सध्या माझे कापसाचे पीक ६० दिवसांचे झाले असून अपेक्षित वाढ झाली आहे. वेगवेगळ्या जातिनिहाय पातील, फुले, बोंडे योग्य प्रमाणात दिसून येत आहेत. हीच परिस्थिती कायम राहिल्यास अपेक्षित उत्पादनाची अपेक्षा आहे. सध्या माझे कापसाचे पीक ६० दिवसांचे झाले असून अपेक्षित वाढ झाली आहे. वेगवेगळ्या जातिनिहाय पातील, फुले, बोंडे योग्य प्रमाणात दिसून येत आहेत. हीच परिस्थिती कायम राहिल्यास अपेक्षित उत्पादनाची अपेक्षा आहे. आतापर्यंत खताचे दोन हप्ते देऊन झाले आहेत. खताचा तिसरा हप्ता एकरी एक बॅग पोटॅश, एक बॅग युरीया, १० किलो मॅग्नेशिअम सल्फेट देत आहे. जास्त वाढलेल्या कपाशीत युरीया ऐवजी अमोनियम सल्फेट वापरत आहे. पिकाची वाढ चांगली असल्यामुळे यानंतर डवरणी करता येणार नाही. यासाठी औताला दोरी बांधून पिकाला नुकतीच भर दिली. खत व्यवस्थितरीत्या मातीआड दाबले जाईल, याकडे लक्ष दिले. कापूस पिकास भर दिल्यामुळे दुहेरी फायदा होतो. जास्त पावसाच्या स्थितीत अतिरिक्त पाणी वाहून जाते. पावसाला खंड पडल्यास, ताण बसल्यास भरीमुळे वापसा धरून ठेवला जाऊ शकतो. मी ४० व्या दिवशी पिकामध्ये एकरी चार कामगंध सापळे लावले होते. मात्र, त्यामध्ये आतापर्यंत एकही पतंग आढळला नाही. शेतात फिरताना एक-दोन पतंग आढळले. त्यापासून नुकसान दिसून आले नाही. कामगंध सापळ्यामध्ये लावलेले ल्युर २० दिवस झाले. आणखी १० दिवसांनी ल्युर बदलावे लागतील. त्याचे नियोजन केले आहे. सुमारे १० दिवसापूर्वी कपाशी पिकामध्ये काही ठिकाणी मावा, फुलकिडे, तुडतुडे या रसशोषक किडींचा प्रादुर्भाव दिसून आला होता. त्याकरिता निंबोळी अर्काची पहिली फवारणी घेतली होती. आता पांढऱ्या माशीचा प्रादुर्भाव दिसून येत आहे. त्यासाठी लवकरच दुसऱ्या फवारणीचे नियोजन आहे. यावर्षी दरवर्षीच्या मानाने रसशोषक किडींचा प्रादुर्भाव कमी जाणवत आहे. फवारणीसाठी मी नेहमी योग्य निदान, योग्य कीटकनाशक, योग्य मात्रा आणि योग्य वेळ या चार सूत्रांची काटेकोर अंमलबजावणी करतो.
संपर्क- गणेश शामराव नानोटे, ९५७९१५४००४
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.