Heavy rain damage : राज्य सरकारने संत्रा उत्पादक शेतकऱ्यांसाठी १२ कोटी ३८ लाख रुपयांची मदत मंजूर केली आहे. यामध्ये वर्धा जिल्ह्यातील आर्वी, कारंजा आणि आष्टी तालुक्यातील शेतकऱ्यांना मदत मिळणार आहे. विभागीय आयुक्तांनी सादर केलेल्या प्रस्तावानुसार राज्य सरकारने मदतीला मान्यता दिली आहे. याबाबतचा शासन निर्णय राज्य सरकारने जारी केला आहे..सप्टेंबर महिन्यात अतिवृष्टीने अक्षरक्ष: धुमाकूळ घातला. त्यामुळे शेतकऱ्यांच्या शेतीपिकांसह शेत जमीन आणि पशुधनाचं अभूतपूर्व नुकसान झाले. त्यामुळे अतिवृष्टीबाधितांसाठी राज्य सरकारने मदतीची घोषणा केली. .Orange Processing: संत्रा ग्रेडिंग-कोटिंगचा पथदर्शी प्रकल्प बासनात .वर्धा जिल्ह्यात संत्रा उत्पादकांना मोठा फटका बसला. त्यामुळे वर्धा जिल्ह्यातील ३४५ गावांमधील ८ हजार ९९९ संत्रा उत्पादकांना आर्थिक मदत मंजूर करण्यात आली आहे. अतिवृष्टीमुळे वर्धा जिल्ह्यातील ५ हजार ५०६ हेक्टर क्षेत्रावरील संत्रा बागांचे नुकसान झाले होते. विभागीय पातळीवरून याबाबतचे प्रस्ताव राज्य सरकारला पाठवण्यात आले. त्यानुसार मदत मंजूर करण्यात आल्याचे शासन निर्णयात सांगितले आहे..शासन निर्णयामध्ये निधी वितरण करताना कोणत्याही लाभार्थ्याला दुहेरी मदत मिळणार नाही, याची दक्षता तहसील व जिल्हाधिकारी कार्यालयाने घ्यावी, असे निर्देश देण्यात आले आहेत. तसेच मंजूर निधीचा वापर केवळ ज्या कारणासाठी तो दिला आहे, त्याच उद्देशासाठी करण्यात यावा, असेही स्पष्ट करण्यात आले आहे..Orange Crop Insurance: संत्रा उत्पादकांना १७ कोटींचा विमा परतावा.मागील वर्षी सप्टेंबर आणि ऑक्टोबर महिन्यात अतिवृष्टीने मराठवाडा आणि विदर्भातील अनेक भागांत उभी पिके उद्ध्वस्त झाली होती. फळबागांचे मोठ्या प्रमाणावर नुकसान झाले होते. विदर्भातील वर्धा जिल्ह्यात संत्रा उत्पादक शेतकऱ्यांच्या संपूर्ण बागा बाधित झाल्याने ते गंभीर आर्थिक संकटात सापडले होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
