Pune News : राज्यातून मॉन्सून परतीसाठी पोषक हवामान होत असतानाच, आज (ता. ७) उत्तर कोकण, उत्तर मध्य महाराष्ट्र, उत्तर मराठवाडा आणि पूर्व विदर्भात विजांसह पावसाचा अंदाज असल्याने सतर्कतेचा इशारा (येलो अलर्ट) देण्यात आला आहे. उर्वरित राज्यात तुरळक ठिकाणी विजांसह पावसाच्या सरींची शक्यता हवामान विभागाने वर्तविली आहे..रविवारी (ता. ५) मराठवाडा आणि विदर्भात काही ठिकाणी मुसळधार पावसाने हजेरी लावली असून, कोकण, मध्य महाराष्ट्रात तुरळक ठिकाणी हलक्या सरी कोसळल्या. सोमवारी (ता. ६) सकाळपर्यंतच्या २४ तासांमध्ये परभणी येथे राज्यातील उच्चांकी १२० मिलिमीटर पावसाची नोंद झाल्याचे हवामान विभागातर्फे सांगण्यात आले. मराठवाड्यात काही ठिकाणी अतिवृष्टीची नोंद झाली आहे. अनेक ठिकाणी पारा तिशीपार असून, अमरावती येथे राज्यातील उच्चांकी ३४.८अंश सेल्सिअस तापमानाची नोंद झाली..Monsoon Rain: विदर्भ, मराठवाड्यात पावसाची शक्यता; शक्ती चक्रीवादळाची तीव्रता आणखी कमी होण्याचा अंदाज.आज (ता. ७) पालघर, ठाणे, नंदूरबार, धुळे, जळगाव, नाशिक, छत्रपती संभाजीनगर, जालना, भंडारा, गोंदिया, चंद्रपूर, गडचिरोली जिल्ह्यांत विजांसह पावसाची शक्यता असल्याने सतर्कतेचा इशारा (येलो अलर्ट) देण्यात आला आहे. मुंबई, रायगड, बीड, परभणी, हिंगोली, धाराशिव, लातूर, नांदेड जिल्ह्यांत विजांसह पावसाचा अंदाज असून, उर्वरित राज्यात मुख्यतः उघडिपीसह तुरळक ठिकाणी हलक्या सरींची शक्यता आहे..मॉन्सूनच्या परतीसाठी पोषक हवामाननैर्ऋत्य मोसमी वाऱ्यांनी (मॉन्सून) २६ सप्टेंबर रोजी संपूर्ण राजस्थान, जम्मू काश्मीर, लडाख, हिमाचल प्रदेश, उत्तराखंडमधून माघार घेतली आहे. तसेच गुजरात, मध्य प्रदेश, उत्तर प्रदेशच्या आणखी काही भागातून मॉन्सून परतला. वेरावल, भरूच, उज्जैन, झांसी, शहाजहानपूरपर्यंतची मॉन्सूनच्या माघारीची सीमा सोमवारी (ता. ६) कायम होती. मॉन्सूनचा थांबलेला परतीचा प्रवास पुन्हा सुरू होणार असून, दोन ते तीन दिवसांत मध्य प्रदेश, उत्तर प्रदेश आणि महाराष्ट्राच्या काही भागातून मॉन्सून परतण्याची शक्यता आहे..‘शक्ती’ चक्रीवादळ निवळणारपश्चिम - मध्य अरबी समुद्रातील ‘शक्ती’ चक्रीवादळ सक्रिय असून, या प्रणालीची तीव्रता ओसरण्यास सुरुवात झाली आहे. या प्रणालीचे केंद्र गुजरातच्या नालियापासून ९६० किलोमीटर आणि द्वारकापासून ९४० किलोमीटर पश्चिमेकडे तर ओमानच्या मसिराह ३१० किलोमीटर पूर्वेकडे होते. ही प्रणाली पूर्वेकडे सरकायला सुरुवात झाली असून, महाराष्ट्र, गुजरातच्या किनाऱ्याकडे येताना ती हळूहळू निवळून जाणार आहे. यामुळे किनारपट्टीलगत ताशी ५५ ते ७५ किलोमीटर वेगाने वारे वाहण्याची, समुद्र खवळून उंच लाटा उसळण्याची शक्यता असल्याने मासेमारीसाठी खोल समुद्रात न जाण्याचा इशारा आहे..Weekly Weather: राज्यात पावसात बराच काळ उघडीप शक्य.सोमवारी (ता. ६) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---३०.०---१९.०अहिल्यानगर---निरंक---२०.५धुळे---३३.०---१८.२जळगाव---३२.८---२२.७जेऊर---३०.०---१८.५कोल्हापूर---२९.२---२०.५महाबळेश्वर---१९.६---१५.०.मालेगाव---३१.४---१९.०नाशिक---२८.८---१९.६निफाड---३०.२---१९.०सांगली---३०.४---२०.०सातारा---३०.६---१९.१सोलापूर---३१.३---२२.४सांताक्रूझ---२९.७---२३.९डहाणू---३१.८---२२.७रत्नागिरी---३०.९---२२.७.छत्रपती संभाजीनगर---३०.४---२२.०धाराशिव---३०.८---१९.४परभणी---३३.०---२१.४अकोला---३३.५---२३.९अमरावती---३४.८---२१.५भंडारा---२९.०---२३.०बुलडाणा---३१.२---२१.७.ब्रह्मपुरी---३३.७---२२.३चंद्रपूर---३२.०---२३.८गडचिरोली---२९.०---२३.०गोंदिया---३१.२---२२.४नागपूर---३१.७---२४.०वर्धा---३२.१---२३.५वाशीम---३१.०---२१.२यवतमाळ---३१.०---निरंक.मंगळवारी (ता. ७) राज्यातील पावसाचा अंदाज दर्शवणारा नकाशा (स्रोत : हवामान विभाग) :विजांसह पावसाचा इशारा (येलो अलर्ट) : पालघर, ठाणे, नंदूरबार, धुळे, जळगाव, नाशिक, छत्रपती संभाजीनगर, जालना, भंडारा, गोंदिया, चंद्रपूर, गडचिरोली.विजांसह पावसाची शक्यता : मुंबई, रायगड, बीड, परभणी, हिंगोली, धाराशिव, लातूर, नांदेड..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
