Pune News: ‘मोंथा’ चक्रीवादळ निवळल्यानंतर कमी दाबाचे क्षेत्र मध्य प्रदेशाकडे सरकत असल्याने राज्यात पावसाला पोषक हवामान आहे. आज (ता. ३१) उत्तर कोकण, उत्तर महाराष्ट्र, विदर्भात विजांसह पावसाची शक्यता असल्याने दक्षतेचा इशारा (येलो अलर्ट) आहे. उर्वरित राज्यात ढगाळ हवामान, हलक्या सरी आणि कमाल तापमानात चढ-उतार होण्याची शक्यता हवामान विभागाने वर्तविली आहे..गुरुवारी (ता. ३०) सकाळपर्यंतच्या २४ तासांमध्ये सिंधुदुर्गमधील मालवण आणि रत्नागिरी येथे सर्वाधिक १२० मिलिमीटर पाऊस झाला. कोकणातील रामेश्वर, सावर्डे, गुहागर, जव्हार, जालना जिल्ह्यातील मंथा, वाशीम जिल्ह्यातील येथे ७० मिलिमीटर पेक्षा अधिक पाऊस झाल्याने अतिवृष्टीची नोंद झाली. उर्वरित राज्यात काही ठिकाणी हलक्या ते मध्यम सरींनी हजेरी लावली. पावसाच्या हजेरीने राज्याच्या कमाल तापमानात हळूहळू घट होऊ लागली आहे. सांताक्रूझ येथे राज्यातील सर्वाधिक ३४.५ अंश सेल्सिअस तापमानाची नोंद झाली..Weather Update: कमी दाबाचे क्षेत्र विदर्भाकडे सरकणार.आज (ता. ३१) कोकणातील रायगड जिल्ह्यात जोरदार पावसाचा, तर पालघर, नंदूरबार, धुळे, जळगाव, नाशिक, छत्रपती संभाजीनगर, अमरावती, नागपूर, भंडारा, गोंदिया, चंद्रपूर, गडचिरोली या जिल्ह्यांत विजांसह पावसाचा अंदाज असल्याने दक्षतेचा इशारा (येलो अलर्ट) हवामान विभागाने दिला आहे. उर्वरित राज्यात अंशतः ढगाळ हवामानासह, हलक्या पावसाची, तसेच कमाल तापमानात चढ-उतार होण्याची शक्यता वर्तविण्यात आली आहे..विदर्भातील कमी दाब क्षेत्र निवळणार‘मोंथा’ चक्रीवादळाचे अवषेश असलेले ठळक कमी दाबाचे क्षेत्र पूर्व विदर्भ आणि दक्षिण छत्तीसगड परिसरावर सक्रिय आहे. मध्य प्रदेशाकडे सरकत असलेली ही प्रणाली निवळून जाणार आहे. यातच अरबी समुद्रात महाराष्ट्र आणि गुजरातच्या किनाऱ्याजवळ असलेली तीव्र कमी दाब प्रणाली वायव्येकडे सरकू लागली आहे. गुरुवारी (ता. ३०) ही प्रणाली मुंबईपासून ५१० किलोमीटर पश्चिमेकडे तर गुजरातच्या वेरावळपासून ४०० किलोमीटर नैर्ऋत्येकडे होती..Paus Andaj: विदर्भात पावसाचा अंदाज; राज्यातील काही भागात आज आणि उद्या पावसाची शक्यता.गुरुवारी (ता. ३०) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---३०.९---१९.५अहिल्यानगर---२५.८---२२.६धुळे---३१.०---१९.०जळगाव---३१.२---२२.२जेऊर---३०.०---१९.०कोल्हापूर---२७.६---२१.१महाबळेश्वर---२२.६---१५.८.मालेगाव---२७.८---२०.६नाशिक---२६.६---२२.४निफाड---२७.३---२२.७सांगली---२९.८---२१.३सातारा---३०.२---२१.१सोलापूर---२८.२---२३.०सांताक्रूझ---३४.५---२४.५डहाणू---३३.३---२४.४.रत्नागिरी---३०.५---२२.७छत्रपती संभाजीनगर---२७.८---२२.४धाराशिव---२८.१---१९.६परभणी---२८.५---२२.५परभणी (कृषी)---२८.०---२२.१अकोला---३०.२---२३.५अमरावती---३०.४---२१.१भंडारा---३०.०---२०.०.बुलडाणा---२५.४---२१.२ब्रह्मपुरी---२९.७---२२.२चंद्रपूर---३०.०---२२.६गडचिरोली---२९.२---२२.६गोंदिया---२९.६---२२.०नागपूर---३०.१---२३.४वर्धा---३०.०---२३.०वाशीम---३०.०---२१.६यवतमाळ---२७.६---२२.०.जोरदार पावसाचा इशारा (येलो अलर्ट) :रायगड.विजांसह पावसाची शक्यता (येलो अलर्ट) :पालघर, नंदूरबार, धुळे, जळगाव, नाशिक, छत्रपती संभाजीनगर, अमरावती, नागपूर, भंडारा, गोंदिया, चंद्रपूर, गडचिरोली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
