Pune News: राज्यात मेघगर्जनेसह जोरदार पावसाने हजेरी लावली आहे. राज्याच्या कमाल तापमानात चढ-उतार होत आहेत. आज (ता. २१) संपूर्ण विदर्भ आणि मराठवाड्यात, तसेच कोकण, मध्य महाराष्ट्रात काही ठिकाणी विजांसह पावसाचा अंदाज असल्याने सतर्कतेचा इशारा (येलो अलर्ट) हवामान विभागाने दिला आहे. उर्वरित राज्यात विजांसह हलक्या पावसाची शक्यता वर्तविण्यात आली आहे. .उत्तर अंदमान समुद्रात म्यानमारच्या किनाऱ्यालगत चक्राकार वाऱ्यांची स्थिती आहे. या चक्राकार वाऱ्यांपासून दक्षिण मध्य महाराष्ट्रापर्यंत हवेचा कमी दाबाचा पट्टा विस्तारला आहे. म्यानमार, बांगलादेशच्या किनाऱ्यालगत २५ सप्टेंबरपर्यंत हवेचा कमी दाबाचे क्षेत्र तयार होण्याचे संकेत आहेत. ईशान्य उत्तर प्रदेशापासून विदर्भापर्यंत हवेचा कमी दाबाचा पट्टा कायम आहे..कोकण, मध्य महाराष्ट्र, मराठवाड्यात पावसाचा दणका सुरूच असल्याने काही ठिकाणी अतिवृष्टीची नोंद होत आहे. शनिवारी (ता.२०) घाटमाथ्यावरील खोपोलीसह पंढरपूर आणि जालना येथे राज्यातील उच्चांकी ८० मिलिमीटर पावसाची नोंद झाली. विदर्भात मात्र पावसाचा जोर कमी असल्याचे चित्र आहे. राज्याच्या अनेक भागांत कमाल तापमान अद्यापही तिशीपार आहे. विदर्भात उन्हाचा चटका कायम असून, वर्धा येथे राज्यातील उच्चांकी ३५.४ अंश सेल्सिअस तापमानाची नोंद झाली..Monsoon Weather Alert: राज्यात वादळी पावसाचा अंदाज; मराठवाडा, मध्य महाराष्ट्रात पुढील ५ दिवस पावसाची शक्यता.राज्यात विजांसह वादळी पावसाला पोषक हवामान असल्याने आज (ता. २१) संपूर्ण विदर्भ, मराठवाड्यासह मध्य महाराष्ट्रातील नाशिक, अहिल्यानगर, पुणे, सोलापूर, कोकणातील रत्नागिरी, सिंधुदुर्ग जिल्ह्यांत विजांसह पावसाचा इशारा हवामान विभागाने वर्तविला आहे. उर्वरित राज्यात विजांसह पावसाची शक्यता आहे..मॉन्सूनच्या परतीस पोषक हवामाननैर्ऋत्य मोसमी वाऱ्यांनी (मॉन्सून) १४ सप्टेंबरपासून पश्चिम राजस्थानमधून परतीच्या प्रवासाला सुरुवात केली आहे. शनिवारी (ता. २०) मॉन्सूनची वाटचाल ‘जैसे थे’ होती. भटिंडा, फतेहबाद, पिलानी, अजमेर, दिसा, भूजपर्यंतची परतीची सीमा कायम होती. परतीस पोषक हवामान असल्याने दोन दिवसांत गुजरात, राजस्थान, हरियाना, पंजाबच्या आणखी काही भागांसह हिमाचल प्रदेश, जम्मू काश्मीरच्या काही भागांतून मॉन्सूनची माघार शक्य आहे..Heavy Rain: राज्यात विजांसह पावसाचा अंदाज कायम.शनिवारी (ता. २०) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---२८.४---२१.२अहिल्यानगर---३०.१---२२.३धुळे---३२.०---२२.२जळगाव---३२.५---२३.५जेऊर---३०.५---१९.५कोल्हापूर---२५.५---२१.३महाबळेश्वर---२०.६---१६.९.मालेगाव---२९.४---२१.४नाशिक---२८.३---२२.४निफाड---३०.८---२२.०सांगली---२८.८---२१.६सातारा---३०.०---२२.२सोलापूर---३१.७---२३.३सांताक्रूझ---३०.८---२५.४.डहाणू---३१.७---२४.०रत्नागिरी---२९.३---२३.९छत्रपती संभाजीनगर---३०.७---२२.२धाराशिव---२९.१---२१.४परभणी---३३.०---२२.४अकोला---३४.२---२५.५अमरावती---३४.०---२२.१.भंडारा---३२.४---२३.०बुलडाणा---३२.६---२३.२ब्रह्मपुरी---३५.१---२५.६चंद्रपूर---३४.०---२४.८गडचिरोली---३३.२---२५.२गोंदिया---३२.६---२४.६.नागपूर---३३.२---२५.२वर्धा---३५.४---२४.४वाशीम---३२.२---२१.६यवतमाळ---३४.२---२२.४विजांसह पावसाचा इशारा (येलो अलर्ट) :रत्नागिरी, सिंधुदुर्ग, नाशिक, अहिल्यानगर, पुणे, सोलापूर, छत्रपती संभाजीनगर, जालना, बीड, परभणी, हिंगोली, नांदेड, धाराशिव, लातूर, बुलडाणा, अकोला, वाशीम, अमरावती, यवतमाळ, वर्धा, नागपूर, भंडारा, गोंदिया, चंद्रपूर, गडचिरोली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
