Sangli News: हवामान बदल, बाजारातील चढ-उतार आणि शेतीविषयक अचूक माहितीत असणाऱ्या मर्यादांमुळे शेतकऱ्यांसमोर अनेक आव्हाने उभी राहिली आहेत. या पार्श्वभूमीवर शेतकऱ्यांना तंत्रज्ञानाच्या मदतीने माहिती मिळावी, यासाठी कृषी विभागाने ‘महाविस्तार एआय’ अॅप विकसित केले आहे. जिल्ह्यात महाविस्तार एआय अॅपवर ७३२ गावांतील ६१ हजार ३१६ शेतकऱ्यांनी नोंदणी केली आहे. शेतकऱ्यांनी अॅपवर नोंदणी करून त्याचा वापर करण्याचे आवाहन कृषी विभागाने केले आहे..शेतकऱ्यांना आधुनिक तंत्रज्ञानाच्या माध्यमातून अचूक, वेळीच व विश्वासार्ह कृषी माहिती मिळावी, या उद्देशाने कृषी विभागाने राज्यभर ‘महाविस्तार एआय’ हे कृत्रिम बुद्धिमत्तेवर आधारित ॲप सुरू केले आहे. महाविस्तार एआय ॲप हे शेतकऱ्यांच्या शेतीशी संबंधित सर्व गरजा पूर्ण करणारे एक प्रभावी डिजिटल व्यासपीठ आहे. .Mahavistar AI App: ‘महाविस्तार’ अॅप वापरात साक्री राज्यात अव्वल .मराठी भाषेत उपलब्ध असलेले हे ॲप शेतकऱ्यांना रिअल टाइम हवामान अंदाज, बाजारभाव, कृषी तज्ज्ञांचा सल्ला तसेच आधुनिक शेती पद्धतींचे मार्गदर्शन एका क्लिकवर उपलब्ध करून देते. एआय चॅटबॉटद्वारे शेतकऱ्यांच्या प्रश्नांना त्वरित उत्तरे मिळतात.या अॅपबाबत कृषी विभागाने जिल्हाभर जनजागृती केली आहे..Mahavistar AI App: ‘महाविस्तार एआय’कडे शेतकऱ्यांचा कल .या ॲपच्या माध्यमातून हवामान अंदाज, पीक लागवडीच्या पद्धती, कीड व्यवस्थापन, खतांचा योग्य वापर, मृदा आरोग्य, गोदाम व्यवस्था तसेच डीबीटीवरील विविध शासकीय योजनांची माहिती देण्यात येणार आहे. बाजारभावाची अद्ययावत माहिती, विविध कृषी योजना, अनुदान व पीकविमा योजनांची सविस्तर माहिती एकाच ठिकाणी उपलब्ध होणार आहे. .पिकांचे फोटो अपलोड करून रोग व किडींचे निदान करून त्यावरील उपायही शेतकऱ्यांना मिळणार असल्याने हे अॅप शेतकऱ्यांना फायदेशीर ठरणार आहे. त्यामुळे शेतकऱ्यांनी महाविस्तार अॅपवर नोंदणी करावी असे आवाहन कृषी विभागाने केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
