Farmer Welfare: यावर्षी एप्रिल २०२६ मध्ये राज्यातील विविध जिल्ह्यांमध्ये झालेल्या अवकाळी पावसामुळे शेतीपिकांचे मोठ्या प्रमाणात नुकसान झाले होते. या नैसर्गिक आपत्तीमुळे बाधित झालेल्या शेतकऱ्यांना तातडीने आर्थिक मदत देण्यासाठी राज्य शासनाने १४ कोटी ५८ लाख ९० हजार रुपयांचा निधी मंजूर केला आहे. मदत वाटपाची प्रक्रिया पारदर्शक पद्धतीने राबविण्यात येणार असून, निधी थेट लाभार्थी शेतकऱ्यांच्या बँक खात्यात जमा करण्यात येणार असल्याची माहिती मदत व पुनर्वसन मंत्री तथा बुलडाणा जिल्ह्याचे पालकमंत्री मकरंद जाधव-पाटील यांनी दिली..बुलडाणा जिल्ह्यात एप्रिल २०२६ मध्ये झालेल्या अवकाळी पावसामुळे बाधित झालेल्या २ हजार २२० शेतकऱ्यांसाठी २ कोटी २७ लाख ३२ हजार रुपयांचा निधी मंजूर करण्यात आला आहे. जिल्ह्यातील १,३३५ हेक्टर बाधित क्षेत्रावरील शेतकऱ्यांना हा निधी वितरित होणार आहे..Farmer Support: आंबा आणि काजू उत्पादकांना हेक्टरी २२ हजार : मुख्यमंत्री.शासनाने निश्चित केलेल्या दरांनुसार पात्र शेतकऱ्यांना मदतीचा निधी थेट त्यांच्या बँक खात्यात ‘डायरेक्ट बेनिफिट ट्रान्सफर’ प्रणालीद्वारे जमा केला जाणार आहे. यासाठी सर्व लाभार्थ्यांची माहिती संगणकीय प्रणालीवर अचूकपणे नोंदविण्याच्या सूचना संबंधित अधिकाऱ्यांना देण्यात आल्या आहेत.चालू हंगामात यापूर्वीच नुकसानभरपाई मिळालेल्या शेतकऱ्यांना पुन्हा त्याच कारणासाठी मदत मिळणार नाही..Farmer Support: प्रयोगशील युवा शेतकऱ्यांना सुविधा द्या : पालकमंत्री डॉ. भोयर.एका हंगामात एकदाच मदत देण्यात येणार असून कोणत्याही लाभार्थ्याला दुबार मदत मिळणार नाही, याची जबाबदारी संबंधित तहसीलदार व जिल्हाधिकारी कार्यालयांवर सोपविण्यात आली आहे. मदत वितरणाची प्रक्रिया पूर्ण झाल्यानंतर सर्व लाभार्थ्यांची यादी व त्यांना वितरित करण्यात आलेल्या मदतीचा तपशील संबंधित जिल्ह्यांच्या अधिकृत संकेतस्थळांवर प्रसिद्ध करण्यात येणार आहे. शासन निर्णयानुसार पुणे, छत्रपती संभाजीनगर आणि अमरावती विभागातील एकूण १६ हजार २६७ बाधित शेतकऱ्यांना हा निधी वितरित होणार आहे. सुमारे ८ हजार ९८.९५ हेक्टर बाधित क्षेत्रासाठी १४ कोटी ५८ लाख ९० हजार रुपयांची मदत मंजूर करण्यात आली आहे..बँकांना वसुली करण्यास मनाईनैसर्गिक आपत्तीमुळे शेतकऱ्यांना मिळणारा मदतीचा निधी बँकांनी कोणत्याही कर्जाच्या वसुलीसाठी अथवा इतर कारणांसाठी वळता करू नये, असे स्पष्ट निर्देश शासनाने दिले आहेत. याबाबत सर्व बँकांना आवश्यक सूचना देण्याचे आदेश जिल्हाधिकाऱ्यांना देण्यात आले आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
