Pune News: कमी दाब प्रणाली गुजरातकडे सरकून जाताच राज्यात पावसाचा ओसरला आहे. राज्यात पुन्हा पावसाला पोषक हवामान होत असून, आज (ता. १) पूर्व विदर्भात विजांसह पावसाची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे. उर्वरित राज्यात तुरळक ठिकाणी विजांसह हलक्या सरींचा अंदाज आहे..कमी दाबाचे क्षेत्र उत्तरेकडे सरकून जाताच राज्यात पावसाने उघडीप दिली आहे. राज्यात ढगाळ आकाशासह ऊन सावल्यांचा खेळ सुरू आहे. मंगळवारी (ता. ३०) सकाळपर्यंतच्या २४ तासांमध्ये कोकण, घाटमाथा आणि महाराष्ट्रात तुरळक ठिकाणी हलक्या ते मध्यम पावसाने हजेरी लावली. तर पावसाची उघडीप असल्याने कमाल तापमानात चढ-उतार होत असून, चंद्रपूर येथे राज्यातील उच्चांकी ३३.८ अंश सेल्सिअस तापमानाची नोंद झाली..आज (ता. १) नांदेड, यवतमाळ, चंद्रपूर, गोंदिया, गडचिरोली जिल्ह्यांत तुरळक ठिकाणी विजांसह पावसाची शक्यता असल्याने सतर्कतेचा इशारा (येलो अलर्ट) देण्यात आला आहे. मध्य महाराष्ट्र, मराठवाड्यात पावसाच्या उघडिपीसह तुरळक ठिकाणी विजांसह पावसाचा अंदाज, तर उर्वरित राज्यात मुख्यतः उघडीपीसह हलक्या सरींची शक्यता आहे..Rain In October 2025 : देशात ऑक्टोबर महिन्यात सरासरीच्या ११५ टक्के पावसाचा अंदाज; राज्यावर पावसाचं सावट .बंगालच्या उपसागरात कमी दाबाचे संकेतकच्छचा आखात आणि परिसरावर ठळक कमी दाब क्षेत्र सक्रिय आहे. त्याला लागून समुद्र सपाटीपासून ७.६ किलोमीटर उंचीवर चक्राकार वाऱ्यांची स्थिती आहे. अरबी समुद्राकडे सरकत असलेल्या ही प्रणाली आज (ता. १) तीव्र होण्याची शक्यता आहे. या प्रणालीपासून मध्य प्रदेशपर्यंत हवेचा कमी दाबाचा पट्टा सक्रिय आहे. उत्तर आंध्र प्रदेश आणि परिसरावर चक्राकार वाऱ्यांची स्थिती आहे. उत्तर अंदमान समुद्रातील चक्राकार वाऱ्यामुळे बंगालच्या उपसागरात आज (ता. १) कमी दाबाचे क्षेत्र तयार होणार असून, किनारपट्टीकडे येताना उद्या (ता. २) त्याची तीव्रता वाढण्याचे संकेत आहेत..मॉन्सून परतीचा प्रवास ‘जैसे थे’नैॡत्य मोसमी वाऱ्यांनी (मॉन्सून) शुक्रवारी (ता. २६) संपूर्ण राजस्थान, जम्मू काश्मीर, लडाख, हिमाचल प्रदेश, उत्तराखंड मधून माघार घेतली आहे. तसेच गुजरात, मध्य प्रदेश, उत्तर प्रदेशच्या आणखी काही भागातून मॉन्सून परतला आहे. वेरावल, भरूच, उज्जैन, झांसी, शहाजहानपूरपर्यंतची मॉन्सूनच्या परतीची सीमा मंगळवारी (ता. ३०) कायम होती..Maharashtra Monsoon Rain: पावसाचा जोर ३ दिवस कमीच राहणार; विदर्भात गुरुवारपासून पावसाचा जोर वाढण्याची शक्यता.मंगळवारी (ता. ३०) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---२५.०---१८.५अहिल्यानगर---२५.०---१८.५धुळे---३०.०---१४.४जळगाव---३१.०---२१.१जेऊर---२८.०---१७.५कोल्हापूर---२६.९---२०.६महाबळेश्वर---१७.९---१६.२मालेगाव---२६.६---१९.०नाशिक---२४.१---२१.०.निफाड---२५.४---२०.५सांगली---२७.७---२०.५सातारा---२८.१---२०.९सोलापूर---३१.१---२२.४सांताक्रूझ---२८.५---२३.४डहाणू---२६.९---२२.४रत्नागिरी---२९.५---२३.२.छत्रपती संभाजीनगर---२७.४---२०.०धाराशिव---२७.०---२०.१परभणी---३१.६---२१.०परभणी (कृषी)---३०.५---१९.९अकोला---३१.६---२२.९अमरावती---३३.२---२१.८भंडारा---३२.०---२४.०.बुलडाणा---२८.०---२०.०ब्रह्मपुरी---३३.०---२५.०चंद्रपूर---३३.८---२४.४गडचिरोली---३०.६---२४.४गोंदिया---३१.४---२३.८नागपूर---३१.६---२४.२वर्धा---३२.८---२३.५वाशीम---२९.६---१९.२यवतमाळ---३१.२---२२.४विजांसह पावसाचा इशारा (येलो अलर्ट) :नांदेड, यवतमाळ, चंद्रपूर, गोंदिया, गडचिरोली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
