Maharashtra Weather Forecast: आज (ता.१६) व उद्या (ता.१७) महाराष्ट्राच्या उत्तरेकडील भागावर १०१४ हेप्टापास्कल, तर मध्य व दक्षिण भागावर १०१२ हेप्टापास्कल इतका अधिक हवेचा दाब राहील. ज्या वेळी कमाल व किमान तापमानात घसरण होते, तेव्हा हवेच्या दाबात वाढ होते. यावरून उत्तरेकडील भागात थंडीचे प्रमाण अधिक राहील. तर मध्य व दक्षिण महाराष्ट्रात थंडीचे प्रमाण मध्यम स्वरूपात राहील. त्यापुढे मंगळवारपासून शनिवारपर्यंत (ता. १८ ते २२) उत्तरेकडील भागावर १०१६ हेप्टापास्कल, तर मध्य व दक्षिण भागावर १०१२ हेप्टापास्कल इतका हवेचा दाब राहील. त्यामुळे महाराष्ट्राच्या उत्तरेकडील भागात उत्तर महाराष्ट्र, विदर्भ व मराठवाड्याच्या उत्तर भागात थंडीत वाढ होऊन थंडीची लाट जाणवण्याची शक्यता राहील. या सर्व भागात किमान तापमान १२ ते १३ अंश सेल्सिअसपर्यंत किंवा त्यापेक्षाही खाली घसरणे शक्य आहे. सकाळी व पहाटे धुके जाणवेल. .वाऱ्याचा ताशी वेग साधारणच राहील. मंगळवार (ता.१८)पासून काही भागात हवामान अंशतः ढगाळ राहणे शक्य आहे. कोकणात वाऱ्याची दिशा ईशान्येकडून राहील. मराठवाडा, उत्तर महाराष्ट्र, विदर्भ व दक्षिण महाराष्ट्रात वाऱ्याची दिशा आग्नेय, नैर्ऋत्य, पूर्व, ईशान्य अशा सर्व दिशेने बदलत राहील. हवामानात स्थिरता आली असून यापुढे थंडीचे प्रमाण वाढतच जाईल. किमान व कमाल तापमानातील घसरण यापुढे चालूच राहील..कोकणकमाल तापमान रत्नागिरी व रायगड जिल्ह्यांत ३२ अंश सेल्सिअस, तर ठाणे जिल्ह्यात ३३ अंश सेल्सिअस राहील. मात्र पालघर व सिंधुदुर्ग जिल्ह्यांत कमाल तापमान ३४ अंश सेल्सिअस राहील. किमान तापमान सिंधुदुर्ग जिल्ह्यात १८ अंश सेल्सिअस, तर पालघर जिल्ह्यात १९ अंश सेल्सिअस राहील. किमान तापमान रायगड जिल्ह्यात २२ अंश सेल्सिअस आणि ठाणे जिल्ह्यात २३ अंश सेल्सिअस राहील. कोकणातील सर्वच जिल्ह्यांत आकाश निरभ्र राहील. सकाळची सापेक्ष आर्द्रता रायगड व पालघर जिल्ह्यांत ५३ ते ५५ टक्के, तर रत्नागिरी व ठाणे जिल्ह्यांत ६२ ते ६५ टक्के राहील. सिंधुदुर्ग जिल्ह्यात सकाळची सापेक्ष आर्द्रता ९० टक्के इतकी अधिक राहील. दुपारची सापेक्ष आर्द्रता पालघर जिल्ह्यात ३० टक्के, तर सिंधुदुर्ग व रत्नागिरी जिल्ह्यांत ४७ टक्के राहील. रायगड जिल्ह्यात दुपारची सापेक्ष आर्द्रता ५२ टक्के, तर ठाणे जिल्ह्यात ६२ टक्के राहील. वाऱ्याचा ताशी वेग ८ ते १० कि.मी. राहील. वाऱ्याची दिशा ईशान्येकडून राहील..Hawaman Andaj: थंडीचा कडाका वाढण्याचा अंदाज; कोकणात कमाल तापमानाचा पारा कायम.