काळ्या तांदळाचा लागवड प्रयोग यशस्वी; दर मिळाला विक्रमी

मंडणगड : औषधी गुणांनी युक्त असलेल्या काळ्या तांदुळाच्या शेतीच्या उत्पादनाचा तालुक्यातील भोळवली येथील तरुणांनी केलेला प्रयोग कमालीचा यशस्वी ठरला असून तालुक्यातील शेतकऱ्यांना काळ्या तांदुळाची लागवड करण्याची प्रेरणा व मार्गदर्शन भोळवलीतील यशस्वी प्रयोगामुळे उपलब्ध झाले आहे.

आठ गुठे क्षेत्रावर जगातील सर्वाधिक मौल्यवान गणल्या गेलेल्या काळ्या तांदुळाची लागवड यंदा तालुक्यातील भोळवली येथील श्रीकांत कदम, सुनील घाडगे, संदेश सुगदरे, भावेश सुगदरे, शांताराम सुगदरे यांनी तरुणांनी केली होती.

हे देखिल वाचा - प्रयोगशील एकात्मिक शेतीत पंचक्रोशीत कमावले नाव

खरीप शेतीचा हंगाम संपला असून या संदर्भात या तरुणांशी संपर्क साधला असता, लागवड केलेल्या शेतीमधून ६० किलो इतका तांदूळ निर्माण झाल्याचे त्यांनी सांगितले. तसेच या तांदुळाचे प्रत्येक एक किलो इतक्या वजनाचे पँकेट करून त्यांची विक्री सुरू केली आहे. या तांदुळास ५०० रुपये प्रती किलो इतका विक्रमी दर मिळाला असून या तांदुळास बाजारात प्रचंड मागणी आहे.

हे देखिल पहा - 

गरजूंना मार्गदर्शन करणार काळा तांदुळाच्या भात उत्पादनाची बातमी स्थानिक माध्यमांनी उचलून धरलेली असल्याने देशातून व अगदी विदेशातून मालास मागणी असल्याची माहिती उत्पादक शेतकऱ्यांनी दिली आहे. आगामी काळात संपूर्ण तालुक्यात काळ्या तांदुळाचे लागवडीचे उत्पादन वाढावे, यासाठी प्रयत्न करून गरजूंना मार्गदर्शन उपलब्ध करून देणार असल्याचे प्रगतशील शेतकरी श्रीकांत कदम तरुणाने सांगितले.

एक दृष्टिक्षेप.. *तालुक्यात शेतकऱ्याना मार्गदर्शन * सुरवातीला आठ गुठ्यांत प्रयोग * या तांदुळाला बाजारात मागणी