Weather Forecast: यंदा उन्हाळ्यात (एप्रिल ते जून) देशाच्या बहुतांश भागांत कमाल तापमान सरासरी ते सरासरीपेक्षा कमी राहण्याची शक्यता आहे. मात्र उष्णतेच्या लाटा तापदायक ठरण्याचे संकेत आहेत. एप्रिलमध्ये अधिक पावसाची शक्यता असून, मे आणि जून महिना तापणार असल्याने अधिक उष्ण लाटा येण्याची शक्यता हवामान विभागाने वर्तविली आहे. एप्रिल महिन्यात महाराष्ट्र अधिक तापण्याची शक्यता आहे..एप्रिल ते जून तापमानाचा अंदाज मंगळवारी (ता. ३१) हवामान विभागाचे महासंचालक डॉ. मृत्युंजय मोहपात्रा यांनी जाहीर केला. उन्हाळ्यात देशाच्या बहुतांशी भागात सरासरी ते सरासरीपेक्षा कमी कमाल तापमान राहण्याची शक्यता अधिक आहे. पूर्व भारत आणि ईशान्येकडील राज्ये, मध्य भारताच्या पूर्व भागात सरासरीपेक्षा अधिक कमाल तापमान राहणार आहे..Maharashtra Hailstorm: राज्यात आज, उद्या गारपीटीचा अंदाज; पुढील ३ दिवस राज्यभरात वादळी पावसाला पोषक हवामान.महाराष्ट्र आणि तेलंगणाचा काही भाग वगळता देशाच्या बहुतांश भागात किमान तापमान देखील सरासरीच्या वरच राहण्याची शक्यता अधिक आहे. एप्रिल ते जून या तीन महिन्यांच्या कालावधीमध्ये दक्षिण द्वीपकल्पासह, वायव्य भारत, पूर्व भारत आणि मध्य भारतात अधिक दिवस उष्णतेच्या लाटा येण्याची शक्यता आहे..एप्रिल महिन्यात सरासरीपेक्षा अधिक पावसाची शक्यता असल्याने देशात उष्णतेच्या तुलनेने लाटा कमी राहणार आहेत. मात्र गुजरात, महाराष्ट्र, कर्नाटकसह पूर्व किनारपट्टीवर उष्ण लाटांचा सामना करावा लागणार आहे. मे आणि जून महिन्यांत देशाच्या बहुतांश भागात साधारणतः २ ते ८ दिवस उष्ण लाटा अनुभवायला मिळण्याची शक्यता आहे..Maharashtra Rain: मध्य महाराष्ट्र, मराठवाड्यात गारपिटीचा ‘ऑरेंज अलर्ट’.मॉन्सूनच्या मध्यात ‘एल-निनो’ शक्यविषूववृत्तीय प्रशांत महासागरातच्या पाण्याचे तापमान तटस्थ स्थितीकडे जात आहे. उष्णकटिबंधीय प्रशांत महासागरात वातावरणीय अभिसरणाची काही वैशिष्ट्ये सौम्य ‘ला निना’ स्थिती दर्शवत आहेत. ‘मॉन्सून मिशन क्लायमेट फोरकास्ट सिस्टम’च्या अंदाजानुसार, एप्रिल ते जून या कालावधीत प्रशांत महासागराच्या पृष्ठभागाचे तापमान ना ‘ला-निना’, ना ‘एल-निनो’ म्हणजेच तटस्थ स्थितीत राहण्याची शक्यता आहे. .मॉन्सूनच्या दुसऱ्या टप्प्यात ‘एल निनो’ स्थिती विकसित होण्याची संभाव्यता वाढत आहे. उन्हाळ्यात हिंद महासागरातील इंडियन ओशन डायपोल स्थिती (आयओडी) तटस्थ स्थितीत राहण्याची शक्यता आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