उत्तर महाराष्ट्रकमाल तापमान नाशिक जिल्ह्यात २८ अंश सेल्सिअस, तर धुळे, नंदुरबार व जळगाव जिल्ह्यांत २९ अंश सेल्सिअस राहील. सर्वच जिल्ह्यात किमान तापमान १४ अंश सेल्सिअस राहील. सर्वच जिल्ह्यांत आकाश निरभ्र राहील. मंगळवार (ता. १८) नंतर आकाश अल्पशा प्रमाणात ढगाळ राहणे शक्य आहे. सकाळची सापेक्ष आर्द्रता नाशिक व जळगाव जिल्ह्यांत ६० ते ६५ टक्के, तर धुळे व नंदुरबार जिल्ह्यांत ५५ ते ५७ टक्के राहील. दुपारची सापेक्ष आर्द्रता जळगाव जिल्ह्यात ६५ टक्के आणि नाशिक जिल्ह्यात ६० टक्के राहील. धुळे व नंदुरबार जिल्ह्यांत दुपारची सापेक्ष आर्द्रता ३० टक्के राहील. वाऱ्याचा ताशी वेग सर्वच जिल्ह्यांत ८ ते १० कि.मी. राहील. वाऱ्याची दिशा आग्नेय, नैर्ऋत्य, वायव्य व दक्षिणेकडूनही राहणे शक्य आहे..मराठवाडालातूर, बीड, हिंगोली व छत्रपती संभाजीनगर जिल्ह्यांत कमाल तापमान २८ अंश सेल्सिअस राहील. तर धाराशिव, परभणी व जालना जिल्ह्यांत कमाल तापमान २९ अंश सेल्सिअस राहील. किमान तापमानात घसरण सुरू असून लातूर, नांदेड, बीड, हिंगोली व छत्रपती संभाजीनगर जिल्ह्यांत तापमान १३ अंश सेल्सिअस इतके राहील. मात्र परभणी व जालना जिल्ह्यांत किमान तापमान १२ अंश सेल्सिअस आणि धाराशिव जिल्ह्यात १४ अंश सेल्सिअस राहील. मराठवाड्यातील सर्वच जिल्ह्यांत आकाश निरभ्र राहील. मात्र मंगळवार (ता.१८)पासून पुढे अंशतः ढगाळ राहील. धाराशिव व छत्रपती संभाजीनगर जिल्ह्यांत सकाळची सापेक्ष आर्द्रता ५५ टक्के, तर लातूर, हिंगोली व जालना जिल्ह्यांत ६० टक्के राहील. नांदेड, बीड, परभणी, हिंगोली व जालना जिल्ह्यांत सकाळची सापेक्ष आर्द्रता ६० ते ६६ टक्के राहील. दुपारची सापेक्ष आर्द्रता सर्वच जिल्ह्यात ३१ ते ३८ टक्के राहील. वाऱ्याचा ताशी वेग नांदेड, बीड, परभणी, हिंगोली, जालना व छत्रपती संभाजीनगर जिल्ह्यांत ताशी ६ कि.मी. राहील. धाराशिव व लातूर जिल्ह्यांत वाऱ्याचा वेग ताशी १० कि.मी. राहील. सर्वच जिल्ह्यांत वाऱ्याची दिशा आग्नेयेकडून राहील..Cold Weather Update : जळगावात थंडीचा कडाका ढगाळ वातावरणामुळे कमी.पश्चिम विदर्भकमाल तापमान बुलडाणा जिल्ह्यात २७ अंश सेल्सिअस, तर अकोला, वाशीम व अमरावती जिल्ह्यांत २८ अंश सेल्सिअस राहील. किमान तापमान बुलडाणा जिल्ह्यात १४ अंश सेल्सिअस, तर अकोला, वाशीम व अमरावती जिल्ह्यांत १३ अंश सेल्सिअस राहील. आकाश सर्वच जिल्ह्यांत निरभ्र राहील. सकाळची सापेक्ष आर्द्रता बुलडाणा व अमरावती जिल्ह्यांत ५५ ते ६२ टक्के, तर अकोला व वाशीम जिल्ह्यांत ७० टक्के राहील. दुपारची सापेक्ष आर्द्रता सर्वच जिल्ह्यात ३२ ते ३५ टक्के राहील. सर्वच जिल्ह्यात वाऱ्याचा ताशी वेग ६ ते ८ कि.मी. राहील. वाऱ्याची दिशा बुलडाणा व अकोला जिल्ह्यांत पूर्वेकडून, तर वाशीम व अमरावती जिल्ह्यांत दक्षिणेकडून राहील..मध्य विदर्भकमाल तापमान यवतमाळ व नागपूर जिल्ह्यांत २७ अंश सेल्सिअस, तर वर्धा जिल्ह्यात २८ अंश सेल्सिअस राहील. यवतमाळ जिल्ह्यात किमान तापमान १३ अंश सेल्सिअस राहील. वर्धा व नागपूर जिल्ह्यांत किमान तापमान १४ अंश सेल्सिअस राहील. सर्वच जिल्ह्यात आकाश निरभ्र राहील. सर्वच जिल्ह्यात सकाळची सापेक्ष आर्द्रता ६० ते ६५ टक्के, तर दुपारची सापेक्ष आर्द्रता ३१ ते ३५ टक्के राहील. वाऱ्याचा ताशी वेग सर्वच जिल्ह्यात ताशी ५ ते ६ कि.