Pune News: ‘ऑक्टोबर हीट’मध्ये तापणाऱ्या महाराष्ट्रात पावसाला पोषक हवामान झाले आहे. राज्याच्या दक्षिणकडील जिल्ह्यात जोरदार पावसाने हजेरी लावली आहे. आज (ता. २५) राज्यात मेघगर्जना, विजांसह वादळी पावसाची शक्यता असल्याने दक्षतेचा इशारा (येलो अलर्ट) आहे. तसेच ढगाळ हवामानासह उन्हाचा चटका, उकाडा कायम राहण्याची शक्यता हवामान विभागाने वर्तविली आहे..राज्यात उन्हाचा ताप आणि उकाडा कायम असतानाच, कोकणातील रत्नागिरी, रायगड, सिंधुदुर्ग, मध्य महाराष्ट्रातील अहिल्यानगर, पुणे, सातारा, सोलापूर आणि कोल्हापूर, तसेच मराठवाड्यातील छत्रपती संभाजीनगर, विदर्भातील अमरावती या जिल्ह्यात काही ठिकाणी पावसाच्या जोरदार सरींनी तडाखा दिला. .शुक्रवारी (ता. २४) सकाळपर्यंतच्या २४ तासांत डहाणू येथे ३७.३ अंश सेल्सिअस, ब्रह्मपुरी आणि सांताक्रूझ येथे ३६ अंशांपेक्षा अधिक, अमरावती येथे ३५.२ अंश सेल्सिअस तापमानाची नोंद झाली. तर दौंड तालुक्यातील खुटबाव येथे सर्वाधिक ६० मिलिमीटर पावसाची नोंद झाली..Paus Andaj : चार दिवस वादळी पावसाचा अंदाज; मराठवाडा, विदर्भातील बहुतांशी ठिकाणी पावसाची शक्यता.आज (ता. २५) उत्तर कोकणातील पालघर, ठाणे या जिल्ह्यात जोरदार पावसाच्या सरी कोसळण्याचा इशारा देण्यात आला आहे. तर उर्वरित राज्यात विजांसह वादळी पावसाची शक्यता असल्याने दक्षतेचा इशारा (येलो अलर्ट) हवामान विभागाने दिला आहे. तर राज्यात ढगाळ आकाशासह, उन्हाचा चटका आणि उकाडादेखील कायम राहण्याचा अंदाज वर्तविण्यात आला आहे..बंगालच्या उपसागरात चक्रीवादळाचे संकेतदक्षिण अंदमान समुद्र आणि परिसरावर कमी दाब क्षेत्राची निर्मिती झाली आहे. वायव्येकडे सरकत असलेल्या या प्रणालीची तीव्रता वाढत असून, सोमवारी (ता. २७) सकाळपर्यंत पूर्व किनारपट्टीवर चक्रीवादळ तयार होण्याचे संकेत आहेत. यातच पूर्व-मध्य आणि अग्नेय अरबी समुद्रात तीव्र कमी दाबाचे क्षेत्र (डिप्रेशन) सक्रिय आहे. शुक्रवारी (ता. २४) ही प्रणाली गोव्याच्या पणजीपासून ३८० किलोमीटर नैर्ऋत्येकडे, लक्षद्वीपच्या अमिनीदीवीपासून ४०० किलोमीटर वायव्येकडे कर्नाटकच्या मंगलोरपासून ४८० पश्चिमेकडे होती..Maharashtra Rain: विजांसह वादळी पावसाची शक्यता.शुक्रवारी (ता. २४) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---३२.३---२१.४अहिल्यानगर---३१.०---२२.७धुळे---३३.०---१८.५जळगाव---३४.०---२१.६जेऊर---३३.०---१९.५कोल्हापूर---३०.१---२१.८महाबळेश्वर---२१.७---१८.०.मालेगाव---निरंक---२२.६नाशिक---३३.८---२२.९निफाड---३१.८---२३.०सांगली---२९.८---२१.८सातारा---३१.०---२१.४सोलापूर---३४.६---२३.१सांताक्रूझ---३६.०---२७.०डहाणू---३७.३---२६.०रत्नागिरी---३४.२---२४.३.छत्रपती संभाजीनगर---३२.२---२२.८धाराशिव---३२.१---१८.८परभणी---३२.९---२२.८परभणी (कृषी)---३२.९---२२.८अकोला---३४.९---२३.५अमरावती---३५.२---२१.५भंडारा---३०.०---२४.०बुलडाणा---३२.५---२२.६.ब्रह्मपुरी---३६.४---२२.३ चंद्रपूर---३४.४---२३.४ गडचिरोली---३३.२---२३.२ गोंदिया---३३.९---२०.५ नागपूर---३३.८---२२.६ वर्धा---३४.५---२२.५ वाशीम---३३.६---२१.६ यवतमाळ---३२.५---२२.६ .जोरदार पावसाचा इशारा (येलो अलर्ट) : पालघर, ठाणे. विजांसह पावसाची शक्यता (येलो अलर्ट) : रायगड, मुंबई, रत्नागिरी, सिंधुदुर्ग, नंदूरबार, धुळे, जळगाव, नाशिक, अहिल्यानगर, पुणे, सातारा, कोल्हापूर, सांगली, सोलापूर, छत्रपती संभाजीनगर, जालना, बीड, परभणी, धाराशिव, लातूर, बुलडाणा, अकोला, अमरावती, वाशीम, यवतमाळ, वर्धा, नागपूर, भंडारा, गोंदिया, चंद्रपूर, गडचिरोली. उन्हाचा चटका अधिक असलेली ठिकाणे : डहाणू ३७.३, ब्रह्मपुरी ३६.४, सांताक्रूझ ३६, अमरावती ३५.२..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
