीचा व्हावा यासाठी या महिन्यात सार्वजनिक सुटीच्या दिवशीही वीजबिल भरणा केंद्रे सुरू ठेवण्यात आली आहेत.
याशिवाय महावितरणची वेबसाइट, ग्राहकांसाठीचे मोबाईल ॲप, विविध पेमेंट वॉलेट आदींच्या माध्यमातून डेबिट/क्रेडिट कार्ड, नेट बँकिंगमार्फत वीजबिल ऑनलाइन भरण्याची सुविधा उपलब्ध आहे.
या सुविधांचा उपयोग करून संबंधित ग्राहकांनी थकबाकी व इतर ग्राहकांनी चालू वीजबिलाचा विहित मुदतीत भरणा करण्याचे आवाहन महावितरकडून करण्यात आले आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.