Pune News: राज्यातील काही भागात आजही थंडीची लाट होती. पुढील २ दिवस थंडीची लाट कायम राहण्याची शक्यता हवामान विभागाने वर्तविली. तर राज्यात १९ डिसेंबरपर्यंत थंडीचा कडाका जाणवेल, असा अंदाज हवामान विभागाचे निवृत्त शास्त्रज्ञ माणिकराव खुळे यांनी व्यक्त केला. .राज्यात ४ दिवसांमध्ये थंडीचा कडाका चांगलाच वाढला आहे. “बंगालच्या उपसागरात सेनयार व दिटवाह या दोन चक्री वादळांची निर्मिती होऊनही डिसेंबरच्या पहिल्या आठवड्यात चढ-उतारासहित महाराष्ट्रात अपेक्षित थंडी होती,” असे हवामान विभागाचे निवृत्त शास्त्रज्ञ माणिकराव खुळे यांनी सांगितले..“राज्यात १९ डिसेंबरपर्यंत महाराष्ट्रात थंडीचा कडाका जाणवेल. मुंबईसह कोकण वगळता उर्वरित महाराष्ट्रात विशेषतः उत्तर महाराष्ट्रात नाशिक, छत्रपती संभाजीनगरसह खानदेश, मराठवाडा विदर्भाच्या काही भागात रात्री थंडीच्या लाट तर थंड दिवसामुळे हूडहुडीचा अनुभव येऊ शकतो. मुंबईसह कोकणात मात्र पहाटेचे किमान तापमान सरासरी इतके जाणवेल”, असाही अंदाज श्री. खुळे यांनी दिला..Maharashtra Winter Weather: थंडीच्या तीव्र लाटेचा इशारा.राज्यात पुढील काळात थंडी राहण्यामागची कारणे स्पष्ट करताना श्री. खुळे म्हणाले की, उत्तर भारतातून येणारे ईशान्यई वारे महाराष्ट्रात पूर्वीय होत असून हवेचा दाब ही पूर्ववत होत आहे. त्यामुळे महाराष्ट्रात थंडी टिकून राहण्याची शक्यता जाणवते. दक्षिण भारतातील ईशान्य माॅन्सूनचा प्रभाव काहीसा कमी होण्याची शक्यता आहे. यामुळे तेथे हंगामी पूर्वीय वारे १३ अंश अक्षवृत्ता दरम्यानच मर्यादित राहण्याची शक्यता आहे.. तसेच उत्तर भारतातून महाराष्ट्रात येणाऱ्या थंडीला अटकाव होण्याची शक्यता नाही. तर वायव्य आशियातून, सध्या उत्तर भारतात नियमितपणे एकापाठोपाठ मार्गक्रमण करणाऱ्या पश्चिमी प्रकोपामुळे थंड ईशान्यई वारे महाराष्ट्राकडे झेपावत आहेत, यामुळे राज्यात थंडीचा कडाका राहणार आहे, असे श्री. खुळे यांनी सांगितले. .Maharashtra Cold Wave: राज्यात ३ दिवस थंडीची लाट; राज्यातील बहुतांशी भागात थंडीचा कडाका पुन्हा वाढला.दरम्यान, आज सोलापूर, पुणे, नाशिक, धुळे, जळगाव, नंदूरबार, यवतमाळ, नागपूर आणि गोंदीया जिल्ह्यात थंडीची लाट होती. आज धुळे येथे सर्वात कमी ५.५ अंश सेल्सिअस तापमानाची नोंद झाली होती. तर निफाड येथील गहू संशोधन केंद्रात ५.९ अंश तापमान होते. जेऊल येथे ६ अंश तर मोहोळ येथे ६.९ अंश तापमानाची नोंद झाली. अहिल्यानगर येथे ७.४ अंश, जळगाव येथे ८.४ अंश, गोंदीया येथे ८.६ आणि नागपूर येथे ८.८ अंश सेल्सिअस तापमानाची नोंद झाली होती. .राज्यात बुधवारी आणि गुरुवारीही थंडीचा लाट राहण्याची शक्यता आहे. उद्या म्हणजेच बुधवारी सोलापूर, पुणे, अहिल्यानगर, नाशिक, जळगाव, धुळे, नंदूरबार, छत्रपती संभाजीनगर, जालना, बीड आणि परभणी जिल्ह्यात थंडीच्या लाटेचा इशारा देण्यात आला. तर गुरुवारी सोलापूर, पुणे, अहिल्यानगर, नाशिक, जळगाव, धुळे, नंदूरबार, छत्रपती संभाजीनगर, जालना, बीड, परभणी, नांदेड आणि हिंगोल जिल्ह्यात थंडीच्या लाटेचा इशारा हवामान विभागाने दिला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
