Pune News : राज्यात विजा, मेघगर्जनेसह हलक्या ते जोरदार सरी कोसळतच आहेत. राज्याच्या कमाल तापमानातील वाढ टिकून आहे. आज (ता. २२) कोकण, मध्य महाराष्ट्र, मराठवाड्यात तुरळक ठिकाणी जोरदार सरी आणि विजांसह पावसाचा अंदाज असल्याने दक्षतेचा इशारा (येलो अलर्ट) हवामान विभागाने दिला आहे. विदर्भात मुख्यतः उघडिपीसह हलक्या पावसाची शक्यता आहे..उत्तर अंदमान समुद्रात म्यानमारच्या किनाऱ्यालगत चक्राकार वाऱ्यांची स्थिती कायम असल्याने या भागात आज (ता. २२) हवेचे कमी दाबाचे क्षेत्र तयार होण्याचा अंदाज आहे. या प्रणालीपासून उत्तर तमिळनाडूपर्यंत हवेचा कमी दाबाचा पट्टा विस्तारला आहे. यातच दक्षिण ओडिशा आणि उत्तर आंध्र प्रदेशच्या किनाऱ्यालगत गुरुवारपर्यंत (ता. २५) नव्याने कमी दाब क्षेत्राची निर्मिती होण्याचे संकेत आहेत. किनाऱ्याकडे येताना ही प्रणाली तीव्र होणार आहे..Heavy Rain Satara : खटावमध्ये ढगफुटीसदृश पाऊस .कोकण, मध्य महाराष्ट्र, मराठवाड्यात पाऊस सुरूच असल्याने तुरळक ठिकाणी अतिवृष्टीची नोंद होत आहे. रविवारी (ता. २१) धाराशिव जिल्ह्यातील उमरगा येथे राज्यातील उच्चांकी १२० मिलिमीटर पावसाची नोंद झाली. पाऊस सुरू असला तरी उन्हाचा चटकादेखील कायम असल्याने कमाल तापमान अद्याप तिशीपार आहे. विदर्भात उन्हाचा चटका अधिक असल्याने, ब्रह्मपुरी येथे राज्यातील उच्चांकी ३५.७ अंश सेल्सिअस तापमानाची नोंद झाली..राज्यात विंजासह वादळी पावसाला पोषक हवामान कायम आहे. आज (ता. २२) मध्य महाराष्ट्रातील अहिल्यानगर, सोलापूर, मराठवाड्यातील छत्रपती संभाजीनगर, बीड, धाराशिव, लातूर जिल्ह्यांत जोरदार पावसाची शक्यता असल्याने, तर कोकण, मध्य महाराष्ट्र, मराठवाड्यात विजांसह पावसाची शक्यता असल्याने दक्षतेचा इशारा (येलो अलर्ट) हवामान विभागाने वर्तविला आहे..Rain Crop Damage : दिग्रस तालुक्यात संततधार पावसामुळे पिकांना फुटले कोंब .मॉन्सूनची आज आणखी माघार शक्यनैर्ऋत्य मोसमी वाऱ्यांनी (मॉन्सून) १४ सप्टेंबरपासून पश्चिम राजस्थानमधून परतीच्या प्रवासाला सुरुवात केली आहे. रविवारी (ता. २१) मॉन्सूनची वाटचाल जैसे थे असल्याने, भटिंडा, फतेहबाद, पिलानी, अजमेर, दिसा, भूजपर्यंतची परतीची सीमा कायम होती. परतीस पोषक हवामान असल्याने आज (ता. २२) गुजरात, राजस्थान, हरियाना, पंजाबच्या आणखी काही भागासह हिमाचल प्रदेश, जम्मू काश्मीर आणि उत्तर प्रदेशच्या काही भागातून मॉन्सूनची माघार शक्य आहे..रविवारी (ता. २१) सकाळी ८.३० पर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---२९.७---२१.५अहिल्यानगर---निरंक---२१.५धुळे---३२.०---२०.४जळगाव---३२.४---२४.५जेऊर---३१.५---१९.५कोल्हापूर---२९.२---२१.१महाबळेश्वर---२१.१---१७.४मालेगाव---२९.६---२१.०नाशिक---२८.४---२२.४निफाड---२९.७---२१.९सांगली---३०.८---२१.५सातारा---३०.४---२१.२सोलापूर---३१.७---२३.५सांताक्रूझ---३१.५---२५.२डहाणू---३२.४---२४.५रत्नागिरी---३०.०---२३.६छत्रपती संभाजीनगर---३०.६---२२.५धाराशिव---निरंक---२१.८परभणी---३३.२---२३.५परभणी (कृषी)---३१.५---२२.६अकोला---३३.९---२४.८अमरावती---३३.४---२२.३भंडारा---३४.०---२५.०बुलडाणा---२८.८---२३.४ब्रह्मपुरी---३५.७---२५.९चंद्रपूर---३४.८---२५.२गडचिरोली---३३.६---२५.०गोंदिया---३४.२---२३.८नागपूर---३४.६---२४.६वर्धा---३५.१---२४.४वाशीम---३१.२---२३.४यवतमाळ---३३.०---२३.२जोरदार पावसाचा इशारा (येलो अलर्ट) :अहिल्यानगर, सोलापूर, छत्रपती संभाजीनगर, बीड, धाराशिव, लातूर.विजांसह पावसाचा इशारा (येलो अलर्ट) :पालघर, ठाणे, मुंबई, रायगड, रत्नागिरी, सिंधुदुर्ग, नंदूरबार, धुळे, जळगाव, नाशिक, पुणे, सातारा, सांगली, कोल्हापूर, जालना, परभणी, हिंगोली, नांदेड, यवतमाळ, गडचिरोली. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
