Maharashtra Weather Update: महाराष्ट्रावर आज (ता.८) मंगळवारपासून गुरुवारपर्यंत (ता. १० ते १२) हवेचा दाब १०१० हेप्टापास्कल इतका राहील. तर सोमवारी (ता. ९), शुक्रवार (ता. १३) आणि शनिवारी (ता. १४) महाराष्ट्रावर १००८ हेप्टापास्कल इतका कमी हवेचा दाब राहील. म्हणजेच कमाल व किमान तापमानात चढ-उतार जाणवेल. सोमवार, शुक्रवार व शनिवारी किमान तापमानात वाढ होईल. दुपारी उष्णतेच्या लाटा जाणवतील. मात्र कोकणात सकाळची व दुपारची सापेक्ष आर्द्रता अधिक राहील. त्यानुसार हवामान उष्ण व दमट राहील. मध्य महाराष्ट्र, मराठवाडा व विदर्भात या आठवड्यात कमाल तापमानात २ ते ४ अंश सेल्सिअसपर्यंत वाढ होईल. .विदर्भात ती प्रकर्षाने जाणवेल. या आठवड्यापासून बाष्पीभवनाचा वेग वाढून प्रतिदिनी तो १४ मि.मी. इतका असेल. दुपारची सापेक्ष आर्द्रता अत्यंत कमी राहील. त्यामुळे उत्तर महाराष्ट्र, मराठवाडा व दक्षिण-पश्चिम महाराष्ट्रात हवामान दुपारी उष्ण व कोरडे राहील. धाराशिव, लातूर, हिंगोली, जालना, छत्रपती संभाजीनगर, वाशीम या जिल्ह्यांत वाऱ्याचा ताशी वेग वाढेल. वाऱ्याचा ताशी वेग १३ ते १४ कि.मी. राहील. तसेच धुळे, नंदुरबार, जळगाव, परभणी, अकोला, अमरावती, वर्धा व सोलापूर जिल्ह्यांत कमाल तापमान ३८ अंश सेल्सिअसपर्यंत वाढेल..हिंदी महासागराच्या पाण्याचे तापमान ३० अंश सेल्सिअस, अरबी समुद्राच्या पाण्याचे पृष्ठभागाचे तापमान २९ अंश सेल्सिअस इतके आहे. त्यामुळे बाष्पीभवनाचा वेग कायम राहील. तसेच प्रशांत महासागराच्या पाण्याचे पृष्ठभागाचे तापमान पेरूजवळ १९ अंश सेल्सिअस असून, इक्वेडोरजवळ ते २५ अंश सेल्सिअस इतके आहे. ‘ला-निना’ प्रभाव अद्याप सुरू आहे. त्यामुळे उन्हाळी हंगामातही पावसाची शक्यता राहील..Heat Wave In Vidarbha : राज्यात उन्हाचा चटका वाढला; विदर्भात उच्चांकी तापमान.कोकणकमाल तापमान रायगड जिल्ह्यात ३३ अंश सेल्सिअस, तर पालघर आणि रत्नागिरी जिल्ह्यांत ते ३४ अंश सेल्सिअस राहील. सिंधुदुर्ग व ठाणे जिल्ह्यांत कमाल तापमान ३५ अंश सेल्सिअस राहील. किमान तापमान रत्नागिरी जिल्ह्यात २१ अंश सेल्सिअस, तर सिंधुदुर्ग, रायगड व ठाणे जिल्ह्यांत ते २२ अंश सेल्सिअस आणि पालघर जिल्ह्यात ३४ अंश सेल्सिअस राहील. आज रत्नागिरी जिल्ह्यात आकाश अल्पसे ढगाळ राहील. सकाळची सापेक्ष आर्द्रता ठाणे जिल्ह्यात ५८ टक्के, तर रायगड व पालघर जिल्ह्यांत ६० टक्के राहील. सकाळची सापेक्ष आर्द्रता रत्नागिरी जिल्ह्यात ८५ टक्के आणि सिंधुदुर्ग जिल्ह्यात ९० टक्के इतकी अधिक राहील. दुपारची सापेक्ष आर्द्रता ठाणे जिल्ह्यात ३५ ते ४० टक्के, सिंधुदुर्ग जिल्ह्यात ४५ टक्के, तर रत्नागिरी व रायगड जिल्ह्यांत ५३ ते ५६ टक्के राहील. सर्वच जिल्ह्यांत वाऱ्याचा ताशी वेग ३ ते ४ कि.