Pune News : बंगालच्या उपसागरातील कमी दाब क्षेत्रामुळे राज्यात पावसाचा जोर वाढण्यास पोषक हवामान झाले आहे. आज (ता. ३) कोकण, घाटमाथ्यावर जोरदार पावसाची शक्यता असल्याने दक्षतेचा इशारा (ऑरेंज अलर्ट) आहे. उर्वरित राज्यात काही ठिकाणी विजांसह जोरदार सरींची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे..वायव्य बंगालच्या उपसागरामध्ये कमी दाबाचे क्षेत्र सक्रिय झाले असून, तीव्रता वाढत असलेली ही प्रणाली आज (ता. ३) ओडिशाचा किनारा ओलांडण्याची शक्यता आहे. मॉन्सूनचा आस असलेला कमी दाबाचा पट्टा बिकानेर पासून, जयपूर, दातिया, सिधी, पुरी ते वायव्य बंगालच्या उपसागरापर्यंत सक्रिय आहे. या पोषक प्रणालींमुळे राज्यात पावसाचा जोर वाढण्याचे संकेत आहेत..Maharashtra Rainfall: ऑगस्टअखेर पावसाने सरासरी ओलांडली.राज्यात पावसाचा जोर पुन्हा वाढू लागला आहे. कोकण, मध्य महाराष्ट्र, मराठवाडा आणि विदर्भात काही ठिकाणी मध्यम ते जोरदार सरींनी हजेरी लावली आहे. मंगळवारी (ता. २) सकाळपासून राज्यात ऊन सावल्यांच्या खेळात पावसाच्या सरी येत होत्या. तसेच सकाळपर्यंतच्या २४ तासांमध्ये भंडारा येथे राज्यातील उच्चांकी ३२.० अंश सेल्सिअस तापमानाची नोंद झाली..आज (ता. ३) रायगड, रत्नागिरी, सिंधुदुर्ग, जळगाव, पुणे घाटमाथा, सातारा घाटमाथा, कोल्हापूर घाटमाथा, अमरावती जिल्ह्यात जोरदार पावसाची शक्यता असल्याने दक्षतेचा इशारा (ऑरेंज अलर्ट) देण्यात आला आहे. मुंबई, पालघर, ठाणे, नाशिक, छत्रपती संभाजीनगर, जालना, परभणी, अकोला, वर्धा, नागपूर, भंडारा, चंद्रपूर, गडचिरोली जिल्ह्यांत जोरदार सरींची, तर मध्य महाराष्ट्र, मराठवाड्याचा दक्षिण भाग वगळता उर्वरित राज्यात विजांसह पावसाचा अंदाज असल्याने सतर्कतेचा इशारा (येलो अलर्ट) हवामान विभागाने दिला आहे..मंगळवारी (ता. २) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---२८.२---२१.९अहिल्यानगर---२६.२---२२.४धुळे---२९.०---२०.६जळगाव---निरंक---२३.७जेऊर---३०.५---१९.५कोल्हापूर---२४.६---२१.६महाबळेश्वर---१८.५---१७.२मालेगाव---२९.२---२१.८.Monsoon Rain: विदर्भ, कोकणात जोरदार पावसाचा अंदाज; राज्यात पुढील ३ दिवस अनेक भागात पावसाची शक्यता.नाशिक---२५.५---२२.१निफाड---२७.२---२१.६सांगली---२८.४---२१.७सातारा---२५.७---२१.६सोलापूर---३०.०---२२.५सांताक्रूझ---३०.५---२५.६डहाणू---२८.२---२४.५रत्नागिरी---२८.६---२४.४.छत्रपती संभाजीनगर---२७.४---२२.४धाराशिव---२८.१---२०.२परभणी---३०.५---२३.०परभणी (कृषी)---२९.७---२२.५अकोला---३१.५---२४.९अमरावती---३०.४---२२.१भंडारा---३२.०---२२.०बुलडाणा---२९.०---२१.८ब्रह्मपुरी---२९.६---२३.२.चंद्रपूर---३०.६---२३.८गडचिरोली---२९.२---२३.६गोंदिया---३०.२---२३.६नागपूर---३०.६---२३.५वर्धा---३१.०---२३.५वाशीम---२७.८---२२.२यवतमाळ---३०.४---२२.६.जोरदार पावसाचा इशारा (ऑरेंज अलर्ट) :रायगड, रत्नागिरी, सिंधुदुर्ग, जळगाव, पुणे घाटमाथा, सातारा घाटमाथा, कोल्हापूर घाटमाथा, अमरावती.जोरदार पावसाचा इशारा (येलो अलर्ट) :मुंबई, पालघर, ठाणे, नाशिक, छत्रपती संभाजीनगर, जालना, परभणी, अकोला, वर्धा, नागपूर, भंडारा, चंद्रपूर, गडचिरोली.विजांसह पावसाचा इशारा (येलो अलर्ट) :नंदूरबार, धुळे, अहिल्यानगर, पुणे, बीड, हिंगोली, नांदेड, बुलडाणा, वाशीम, यवतमाळ, गोंदिया..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
