Pune News: राज्यातील थंडीत काहीसे चढ उतार सुरु आहेत. मात्र सकाळी हवेतील गारठा कायम आहे. काही भागात दुपारी उन्हाचा चटकाही जाणवत आहे. राज्यातील थंडी पुढील काही दिवस कायम राहील, असा अंदाज हवामान विभागाने दिला आहे. .उत्तर भारतात थंडीची लाट कायम आहे. बहुतांशी भागात दाट धुकेही पडत आहे. उत्तर प्रदेश, ओडिशा, बिहार, पंजाब, हरियाना, चंदीगड आणि मध्य प्रदेशच्या बहुतांशी भागात धुक्याची चादर पाहायला मिळत आहे. राजस्थानमधील सिकर येथे देशातील निचांकी ५ अंश सेल्सिअस तापमानाची नोंद झाली होती. तर केरळमधील पुनालूर येथे देशातील सर्वाधिक ३५ अंश तापमान होते..Maharashtra Winter Weather: किमान तापमानात चढ-उतार शक्य.उत्तर भारतातून थंड वाऱ्यांचे प्रवाह राज्यात येत असल्याने राज्यातील बहुतांशी भागात थंडी टिकून आहे. मागील दोन दिवसांमध्ये काही ठिकाणी थंडीत चढ उतारही दिसत आहेत. आज अनेक भागात किमान तापमानात कालच्या तुलनेत काहीशी वाढ झाली होती. तरीही अनेक ठिकाणचे किमान तापमान १० अंशांपेक्षा कमी होते..Maharashtra Cold Wave: थंडीत चढ उतार राहणार; राज्यात पुढील काही दिवस थंडी टिकून राहण्याचा अंदाज.आज निफाड येथील गहू संशोधन केंद्रात ७.३ अंश सेल्सिअस तापमानाची नोंद झाली होती. तर जेऊर येथे ८ अंश आणि मोहोळ येथे ९ अंश सेल्सिअस तापमान होते..तसेच अहिल्यानगर, जळगाव, मालेगाव, नाशिक येथेही किमान तापमान १० अंशांपेक्षा कमीच होते. कोकणातही किमान आणि कमाल तापमानात काहीशी वाढ झाली आहे. असे असले तरी पुढील काही दिवस राज्यात थंडी राहील, असा अंदाज हवामान विभागाने दिला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
