Pune News : पावसाच्या उघडिपीनंतर कोरडे हवामान, निरभ्र आकाश आणि उत्तरेकडील थंड हवा महाराष्ट्राकडे येऊ लागल्याने किमान तापमानात घट होत आहे. खानदेशासह राज्याच्या उत्तरेकडील जिल्ह्यात पारा १४ अंशांच्या खाली आल्याने गारठा वाढू लागला आहे. राज्यात हळूहळू थंडी वाढत जाणार असून, आज (ता. ८) राज्यात मुख्यतः कोरड्या हवामानासह तापमानातील चढ-उतार कायम राहण्याची शक्यता आहे..ईशान्य बंगालच्या उपसागरात समुद्रसपाटीपासून १.५ ते ३.१ किलोमीटर उंचीवर चक्राकार वाऱ्यांची स्थिती कायम आहे. दक्षिण कर्नाटकमध्ये समुद्र सपाटीपासून ३.१ किलोमीटर उंचीवर चक्राकार वारे वाहत आहेत. पूर्व मध्य अरबी समुद्रापासून कर्नाटक, तमिळनाडू ते मध्य बंगालच्या उपसागरापर्यंत हवेचा कमी दाबाचा पट्टा सक्रिय निवळून गेला आहे..Hawaman Andaj: काही भागात दुपारी उन्हाचा चटकाही वाढला.राज्यात दुपारच्या वेळी उन्हाचा चटका आणि उकाडा कायम आहे. पारा ३० अंशांच्या पार असला तरी तापमानात घट होत आहे. शुक्रवारी (ता. ७) सकाळपर्यंतच्या २४ तासांमध्ये ब्रह्मपुरी येथे ३३.९ अंश सेल्सिअस कमाल तापमानाची नोंद झाली. धुळे येथील कृषी महाविद्यालय येथे राज्याचे हंगामात नीचांकी तापमान नोंदले गेले. तेथे या वर्षी प्रथमच पारा नीचांकी १०.५ अंशांपर्यंत घसरला आहे. तर जळगाव, निफाड, अमरावती, महाबळेश्वर येथे किमान तापमानाचा पारा १४ अंशांच्या खाली घसरला आहे..कोरडे हवामान, स्वच्छ आकाश असल्याने पहाटेच्या वेळी किमान तापमानात घट होऊ लागली आहे. राज्यात गारठा वाढत असून, धुक्यासह दव पडल्याचे पाहायला मिळत आहे. पुढील दोन दिवसांत राज्याच्या किमान तापमानात २ ते ३ अंशांची घट होण्याचा अंदाज आहे. आज (ता. ८) राज्यात अंशतः ढगाळ आकाशासह कमाल व किमान तापमानातील चढ - उतार कायम राहण्याची शक्यता हवामान विभागाने वर्तविली आहे..Weather Update: राज्यात थंडीची चाहूल.शुक्रवारी (ता. ७) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---३०.७---१७.३अहिल्यानगर---२९.०---१५.६धुळे---३०.५---१०.५जळगाव---३१.८---१२.६जेऊर---३०.५---१५.०कोल्हापूर---२८.६---२०.७महाबळेश्वर---२२.१---१३.८.मालेगाव---२९.०---१५.६नाशिक---३१.०---१४.२निफाड---३०.३---१३.१सांगली---२९.७---२०.४सातारा---२८.६---१८.७सोलापूर---३१.८---२०.४सांताक्रूझ---३०.७---२४.२डहाणू---३०.१---२०.५रत्नागिरी---३०.४---२३.१.छत्रपती संभाजीनगर---३१.५---१५.२धाराशिव---३०.१---१८.०परभणी---३२.३---१६.७परभणी (कृषी)---३०.९---१७.५अकोला---३२.७---१५.२अमरावती---३३.२---१३.१भंडारा---३२.०---१६.०बुलडाणा---३०.६---१५.४.ब्रह्मपुरी---३३.९---२०.४चंद्रपूर---३२.०---२०.२गडचिरोली---३१.४---२०.४गोंदिया---३१.१---१६.६नागपूर---३१.९---१५.८वर्धा---३२.०---१६.२वाशीम---३१.०---१८.८यवतमाळ---३२.०---१४.०राज्यातील गारठा वाढलेली ठिकाणे :धुळे १०.५, जळगाव १२.६, निफाड १३.१, अमरावती १३.१, महाबळेश्वर १३.८..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
