Amravati News: सततच्या पावसाने नुकसान झालेल्या शेतकऱ्यांना मदतीसाठी ५७० कोटी रुपये मदतनिधी मागण्यात आला असताना राज्य शासनाने जिल्ह्यासाठी ३८ कोटी रुपये मंजूर केले आहेत. यामुळे चांगलाच रोष उफाळून येण्याची शक्यता बघता पुन्हा प्रस्ताव पाठविण्याचे निर्देश जिल्हाधिकाऱ्यांना देण्यात आले आहेत..यंदाच्या खरीप हंगामातील सप्टेंबरमध्ये सततच्या पावसाने बाधित शेतकऱ्यांसाठी जिल्हा प्रशासनाने ५७० कोटी रुपये मदतीचा प्रस्ताव ९ ऑक्टोबरलाच शासनाला पाठविला होता. शनिवारी (ता. १८) शासनाने आपदग्रस्त शेतकऱ्यांसाठी मदत जाहीर केली असून, अमरावती जिल्ह्यासाठी ३८.०४ कोटी रुपयांचा मदत निधी मंजूर करण्यात आला आहे. ही मदत जिल्ह्यातील ४५ हजार ८८२ हेक्टर क्षेत्रातील ४८ हजार ७१ शेतकऱ्यांसाठी आहे..Crop Loss Compensation : शेतकऱ्यांना हेक्टरी ५० हजार रुपये नुकसानभरपाई, संपूर्ण कर्जमुक्त करा .सप्टेंबर महिन्यातील सततच्या पावसाने जिल्ह्यातील जिरायती, बागायती व फळपिकांखालील ५ लाख ४७ हजार ८७६ हेक्टर क्षेत्रातील पिकांचे ३३ टक्क्यांपेक्षा अधिक नुकसान झाले असून, त्याचा ४ लाख ९० हजार ९११ शेतकऱ्यांना फटका बसला असल्याचा अहवाल जिल्हा प्रशासनाने संयुक्त पंचनाम्याद्वारे शासनाला कळविला आहे..आपद्ग्रस्त शेतकऱ्यांसाठी ५७० कोटी ९ लाख रुपयांच्या मदतनिधीची मागणी या प्रस्तावाद्वारे केली होती.राज्य शासनाने शनिवारी (ता. १८) जाहीर केलेल्या शासन निर्णयानुसार अमरावती जिल्ह्यासाठी ३८.०४ कोटी रुपयांचा निधी मंजूर करण्यात आला आहे. या निधी जिल्ह्यातील ४५ हजार ८८२ हेक्टरमधील ४८ हजार ७१ शेतकऱ्यासाठी आहे, असेही शासन निर्णयात आहे..Crop Loss Compensation : तीन महिन्यांतील पीकनुकसानीपोटी १२८ कोटी ५५ लाख निधी मंजूर.मागणी ५७० कोटी रुपयांची असताना जिल्ह्यास ३८.०४ कोटी रुपये मंजूर करण्यात आले आहे. म्हणजे एकूण मागणीच्या सहा टक्के इतकाच निधी जिल्ह्याच्या वाटेस आला आहे. शासनाच्या या निर्णयाने जिल्ह्यात रोष उफाळून येण्याच्या शक्यता जिल्हाधिकाऱ्यांनी शासनाला अवगत केली असून निधी वाढवून देण्याची विनंती केली आहे. अखेर शासनाने मदतनिधीचा प्रस्ताव पुन्हा सादर करण्यास सांगितले असून, त्यासाठी सुट्टीच्या दिवशी जिल्हाधिकारी कार्यालयात चांगलीच धावपळ सुरू होती..जिल्हा प्रशासनाचा प्रस्ताव बाधित शेतकरी ः ४,९०,९११बाधित क्षेत्र ः ५,४७,८७६ हेक्टरमदतनिधीची मागणी ः ५७०.०९ कोटी.राज्य शासनाकडून जाहीर मदतबाधित शेतकरी ः ४८,०७१बाधित क्षेत्र ः ४५,८८२ हेक्टरमदतनिधी जाहीर ः ३८.०४ कोटी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
