Sangli News : जिल्ह्यात सप्टेंबर महिन्यात झालेल्या अतिवृष्टीने बाधित ४२ हजार २८८ शेतकऱ्यांसाठी राज्य शासनाकडून १५० कोटी रुपयांची मदत मिळाली आहे. फळ पिकांसाठी हेक्टरी २२ हजार ५००, बागायती पिकांसाठी हेक्टरी १७ हजार रुपये तर जिरायती पिकांसाठी हेक्टरी ८ हजार याप्रमाणे ही मदत देण्यात आली आहे. जिल्ह्यात या सानुग्रह अनुदान रकमेचे वाटप सुरू झाले आहे. खानापूर, आटपाडी, जत आणि तासगाव तालुक्यांत सर्वाधिक बाधित क्षेत्र आहे..जिल्ह्यातील २२ मंडलांमध्ये अतिवृष्टी नोंदवली गेली होती. प्रचंड पाऊस झाल्याने शेती खरडून गेली. दुष्काळी भागातील नद्यांना पूर आला. त्यातही मोठे नुकसान झाले. द्राक्ष, डाळिंब, भाजीपाला पिकांची मोठी हानी झाली. खरिपाची काढणीला आलेली, मळणीसाठी राखून ठेवलेली पिकेही पाण्याखाली गेली..Farmer Relief : पूर्व विदर्भामध्ये ५६ हजारावर शेतकऱ्यांना मदतनिधीची प्रतीक्षाच .जिल्हा प्रशासन, कृषी विभाग आणि ग्राम विकास विभागाने संयुक्तपणे या नुकसानीचा पंचनामा केला होता. त्यात पहिल्या टप्प्यात नजरअंदाज अहवाल पाठवला गेला होता. त्यानुसार ५१ हजार हेक्टर क्षेत्र बाधित झाल्याचा अंदाज नोंदवला होता..प्रत्यक्ष बांधावर पंचनामे केल्यानंतर सुमारे २५ हजार ५१९ हेक्टर क्षेत्राचे मोठे नुकसान झाल्याची नोंद या अहवालात करण्यात आली. त्यानुसार राज्य शासनाकडे निधीची मागणी करण्यात आली होती. राज्य शासनाकडून जिल्ह्याला दोन टप्प्यांत निधी मंजूर करण्यात आल्याचे संबंधित विभागाच्या सूत्रांनी सांगितले. .Farmer Relief : ई-केवायसी नसल्याने ‘डीबीटी’पासून लाभार्थी वंचित.पहिल्या टप्प्यात १४२ कोटी रुपयांना मंजुरी मिळाली आणि दुसऱ्या टप्प्यात आठ कोटी रुपयांना मंजुरी देण्यात आली आहे. हा निधी जिल्ह्याला प्राप्त झाला असून त्याचे तहसील निहाय वाटप सुरू करण्यात आले आहे. शेतकऱ्यांनी ई-केवायसी पूर्ण केल्यानंतर तातडीने त्यांना रक्कम मिळणार आहे..जिल्ह्यातील नुकसानीबाबतचा अहवाल आम्ही राज्य शासनाला सादर केला होता. त्यानुसार संपूर्ण भरपाई रक्कम जिल्ह्याला मिळाली आहे. दीडशे कोटी रुपयांचे वाटप सुरू करण्यात आले आहे.- विवेक कुंभार, जिल्हा अधीक्षक कृषी अधिकारी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
