Kolhapur News: चंदगड, आजरा व गडहिंग्लज विभागात सुमारे २० हजार टन ऊस उपलब्ध आहे. या भागात पाच कारखाने सुरू असतानाही वेळेत ऊस उचल होत नाही. कारखाने कर्नाटकातील उसाला प्राधान्य देत असल्याचा आरोप स्वाभिमानी शेतकरी संघटनेने केला. कार्यक्षेत्रातील उसाला प्राधान्य देण्याची मागणी संघटनेच्या वतीने परिसरातील कारखान्यांकडे करण्यात आली आहे. .परिसरातील कारखान्यांना संघटनेच्या वतीने देण्यात आलेल्या निवेदनात ही मागणी करण्यात आली आहे. त्यात म्हटले आहे, की कारखानदारांनी आपल्या गाळपाचे उद्दिष्ट गाठण्यासाठी बाहेरील ऊस आणण्यास प्राधान्य दिले आहे..Sugarcane Crushing Season: धाराशिव जिल्ह्यात ऊस गाळपाची बुलेट ट्रेन सुसाट.त्यामुळे कार्यक्षेत्रात मोठ्या प्रमाणात ऊस अजूनही शेतात उभा आहे. परिपक्व झालेल्या उसाला तुरे फुटले आहेत. यामुळे उसाचे वजन घटत आहे. आणखी पंधरा दिवस उलटल्यास वातावरणात उष्णतेचे प्रमाण वाढून तोडणी मजूर उसाच्या फडात जाण्यास नकार देतात. उभे पीक जाळून नंतर तोडणी केली जाते..Sugarcane Crushing Season: नांदेड विभागात ५२ लाख टन गाळप .याचा शेतकऱ्यांच्या मानसिकतेवर दुष्परिणाम होत आहे. कष्ट आणि आर्थिक गुंतवणूक करून पिकवलेल्या पिकाची योग्य वेळेत तोडणी झाल्यास चांगले आर्थिक उत्पन्न मिळेल, अशी शेतकऱ्यांची अपेक्षा फोल ठरत आहे..तोडणी यंत्रणा कमी असल्याचे कारण देऊन कारखानदारांकडून क्रमपाळी डावलली जात आहे. तोडणी यंत्रणेकडूनसुद्धा खुशालीच्या नावावर शेतकऱ्यांची लूट सुरू आहे. याकडे कारखाना प्रशासनाने दुर्लक्ष केले आहे. हा प्रकार थांबवावा तसेच कार्यक्षेत्रातील ऊस प्राधान्याने उचल करावा. वन्यप्राण्यांचा त्रास असलेल्या पश्चिम भागातील ऊसतोडणीला प्राधान्य द्यावे, अशी मागणी संघटनेतर्फे करण्यात आली. निवेदनावर सतीश सबनीस, सुरेश कुट्रे, पिंटू गुरव, जगन्नाथ हुलजी, विलास पाटील आदींच्या स्वाक्षऱ्या आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
