डॉ. मुकुंद शिंदेInspiring Success Story: शिक्षण पूर्ण झाल्यानंतर कुठेतरी पटकन नोकरीला लागणे हे प्रत्येक विद्यार्थ्यांचे स्वप्न असते. त्यात सरकारी नोकरी मिळाली तर विचारायलाच नको. १९८० च्या दशकामध्ये महाराष्ट्र शासनाने कृषी अभियंत्यांसाठी इरिगेशन डिपार्टमेंटमधील कडा (Command Area Development Authority) मध्ये ५० टक्के जागा राखीव केल्या आणि राहुरी कृषी अभियांत्रिकी महाविद्यालयाच्या बॅचेसच्या बॅचेस ‘कडा’मध्ये नोकरीसाठी रुजू होऊ लागल्या. मी कॉलेजच्या तिसऱ्या वर्षीच्या अखेरीस वाईला इरिगेशन डिपार्टमेंटमध्ये एक महिना प्रशिक्षणासाठी गेलो. तेथील वातावरण पाहिल्यानंतर इरिगेशन डिपार्टमेंटमध्ये नोकरी करायची नाही हे पक्के ठरवलं. परंतु माझ्या बॅचमधील बरेच विद्यार्थी इरिगेशन डिपार्टमेंटला ‘कडा’मध्ये असिस्टंट इंजिनिअर पदावर रुजू झाले. त्यातीलच एक म्हणजे राजू चौधरी..राजू हा सातारा सैनिक स्कूलचा विद्यार्थी. बारावीनंतर राहुरीला ‘बीटेक’ला माझा वर्गमित्र. राजू हा बिलकूल अभ्यासू नव्हता. खोडकर, खेळाडू, कॉलेज जीवनाचा मनसोक्त आनंद घेणारा. बी.टेक. पूर्ण केल्यानंतर, त्याने लगेचच ‘कडा’ मध्ये सहायक अभियंता म्हणून नोकरी स्वीकारली. लवकरच त्यांचे लग्न झाले. पत्नी स्टेट बँकेत नोकरीला. पती आणि पत्नी दोघांकडेही सरकारी नोकरी! सुखी वैवाहिक जीवनासाठी यापेक्षा उत्तम जोडी काय असू शकते? मात्र ‘कडा'मधील कार्यसंस्कृती राजूला फारशी रुचली नाही त्याचे मन तिथे रमेना..Poultry Business Success: रवींद्र मेटकर यांची शेतीपूरक व्यवसायातील वाटचाल अनुकरणीय .त्याने राजीनामा देण्याचा निर्णय घेतला. २००० मध्ये त्याने ‘कडा’ची आणि त्यांच्या पत्नीने स्टेट बँकेची नोकरी सोडली आणि हातात कोणतीही नोकरी नसताना मुलांसह थेट कॅनडा गाठले. पंधरा वर्षे सरकारी नोकरी करून राजीनामा देण्याच्या त्यांच्या या निर्णयाला कुटुंबीय आणि मित्रांचा किती विरोध झाला असेल आणि या जोडप्याने किती धाडस दाखवले असेल, याची कल्पना आपण करू शकतो..कॅनडात गेल्यानंतर राजूने लगेचच ‘हीटिंग, व्हेंटिलेशन आणि एअर कंडिशनिंग’चा (HVAC) अभ्यासक्रम पूर्ण केला. कठोर परिश्रम आणि निष्ठेच्या जोरावर त्याने लवकरच टोरंटो शहरात हीटिंग, व्हेंटिलेशन आणि एअर कंडिशनिंग या क्षेत्रात स्वतःचे नाव प्रस्थापित केले आणि पैसाही कमवला. ट्युलिप आणि डॅफोडिल फुलांच्या बहरण्यासोबतच राजूचे कुटुंब आणि व्यवसाय कॅनडात बहरू लागला. पैसा आल्यानंतर त्याने रिअल इस्टेटमध्ये व्यवसाय सुरू केला. या व्यवसायामध्ये सुद्धा राजू आणि त्याच्या पत्नीला चांगले यश मिळाले. .Inspiring Conservation Story: एका माणसाच्या ध्यासातून उभारले अभयारण्य.भारतीय लोकांची वडापावची आवड पाहून राजूने नंतर काही काळासाठी वडापावचा व्यवसाय केला. मैत्रीपूर्ण स्वभावामुळे आणि वडापावच्या व्यवसायामुळे टोरंटो शहरात राजूचा मित्रपरिवार खूप वाढला. या सर्व मित्रांना जोडून ठेवण्यासाठी राजू वडापाव नावाचे दोन व्हॉट्सॲप ग्रुप चालवतो. यामध्ये पाचशे कॅनडातील भारतीय जोडलेले आहेत. या ग्रुपमुळे कोणत्याही भारतीयाला कॅनडामध्ये काही अडचण असेल तर ग्रुपमधील इतर मेंबर्स त्याला मदत करतात..कॅनडामध्ये सहा महिने कडाक्याची थंडी असते. राजू आता या वयात ती थंडी सहन करू शकत नाही. त्यामुळे त्याने सहा महिने भारतात आणि सहा महिने कॅनडामध्ये राहण्याचे ठरवले आहे. मग भारतात असताना सहा महिन्यांत काय करायचे? राजू आता महाराष्ट्रात ‘वडापाव’च्या दुकानांची साखळी सुरू करण्याचा विचार करत आहे. त्याने मला त्याच्या वडापावसाठी ब्रँडच्या नावाबाबत विचारले. मी त्याला ‘चौधरी वडापाव’ हे नाव सुचवले आणि त्यासोबत ‘जो कायमची चव धरी’ ही टॅगलाइन पण दिली. मी नोव्हेंबर २०२४ मध्ये निवृत्त झाल्यानंतर राजूने माझ्या घरी तीन, चार दिवस मुक्काम ठोकला. त्या वेळेस चौधरी वडापावचे ब्रँडिंग करण्यासाठी आम्ही कॉलनीतील मित्रांना चौधरी वडापावची पार्टी दिली..राजू हे कॅनडातील तरुण भारतीयांमध्ये राजू काका या नावाने प्रसिद्ध व्यक्तिमत्त्व आहे. त्याने आतापर्यंत हजारो भारतीय विद्यार्थ्यांना त्यांच्या वर्क परमीट आणि कायमस्वरूपी निवासासाठी मदत केली. कोणताही भारतीय विद्यार्थी पहिल्यांदाच कॅनडाला गेला, तर राजूचे दरवाजे सदैव त्यांच्यासाठी खुले असतात..१९८० च्या दशकात अनेक विद्यार्थी उच्च शिक्षणासाठी अमेरिका आणि कॅनडामध्ये गेले. एका बॅचच्या निरोप समारंभात, प्रवीण वायकोले या विद्यार्थ्याने आपल्या भाषणात मिश्किलपणे म्हटले होते ‘‘तुम्ही कॅनडाला जा, आम्ही ‘कडा’त जातो.’’ पण राजू एक असा मुलगा ठरला ज्याने ‘कडा’मध्ये पंधरा वर्षे नोकरी करून, राजीनामा देऊन कॅनडाला गेला आणि घवघवीत यश मिळविले..म्हणतात ना...मंजिले उन्हीं को मिलती हैजिनके सपनों में जान होती!!पंख से कुछ नहीं होता, हौसलों से उड़ान होती!- डॉ. मुकुंद शिंदे, ९४०३६०५९७९(माजी विभाग प्रमुख, महात्मा फुले कृषी विद्यापीठ राहुरी आणि संचालक एमआयडीसी कौशल्यविकास केंद्र, नाशिक).ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
