Pune News: गेले काही दिवस राज्यात धुमशान घालणाऱ्या मॉन्सून पावसाचा जोर ओसरला आहे. आज (ता. २२) रायगड, रत्नागिरी तसेच पुणे आणि सातारा जिल्ह्यांच्या घाटमाथ्यावर तुरळक ठिकाणी जोरदार सरींची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे. उर्वरित राज्यात ढगाळ हवामानासह मुख्यतः पावसाची उघडीप राहण्याची शक्यता आहे..मॉन्सूनचा आस असलेला कमी दाबाचा पट्टा त्याच्या सर्वसाधारण स्थितीवर गेला असून, राजस्थानच्या जैसलमेर, कोटा, दातिया, सिधी, रांची, बंकुरा, दिघा ते पूर्व-मध्य बंगालच्या उपसागरापर्यंत सक्रिय आहे. मध्य प्रदेश आणि परिसरावर चक्राकार वाऱ्यांची स्थिती आहे. मध्य भारतात पूर्व-पश्चिमेकडून वाहणाऱ्या परस्पर विरोधी वाऱ्यांचे जोडक्षेत्र (शेअर झोन) सक्रिय आहे. गुजरात आणि महाराष्ट्रच्या किनारपट्टीला समांतर कमी दाबाचा पट्टा कायम आहे. तर बंगालच्या उपसागरात उत्तर ओडिशाच्या किनाऱ्यालगत वाहणाऱ्या चक्राकार वाऱ्यांमुळे सोमवारपर्यंत हवेचा कमी दाबाचे क्षेत्र तयार होण्याचे संकेत आहेत..Maharashtra Rain Alert: मराठवाडा, विदर्भात उघडीप राहणार; कोकण, घाटमाथ्यावर जोरदार पावसाची शक्यता.मॉन्सूनचे जोर कमी झाला असला तरी कोकण, घाटमाथा, मध्य महाराष्ट्रात जोरदार सरी कोसळल्या. विदर्भ, मराठवाड्यात हलक्या ते मध्यम पावसाने हजेरी लावली. गुरुवारी (ता. २१) सकाळपर्यंतच्या २४ तासांमध्ये कोयना नवजा येथे सर्वाधिक ३९० मिलिमीटर पावसाची नोंद झाली. अनेक ठिकाणी १०० मिलिमीटरपेक्षा अधिक पाऊस झाला आहे. गुरुवारी दिवसभर राज्यात पावसाचा जोर कमी झाला होता. अनेक ठिकाणी ऊन-सावल्यांच्या खेळात पावसाची उघडीप होती..आज (ता. २२) रायगड, रत्नागिरी, पुणे आणि सातारा जिल्ह्यांच्या घाटमाथ्यावर जोरदार सरींचा अंदाज असल्याने सतर्कतेचा इशारा (येलो अलर्ट) हवामान विभागाने दिला आहे. उर्वरित राज्यात ढगाळ हवामानासह हलक्या सरींची शक्यता आहे. पावसाची उघडीप असलेल्या भागात ऊन सावल्यांच्या खेळ कायम राहण्याची शक्यता आहे..Maharashtra Monsoon Rain: कोकण, घाटमाथ्यावर जोरदार सरींची शक्यता.गुरुवारी (ता. २१) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---२५.६---२१.७अहिल्यानगर---२७.१---२२.३धुळे---२९.०---२०.६जळगाव---३०.३---२३.५जेऊर---२९.०---१९.०कोल्हापूर---२४.४---२१.४महाबळेश्वर---१९.५---१७.४मालेगाव---२७.४---२१.४.नाशिक---२३.८---२२.१निफाड---२५.०---२१.९सांगली---२५.७---२१.३सातारा---२५.२---२१.४सोलापूर---२८.७---२१.१सांताक्रूझ---२७.९---२४.९डहाणू---२६.९---२४.०रत्नागिरी---२८.०---२४.२.छत्रपती संभाजीनगर---२७.४---२२.६धाराशिव---२४.९---२०.४परभणी---२९.१---२२.२परभणी (कृषी)---२९.०---२१.२अकोला---३०.०---२४.०अमरावती---३०.०---२१.५भंडारा---२७.८---२३.०बुलडाणा---२७.४---२१.६.ब्रह्मपुरी---२८.४---२४.०चंद्रपूर---३०.४---२४.८गडचिरोली---२८.४---२४.०गोंदिया---२८.२---२३.६नागपूर---२८.८---२३.६वर्धा---३०.५---२३.४वाशीम---२६.८---२२.०यवतमाळ---२९.६---२२.६जोरदार पावसाचा इशारा (येलो अलर्ट) :रायगड, रत्नागिरी, पुणे घाटमाथा, सातारा घाटमाथा..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
