Pune News : ‘ऑक्टोबर हीट’ नंतर राज्यात पावसाला सुरुवात झाली आहे. दोन्ही समुद्रांत घोंघावत असलेल्या कमी दाब प्रणालीमुळे राज्यात पावसाला पोषक हवामान आहे. आज (ता. २६) राज्यात मेघगर्जना, विजांसह वादळी पावसाची शक्यता असल्याने दक्षतेचा इशारा (येलो अलर्ट) आहे. ढगाळ हवामानासह उन्हाचा चटका, उकाडा कायम राहण्याची शक्यता हवामान विभागाने वर्तविली आहे..कोकण, मध्य महाराष्ट्र आणि मराठवाड्याच्या काही भागांत जोरदार पावसाने तडाखा दिला आहे. शनिवारी (ता. २५) सकाळपर्यंतच्या २४ तासांत ब्रह्मपुरी येथे राज्यातील सर्वाधिक ३५.४ अंश सेल्सिअस, सांताक्रूझ येथे ३५ अंश, तर डहाणू, जळगाव, अकोला, अमरावती आणि नागपूर येथे ३४ अंश सेल्सिअस तापमानाची नोंद झाली. तर मराठवाड्यातील लातूरच्या देवणी येथे सर्वाधिक ६० मिलिमीटर पावसाची नोंद झाली..आज (ता.२६) कोकणातील पालघर, ठाणे, मुंबई, रायगड, रत्नागिरी, सिंधुदुर्ग, मध्य महाराष्ट्रातील नंदुरबार, धुळे, जळगाव, नाशिक, अहिल्यानगर, पुणे, सातारा, सांगली, सोलापूर, मराठवाड्यातील छत्रपती संभाजीनगर, जालना, बीड, परभणी, धाराशिव, लातूर आणि विदर्भातील अकोला, अमरावती, वाशीम, यवतमाळ या जिल्ह्यांत विजांसह वादळी पावसाची शक्यता असल्याने दक्षतेचा इशारा (येलो अलर्ट) हवामान विभागाने दिला आहे. तर राज्यात ढगाळ आकाशासह, उन्हाचा ताप आणि उकाडादेखील कायम राहण्याचा अंदाज आहे..Monsoon Rain: राज्यात वादळी पावसाचा अंदाज; पुढील ५ दिवस राज्यात ठिकठिकाणी पावसाची शक्यता.बंगालच्या उपसागरात चक्रीवादळ घोंघावणारआग्नेय अंदमान समुद्र आणि परिसरावर तीव्र कमी दाब क्षेत्र सक्रिय आहे. अंदमानातील पोर्ट ब्लेअरपासून ४४० किलोमीटर पश्चिमेकडे असलेल्या या प्रणालीची तीव्रता वाढत आहे. उद्या (ता.२७) सकाळपर्यंत बंगालच्या उपसागरात चक्रीवादळ घोंघावण्याची शक्यता आहे. मंगळवारी (ता.२८) रात्री हे तीव्र चक्रीवादळ आंध्र प्रदेशच्या किनाऱ्याला धडकण्याची शक्यता आहे. पूर्व-मध्य अरबी समुद्रात तीव्र कमी दाबाचे क्षेत्र (डिप्रेशन) कायम आहे. शुक्रवारी (ता. २४) ही प्रणाली गोव्याच्या पणजीपासून ३८० किलोमीटर नैर्ऋत्येकडे, मुंबईपासून ६२० किलोमीटर नैर्ऋत्येकडे, कर्नाटकच्या मंगलोरपासून ४८० पश्चिमेकडे होती..शनिवारी (ता. २५) सकाळी ८.३० वाजेपर्यंतच्या २४ तासांमध्ये नोंदले गेलेले तापमान. (अंश सेल्सिअसमध्ये)ठिकाणे---तापमान कमाल---तापमान किमानपुणे---३०.७---२२.५अहिल्यानगर---३०.०---२२.३जळगाव---३४.५---२२.०जेऊर---३०.५---१९.०कोल्हापूर---२७.९---२१.३महाबळेश्वर---२१.८---१७.५.मालेगाव---३१.२---२१.६नाशिक---३१.७---२२.५निफाड---३१.८---२१.९सांगली---२८.८---२१.२सातारा---२८.६---२१.२सोलापूर---३१.४---२१.७सांताक्रूझ---३५.३---२५.४डहाणू---३४.९---२४.८.October Heat: ‘ऑक्टोबर हीट’मध्ये राज्यात पावसाला पोषक हवामान.रत्नागिरी---३३.०---२३.७छत्रपती संभाजीनगर---३०.७---२२.१धाराशिव---३१.६---१६.०परभणी---३१.२---२२.२परभणी (कृषी)---३०.१---२१.६अकोला---३४.१---२३.८अमरावती---३४.०---२१.६भंडारा---३२.०---२२.०.बुलडाणा---३०.६---२२.०ब्रह्मपुरी---३५.४---२३.१चंद्रपूर---३१.०---२२.८गडचिरोली---३२.०---२२.६गोंदिया---३३.४---२२.६नागपूर---३४.०---२३.०वर्धा---३३.०---२३.०वाशीम---३३.४---२०.६यवतमाळ---३१.०---२२.०.विजांसह पावसाची शक्यता (येलो अलर्ट) :पालघर, ठाणे, मुंबई, रायगड, रत्नागिरी, सिंधुदुर्ग, नंदूरबार, धुळे, जळगाव, नाशिक, अहिल्यानगर, पुणे, सातारा, सांगली, सोलापूर, छत्रपती संभाजीनगर, जालना, बीड, परभणी, धाराशिव, लातूर, अकोला, अमरावती, वाशीम, यवतमाळ.उन्हाचा चटका अधिक असलेली ठिकाणे :ब्रह्मपुरी ३५.४, सांताक्रूझ ३५.३, डहाणू ३४.९, जळगाव ३४.५, अकोला ३४.१, अमरावती ३४, नागपूर ३४..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
