नाशिकमध्ये वाटाण्याची आवक, दर स्थिर

नाशिक : येथील कृषी उत्पन्न बाजार समितीमध्ये वाटाण्याची आवक गत सप्ताहात १९० क्विंटल झाली. आवक सर्वसाधारण होत असल्याने दर स्थिर आहेत. त्यास प्रतिक्विंटल ६००० ते ७५०० दर मिळाला. तर सरासरी दर ७००० राहिला, अशी माहिती बाजार समितीच्या सूत्रांनी दिली.

उन्हाळ कांद्याची आवक १३२९८ क्विंटल झाली. त्यास प्रतिक्विंटल ४१० ते १७०१, तर सरासरी दर १२५० रुपये राहिला. बटाट्याची आवक ६७४६ क्विंटल झाली. त्यास प्रतिक्विंटल ४०० ते १४००, तर सरासरी दर ८१० रुपये राहिला. लसणाची आवक १५७ क्विंटल झाली. त्यास प्रतिक्विंटल ३००० ते ७५००, तर सरासरी दर ५५०० रुपये राहिला. आल्याची आवक ६६० क्विंटल झाली. त्यास प्रतिक्विंटल ३००० ते ४०००, तर सरासरी दर ३५००रुपये राहिला.

फळभाज्यांची आवक जास्त होत असल्याने दरात घसरण झाली आहे. तर काहींचे बाजारभाव टिकून आहेत. वालपापडी-घेवड्याची आवक ७७३८ क्विंटल झाली. वालपापडीला प्रतिक्विंटल १५०० ते २०००, तर सरासरी दर १८०० रुपये राहिला. घेवड्याला प्रतिक्विंटल १००० ते १५०० तर सरासरी दर १२७० रुपये राहिला. हिरव्या मिरचीची आवक १०५८ क्विंटल झाली. मिरचीला प्रतिक्विंटल१५०० ते १८००, तर सरासरी १६०० दर राहिला. गाजराची आवक ३९ क्विंटल झाली. त्यास प्रतिक्विंटल २५०० ते ३०००, तर सरासरी दर २८०० रुपये राहिला.

फळभाज्यांमध्ये प्रति २० किलोच्या क्रेटला टोमॅटोला३० ते १५०, तर सरासरी ८० रुपये दर मिळाले. वांग्यांची १०० ते २५०, तर सरासरी १८० व फ्लॉवर ८० ते १९० सरासरी १३० रुपये असे दर प्रति १४ किलोस मिळाले. कोबीला ४० ते ६० तर सरासरी ५० रुपये असे दर प्रति २० किलोस मिळाले. ढोबळी मिरचीला ५० ते १२० तर सरासरी दर ९० रुपये असे दर प्रति ९ किलोस मिळाले.

वेलवर्गीय भाजीपाल्यामध्ये भोपळा १०० ते २५०, तर सरासरी १७०, कारले ७० ते १३० तर सरासरी १००, गिलके १५० ते ३०० तर सरासरी २३० व दोडक्याला १२० ते ३५०, तर सरासरी दर २५० रुपये असे प्रति १२ किलोस दर मिळाले. काकडीला  २०० ते ४००, तर सरासरी ३०० रुपये असे २० किलोस दर मिळाले.