Pune News: मॉन्सून सक्रिय होण्यास पोषक हवामान झाल्याने राज्यात पावसाचा जोर वाढला आहे. आज (ता. १९) कोकण, घाटमाथ्यावर मुसळधार पावसाचा अंदाज असल्याने सावधानतेचा इशारा (रेड अलर्ट) कायम आहे. दक्षिण कोकणात जोरदार पावसाचा अंदाज असल्याने दक्षतेचा इशारा (ऑरेंज अलर्ट), तर उर्वरित राज्यात जोरदार पावसाची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे. .मॉन्सूनचा आस असलेला कमी दाबाचा पट्टा दक्षिणेकडे आला असून, नालिया, जळगाव, ब्रह्मपुरी, जगदलपूर, कमी दाबाचे केंद्र ते पूर्व-मध्य बंगालच्या उपसागरापर्यंत सक्रिय आहे. अरबी समुद्रात गुजरातच्या किनाऱ्यालगत चक्राकार वाऱ्यांची स्थिती कायम आहे. मध्य महाराष्ट्रात पूर्व पश्चिमेकडून वाहणाऱ्या परस्पर विरोधी वाऱ्यांचे जोडक्षेत्र (शेअर झोन) तयार झाले आहे. दक्षिण कोकणापासून केरळपर्यंत किनारपट्टीला समांतर कमी दाबाचा पट्टा विस्तारला आहे..Monsoon Heavy Rain: पाऊस २ दिवस झोडपून काढणार; कोकण आणि घाटमाथ्यावर दोन दिवस रेड अलर्ट.कमी दाबाचे केंद्र, दक्षिणेकडे आलेला मॉन्सूनचा आस, किनारपट्टीला समांतर कमी दाबाचा पट्टा यामुळे पावसाला पोषक हवामान झाले आहे. कोकण, घाटमाथा, मराठवाड्यात अनेक ठिकाणी मुसळधार पाऊस सुरू आहे. सोमवारी (ता. १८) सकाळपर्यंतच्या २४ तासांमध्ये रत्नागिरीतील सावर्डे येथे २८०, म्हसळा येथे २१० मिलिमीटर पावसाची नोंद झाली. अनेक ठिकाणी १०० मिलिमीटरपेक्षा अधिक पाऊस झाल्याने हवामान विभागातर्फे सांगण्यात आले. तर विदर्भातील ब्रह्मपुरी येथे राज्यातील उच्चांकी ३४ अंश सेल्सिअस तापमानाची नोंद झाली..Rain Alert Maharashtra : कोकण, घाटमाथ्यावर ‘रेड अलर्ट’.आज (ता. १९) कोकण, घाटमाथ्यावर मुसळधार पावसाचा अंदाज असल्याने मुंबई, ठाणे, रायगड, नाशिक घाटमाथा, पुणे घाटमाथा, सातारा जिल्ह्याच्या घाटमाथ्यावर सावधानतेचा इशारा (रेड अलर्ट) कायम आहे. रत्नागिरी, सिंधुदुर्ग, कोल्हापूर घाटमाथा, गडचिरोली येथे जोरदार पावसाचा अंदाज असल्याने दक्षतेचा इशारा (ऑरेंज अलर्ट), उर्वरित राज्यात जोरदार पावसाची शक्यता असल्याने सतर्कतेचा इशारा कायम असल्याचे हवामान विभागाने म्हटले आहे..कमी दाब क्षेत्राची तीव्रता वाढतेयउत्तर आंध्र प्रदेश आणि दक्षिण ओडिशाच्या किनाऱ्यालगत सक्रिय असलेल्या कमी दाब क्षेत्राची तीव्रता वाढत आहे. त्याला लागूनच समुद्र सपाटीपासून ९.६ किलोमीटर उंचीपर्यंत चक्राकार वारे वाहत आहेत. आज (ता. १९) ही प्रणाली आणखी तीव्र होत जमिनीवर येण्याची शक्यता आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
