Pune News: जिल्हा परिषद आणि १३ पंचायत समित्यांच्या सार्वत्रिक निवडणुकीसाठी एकूण २१९ जागांसाठी १८०६ उमेदवारांनी तब्बल २३३५ उमेदवारी अर्ज दाखल केले आहेत. जिल्ह्यात सर्वाधिक उमेदवारी अर्ज इंदापूर तालुक्यातून, तर सर्वांत कमी अर्ज वेल्हे तालुक्यातून दाखल झाले आहेत. .पुणे जिल्हा परिषदेच्या ७३ आणि पंचायत समित्यांच्या १४६ अशा मिळून एकूण २१९ जागांसाठी उमेदवारी अर्ज भरण्याची प्रक्रिया १६ जानेवारीपासून सुरू झाली होती. बुधवारी (ता. २१) हा अर्ज दाखल करण्याचा अंतिम दिवस होता. पहिल्या तीन दिवसांत अवघ्या ५८ इच्छुकांनी उमेदवारी अर्ज दाखल केले होते. मात्र त्यानंतरच्या तीन दिवसांत उमेदवारी अर्ज दाखल करण्यासाठी इच्छुकांची मोठी झुंबड उडाल्याचे चित्र दिसून आले..Local Body Elections: नागपूर जिल्हा परिषद निवडणुकीत ‘लातूर पॅटर्न’ची चर्चा.दाखल झालेल्या एकूण उमेदवारी अर्जांपैकी जिल्हा परिषदेच्या ७३ जागांसाठी ८५३, तर जिल्ह्यातील तेरा पंचायत समित्यांच्या १४६ जागांसाठी १४८२ अर्ज दाखल झाले आहेत. जिल्हा परिषद गटांसाठी ६४१ उमेदवारांनी ८५३, तर पंचायत समिती गणांसाठी ११६५ उमेदवारांनी १४८२ उमेदवारी अर्ज दाखल केले आहेत..Local Body Election: शेवटच्या क्षणापर्यंत पक्षांतर, वाटाघाटी.जिल्हा परिषद गटांसाठी ३७४ पुरुष व २६७ महिलांनी, तर पंचायत समिती गणांसाठी ६४४ पुरुष व ५२१ महिलांनी उमेदवारी अर्ज दाखल केल्याची माहिती जिल्हा परिषद निवडणूक जिल्हा समन्वयक तथा रोजगार हमी योजना विभागाच्या उपजिल्हाधिकारी डॉ. चारुशीला देशमुख-मोहिते यांनी दिली. तसेच उमेदवारी अर्जांची छाननी, माघारीच्या प्रक्रियेनंतर निवडणुकीचे चित्र स्पष्ट होणार आहे..‘काँग्रेस-वंचित’ची आघाडी जाहीरजिल्हा परिषदेच्या निवडणुकीसाठी काँग्रेस व वंचित बहुजन पक्षाची आघाडी झाली आहे. जिल्हा परिषदेच्या ७३ जागा व पंचायत समितीच्या १४६ जागांवर आघाडी एकत्रित निवडणूक लढविणार आहे, अशी घोषणा पुणे जिल्हा काँग्रेस समितीचे अध्यक्ष श्रीरंग पाटील व वंचित बहुजन आघाडीचे राष्ट्रीय सचिव व पुणे जिल्हा समन्वयक प्रियदर्शी तेलंग यांनी केली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
