Pune News: उत्तरेकडील शीत लहरी महाराष्ट्राकडे येत असल्याने राज्यात थंडीची लाट दोन दिवस कायम राहण्याचे संकेत आहेत. आज (ता. ११) मध्य महाराष्ट्र, मराठवाडा आणि विदर्भात थंडीच्या लाटेची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे. उर्वरित राज्यात हुडहुडी कायम राहण्याची शक्यता वर्तविण्यात आली आहे..उत्तर भारतात थंडीची तीव्र लाट कायम असून, बुधवारी (ता. १०) पंजाबच्या आदमपूर येथे देशाच्या सपाट भूभागावरील नीचांकी ३ अंश किमान तापमानाची, तर सकाळपर्यंतच्या २४ तासांमध्ये कर्नाटकच्या कारवार येथे देशातील उच्चांकी ३५.१ अंश सेल्सिअस तापमानाची नोंद झाली. राज्यातील रत्नागिरी येथे राज्यातील उच्चांकी ३४.६ अंश तापमानाची नोंद झाली..बुधवारी (ता. १०) परभणी येथील वसंतराव नाईक मराठवाडा कृषी विद्यापीठात राज्यातील नीचांकी ५.७ अंश सेल्सिअस, तर धुळे येथील कृषी महाविद्यालय आणि जेऊर येथे प्रत्येकी ६ अंश सेल्सिअस तापमानाची नोंद झाली. निफाड येथील गहू संशोधन केंद्रात ६.३ अंश सेल्सिअस तापमान नोंदले गेले. अहिल्यानगर, जळगाव येथे ८ अंशांपेक्षा कमी, नाशिक, पुणे, यवतमाळ, नागपूर, गोंदिया येथे ९ अंशांपेक्षा कमी, तर मालेगाव, वर्धा येथे १० अंशांपेक्षा तापमान नोंदले गेल्याने हुडहुडी कायम आहे..Cold Wave : राज्यात थंडीची लाट कायम; मध्य महाराष्ट्र, मराठवाडा, विदर्भात थंडी कशी राहील?.किमान तापमानाचा पारा १० अंशांच्या खाली आल्यास तसेच तापमानात सरासरीच्या तुलनेत ४.५ अंशांची घट झाल्यास थंडीचा लाट, तर तापमानात ६.५ अंशांपेक्षा अधिक घट झाल्यास तीव्र लाट आल्याचे समजले जाते. बुधवारी (ता. १०) धुळे, निफाड, नाशिक, जेऊर, परभणी, गोंदिया, वर्धा, यवतमाळ, नागपूर येथे थंडीची लाट होती. आज (ता. ११) मध्य महाराष्ट्रातील नंदूरबार, धुळे, जळगाव, नाशिक, अहिल्यानगर, पुणे, सोलापूर, मराठवाड्यातील छत्रपती संभाजीनगर, जालना, परभणी, बीड, हिंगोली, नांदेड, लातूर आणि विदर्भातील गोंदिया जिल्ह्यांत थंडीची लाट येण्याची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे..बुधवारी (ता. १०) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---२९.९---८.४अहिल्यानगर---२९.८---७.५धुळे---२९.५---६.०जळगाव---२९.३---८.०जेऊर---३१.०---६.०कोल्हापूर---२९.५---१४.६.महाबळेश्वर---२४.१---११.६मालेगाव---२७.८---९.४नाशिक---२८.६---८.१निफाड---२९.४---६.३सांगली---३०.६---१३.०सातारा---३०.७---११.६सोलापूर---३२.८---१३.२.Maharashtra Weather: धुळ्यात नीचांकी ५.३ अंश तापमान.सांताक्रूझ---३३.८---१६.७डहाणू---३०.६---१६.१रत्नागिरी---३४.६---१९.२छत्रपती संभाजीनगर---३०.२---१०.८धाराशिव---२९.०---१२.६परभणी---३०.२---१०.५परभणी (कृषी)---२९.५---५.७.अकोला---३१.४---१०.८अमरावती---३१.०---११.९भंडारा---२८.०---निरंकबुलडाणा---२९.७---१२.८ब्रह्मपुरी---३२.२---१२.०चंद्रपूर---३१.४---१२.० .गडचिरोली---३०.०---१०.४गोंदिया---२९.५---८.४नागपूर---३०.४---८.०वर्धा---३०.०---९.५वाशीम---३०.०---११.२यवतमाळ---२९.४---८.८.सरासरी तापमान (अंश से.)विभाग---किमान---कमालउत्तर महाराष्ट्र---६.०---२९.८पश्चिम महाराष्ट्र---६.०---३२.८मराठवाडा---५.७---३०.२विदर्भ---८.०---३२.२कोकण---१६.१---३४.६.राज्यात तीव्र थंडी असलेली ठिकाणे :परभणी (कृषी) ५.७, धुळे ६, जेऊर ६, निफाड ६.३, अहिल्यानगर ७.५, जळगाव ८.थंडीच्या लाटेचा इशारा (येलो अलर्ट) :नंदुरबार, धुळे, जळगाव, नाशिक, अहिल्यानगर, पुणे, सोलापूर, छत्रपती संभाजीनगर, जालना, परभणी, बीड, हिंगोली, नांदेड, लातूर, गोंदिया..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
