Kharif Crop Insurance : खरीप पीकविमा योजनेत १२ लाख ४६ हजारांवर अर्ज

Parbhani News : यंदाच्या २०२४ खरीप हंगामात पंतप्रधान पीकविमा योजनेअंतर्गत शेतकरी सहभागातील प्राथमिक आकडेवारीनुसार परभणी जिल्ह्यातील ५२ महसूल मंडलांतील ३ लाख ५७ हजार २८६ शेतकऱ्यांनी ७ लाख ६३ हजार २२८ अर्ज दाखल केले असून ५ लाख २३ हजार ९६० हेक्टरवरील पिकांसाठी विमा संरक्षण घेतले आहे.

हिंगोली जिल्ह्यातील ३० मंडलांतील २ लाख ९ हजार ३४९ शेतकऱ्यांनी ४ लाख ७८ हजार ४८६ अर्ज दाखल करत ३ लाख १८ हजार ४८० हेक्टरवरील पिकांसाठी विमा संरक्षण घेतले आहे.

परभणी जिल्ह्यात पीकविमा योजनेत सहभागी शेतकऱ्यांमध्ये कर्जदारांचे ६ हजार ५७० व बिगर कर्जदारांचे ७ लाख ५६ हजार ६५८ अर्ज मिळून एकूण ७ लाख ६३ हजार २२८ विमा अर्ज आहेत. त्यात सीमांत शेतकऱ्यांचे ७.४७ टक्के, लहान शेतकऱ्यांचे ८९.०२ टक्के तसेच इतर ३.५१ टक्के तर महिला शेतकऱ्यांचे २२.५७ टक्के व पुरुष शेतकऱ्यांचे ७७.४१ टक्के इतर ०.००२ टक्के अर्ज आहेत.

एकूण ५ लाख २३ हजार ९६० हेक्टरवरील पिकांसाठी २ हजार ७७२ कोटी ११ लाख ५७ हजार रुपये एवढ्या विमा रकमेचे संरक्षण घेतले आहे. शेतकऱ्यांनी प्रतिअर्ज १ रुपयानुसार ७ लाख ६३ हजारांवर विमा हप्ता भरला आहे. राज्य व केंद्र शासनाचा मिळून एकूण ७८२ कोटी ६९ लाख रुपये विमा हप्ता आहे. हिंगोली जिल्ह्यात कर्जदारांचे ७ हजार ७४४ व बिगर कर्जदारांचे ४ लाख ७० हजार ७४२ अर्ज मिळून एकूण ४ लाख ७८ हजार ४८६ विमा अर्ज आहेत.

परभणी, हिंगोली जिल्हा पीकविमा स्थिती क्षेत्र हेक्टरमध्ये

तालुका मंडले शेतकरी संख्या विमा

अर्ज विमा

संरक्षित क्षेत्र

परभणी ९ ६०८३७ १०५७२३ ८८०६५

जिंतूर ८ ५७८२० १४६२६० ८८३०३

सेलू ६ ४०५०० ९०१६८ ५८०८७

मानवत ५ २८०१७ ४८५९३ ४१०१३

पाथरी ४ ३२४५६ ६००४८ ४६०९३

सोनपेठ ४ २५३१७ ५१५३३ ४६०१४

गंगाखेड ५ ४००५८ ९८९१५ ५७२४५

पालम ५ ३३२१२ ८२४०८ ४६९९०

पूर्णा ६ ४२३४९ ७९५८० ५२१४४

हिंगोली ६ ३८३७९ ८९०६७ ६३७६५

कळमनुरी ६ ४३४१७ ८३१९० ६६९१३

वसमत ७ ४८६१० १०४०९६ ६२६२६

औंढा नागनाथ ४ ३५७२५ ८९७७० ५०४७५

सेनगाव ६ ४५६४० ११२३६३ ७४६९४