मी. राहील. यवतमाळ जिल्ह्यात वाऱ्याची दिशा आग्नेयेकडून राहील. तर वर्धा जिल्ह्यात नैऋत्येकडून आणि नागपूर जिल्ह्यात पश्चिमेकडून राहील..पूर्व विदर्भभंडारा आणि गोंदिया जिल्ह्यांत कमाल तापमान २७ अंश सेल्सिअस, तर चंद्रपूर जिल्ह्यात २९ अंश सेल्सिअस राहील. गडचिरोली जिल्ह्यात कमाल तापमान ३० अंश सेल्सिअस राहील. किमान तापमान गोंदिया जिल्ह्यात १२ अंश सेल्सिअस, तर भंडारा जिल्ह्यात १३ अंश सेल्सिअस राहील. चंद्रपूर व गडचिरोली जिल्ह्यांत किमान तापमान १४ अंश सेल्सिअस राहील. चंद्रपूर, गडचिरोली, भंडारा आणि गोंदिया जिल्ह्यांत सकाळची सापेक्ष आर्द्रता ६२ ते ६८ टक्के राहील. दुपारची सापेक्ष आर्द्रता सर्वच जिल्ह्यात ३५ टक्के राहील. वाऱ्याचा ताशी वेग भंडारा जिल्ह्यात ताशी ६ कि.मी., चंद्रपूर व गोंदिया जिल्ह्यांत ताशी ८ कि.मी., तर गडचिरोली जिल्ह्यात ताशी १० कि.मी. राहील. चंद्रपूर व गडचिरोली जिल्ह्यांत वाऱ्याची दिशा दक्षिणेकडून, तर भंडारा व गोंदिया जिल्ह्यांत नैर्ऋत्येकडून राहील..पश्चिम महाराष्ट्रकमाल तापमान अहिल्यानगर जिल्ह्यात २८ अंश सेल्सिअस, पुणे जिल्ह्यात २९ अंश सेल्सिअस तर कोल्हापूर जिल्ह्यात ३० अंश सेल्सिअस राहील. मात्र सोलापूर जिल्ह्यात कमाल तापमान ३२ अंश सेल्सिअस राहील. किमान तापमान अहिल्यानगर जिल्ह्यात १३ अंश सेल्सिअस, पुणे जिल्ह्यात १४ अंश सेल्सिअस राहील. तर सातारा जिल्ह्यात किमान तापमान १६ अंश सेल्सिअस आणि सोलापूर जिल्ह्यात १८ अंश सेल्सिअस राहील. मात्र कोल्हापूर व सांगली जिल्ह्यांत किमान तापमान २० ते २१ अंश सेल्सिअसपर्यंत राहण्याची शक्यता आहे. कोल्हापूर, सांगली आणि सातारा जिल्ह्यांत आकाश अंशतः ढगाळ राहील. सकाळची सापेक्ष आर्द्रता कोल्हापूर जिल्ह्यात ४३ टक्के, सोलापूर जिल्ह्यात ५० टक्के, अहिल्यानगर जिल्ह्यात ५६ टक्के, तर सांगली, सातारा व पुणे जिल्ह्यांत ७३ ते ७५ टक्के राहील. सर्वच जिल्ह्यात दुपारची सापेक्ष आर्द्रता ३० ते ४५ टक्के राहील. वाऱ्याचा ताशी वेग ८ ते १० कि.मी. राहील. वाऱ्याची दिशा पूर्व ईशान्येकडून राहील..कृषी सल्लानवलकोल, कोबी, फ्लॉवर व कांदा रोपांची लागवड करावी.पूर्वहंगामी ऊस, गहू, हरभरा लागवड १५ नोव्हेंबरपर्यंत करावी.तापमानात होणारी घसरण पाहता जनावरांना शक्यतो बंदिस्त गोठ्यात बांधावे.कुक्कुटपालन शेडमध्ये विजेचे बल्ब लावून शेडमधील तापमान वाढण्याची व्यवस्था करावी. लहान पिल्लांना योग्य प्रकारे ब्रुडिंगचे नियोजन करावे.(ज्येष्ठ कृषी हवामान तज्ज्ञ, सदस्य, ॲग्रिकल्चर मेटरॉलॉजी फोरम फॉर साउथ आशिया).ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
