Pune News: उत्तरेकडील गोठवणारी थंडी महाराष्ट्रावर येऊन धडकत असल्याने थंडीची तीव्र लाट आली आहे. काही ठिकाणी पारा ७ अंशांच्या खाली घसरल्याने हंगामातील नीचांकी तापमानाची नोंद होत आहे. निफाडमध्ये तापमान अधिकच घसरल्याने दबबिंदू गोठल्याचे दिसून आले. आज (ता. १९) उत्तर महाराष्ट्रात थंडीच्या लाटेचा इशारा असून, उर्वरित राज्यात गारठा कायम राहण्याचा अंदाज हवामान विभागाने वर्तविला आहे..थंडीचा कडाका वाढत असल्याने अनेक ठिकाणी किमान तापमानाचा पारा १० अंशांखाली घसरला आहे. मध्य महाराष्ट्र, मराठवाडा आणि विदर्भाच्या किमान तापमानात सरासरीच्या तुलनेत ३ ते ८ अंशांची मोठी घट नोंदवली गेली आहे. पहाटे जाणवणारी हुडहुडी दिवसभर टिकून राहत असून, सायंकाळ होताच थंडीचा कडाका वाढत आहे. कमाल तापमानात सातत्याने घट होत असून, निवडक ठिकाणी पारा अद्यापही तिशीपार आहे. मंगळवारी (ता. १८) सकाळपर्यंतच्या २४ तासांमध्ये कोकणातील भिरा येथे ३५ अंश सेल्सिअस कमाल तापमानाची नोंद झाली..Hawaman Andaj: थंडी काही दिवस कायम राहणार; राज्यातील अनेक भागात दिवसाच्या तापमानातही घट.खानदेशात थंडी अधिक असून, धुळे येथील कृषी महाविद्यालयात राज्याचे यंदाच्या हंगामातील नीचांकी ६.२ अंश तापमान नोंदले गेल्याने थंडीची तीव्र लाट आली आहे. जेऊर आणि परभणी येथील वसंतराव नाईक मराठवाडा कृषी विद्यापीठामध्ये ७ अंश तापमानाची नोंद झाली. जळगाव मध्ये ७.१ अंश सेल्सिअस, निफाड येथील गहू संशोधन केंद्रात ८.३ अंश आणि अहिल्यानगर ८.४ अंश सेल्सिअस तापमानाची नोंद झाल्याने तीव्र लाट आली आहे. पुणे, महाबळेश्वर, मालेगाव, नाशिक, भंडारा, गोंदिया, वाशीम, यवतमाळ येथे पारा १० अंशांच्या खाली असल्याने थंडीची लाट होती..किमान तापमानाचा पारा १० अंशाखाली घसरल्यास आणि तापमानात सरासरीच्या तुलनेत ४.५ अंशांपेक्षा अधिक घट झाल्यास थंडीची लाट, तसेच ६.५ अंशांपेक्षा अधिक घट झाल्यास तीव्र लाट आल्याचे समजले जाते. आज (ता. १९) जळगाव, नाशिक जिल्ह्यांत थंडीची लाट कायम राहणार असल्याने सतर्कतेचा इशारा (येलो अलर्ट) आहे. तर उर्वरित राज्यातील हुडहुडी कायम राहण्याची शक्यता हवामान विभागाने वर्तविली आहे..Maharashtra Weather: थंडीच्या लाटेचा इशारा कायम.मंगळवारी (ता. १८) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---२८.०---९.४अहिल्यानगर---२७.८---८.४धुळे---२८.०---६.२जळगाव---२८.६---७.१जेऊर---२८.५---७.०कोल्हापूर---२८.६---१४.६महाबळेश्वर---२४.८---१०..मालेगाव---२६.४---९.६नाशिक---२७.२---९.२निफाड---२८.८---८.३सांगली---२९.७---१२.३सातारा---२९.६---१०.६सोलापूर---३०.६---१३.९सांताक्रूझ---३२.३---१७.४डहाणू---३३.२---१५.८रत्नागिरी---३३.२---१८.१.छत्रपती संभाजीनगर---२७.८---१०.६धाराशिव---२७.९---१२.०परभणी---२७.७---१०.८परभणी (कृषी)---२७.२---७.०अकोला---२८.७---११.९अमरावती---२९.२---११.४भंडारा---२७.०---१०.०बुलडाणा---२७.५---१२.०.ब्रह्मपुरी---३०.६---१३.२चंद्रपूर---२९.४---१३.२गडचिरोली---२८.६---१२.६गोंदिया---२७.५---९.६नागपूर---२७.८---१०.९वर्धा---२७.५---११.५वाशीम---२९.०---१०.०यवतमाळ---२७.५---९.६.सरासरी तापमान (अंश से.)विभाग---किमान---कमालउत्तर महाराष्ट्र---६.२---२८.६पश्चिम महाराष्ट्र---७.०---३०.६मराठवाडा---७.०---२७.९विदर्भ---९.६---३०.६कोकण---१५.८---३५.०थंडीच्या लाटेचा इशारा (येलो अलर्ट) : धुळे, जळगाव, नाशिक, छत्रपती संभाजीनगर, जालना, बीड, परभणी, हिंगोली.राज्यातील थंडीची तीव्र लाट असलेली ठिकाणे : धुळे ६.२, जेऊर ७, परभणी (कृषी) ७, जळगाव ७.१, निफाड ८.३, अहिल्यानगर ८.४..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