मी. राहील. वाऱ्याची दिशा सिंधुदुर्ग जिल्ह्यात आग्नेयेकडून, तर रत्नागिरी, रायगड व सिंधुदुर्ग जिल्ह्यांत ईशान्येकडून आणि पालघर जिल्ह्यात वायव्येकडून राहील..उत्तर महाराष्ट्रकमाल तापमान नाशिक जिल्ह्यात ३६ अंश सेल्सिअस, तर धुळे व जळगाव जिल्ह्यांत ३८ अंश सेल्सिअस आणि नंदुरबार जिल्ह्यात ३९ अंश सेल्सिअस राहील. किमान तापमान नाशिक जिल्ह्यात २१ अंश सेल्सिअस, तर जळगाव जिल्ह्यात २२ अंश सेल्सिअस राहील. तर धुळे व नंदुरबार जिल्ह्यांत किमान तापमान २४ अंश सेल्सिअस राहील. सर्वच जिल्ह्यांत आकाश निरभ्र राहील. सकाळची सापेक्ष आर्द्रता धुळे जिल्ह्यात ३४ टक्के, तर जळगाव जिल्ह्यात ३५ टक्के, नंदुरबार जिल्ह्यात ३२ टक्के व धुळे जिल्ह्यात २९ टक्के राहील. सर्वच जिल्ह्यांत दुपारची सापेक्ष आर्द्रता १० ते १२ टक्के इतकी कमी राहील. वाऱ्याचा ताशी वेग नंदुरबार व जळगाव जिल्ह्यांत ६ कि.मी. तर धुळे व नाशिक जिल्ह्यांत १० कि.मी. राहील. सर्वच जिल्ह्यांत वाऱ्याची दिशा पूर्व व ईशान्येकडून राहील..मराठवाडाकमाल तापमान लातूर जिल्ह्यात ३६ अंश सेल्सिअस, तर धाराशिव, नांदेड, बीड, हिंगोली, जालना व छत्रपती संभाजीनगर जिल्ह्यांत ३७ अंश सेल्सिअस राहील. परभणी जिल्ह्यात कमाल तापमान ३८ अंश सेल्सिअस राहील. हवामान उष्ण व कोरडे राहील. किमान तापमान लातूर जिल्ह्यात २१ अंश सेल्सिअस, तर धाराशिव, नांदेड, बीड, परभणी व जालना जिल्ह्यांत २२ अंश सेल्सिअस राहील. हिंगोली व छत्रपती संभाजीनगर जिल्ह्यांत किमान तापमान २३ अंश सेल्सिअस राहील. सर्वच जिल्ह्यांत आकाश निरभ्र राहील. सकाळची सापेक्ष आर्द्रता हिंगोली जिल्ह्यात २३ टक्के, तर धाराशिव जिल्ह्यात २५ टक्के व छत्रपती संभाजीनगर जिल्ह्यात २७ टक्के राहील. जालना व लातूर जिल्ह्यांत सकाळची सापेक्ष आर्द्रता २९ टक्के राहील. नांदेड, बीड व परभणी जिल्ह्यांत सकाळची सापेक्ष आर्द्रता ३० ते ३४ टक्के राहील. दुपारची सापेक्ष आर्द्रता धाराशिव, परभणी व छत्रपती संभाजीनगर जिल्ह्यांत ९ टक्के, तर बीड, नांदेड, हिंगोली व जालना जिल्ह्यांत १० ते ११ टक्के राहील. धाराशिव व हिंगोली जिल्ह्यांत वाऱ्याचा ताशी वेग १४ कि.मी. राहील. तर उर्वरित सर्वच जिल्ह्यांत ताशी वेग ११ ते १३ कि.मी. राहील. वाऱ्याची दिशा सर्वच जिल्ह्यांत ईशान्येकडून व पूर्वेकडून राहील..Maharashtra Heatwave: कोकणात उकाडा वाढला; विदर्भ आणि मराठवाड्यात उन्हाचा चटका वाढला.पश्चिम विदर्भकमाल तापमान बुलडाणा जिल्ह्यात ३६ अंश सेल्सिअस, वाशीम जिल्ह्यात ३७ अंश सेल्सिअस, तर अकोला व अमरावती जिल्ह्यांत ३८ अंश सेल्सिअस राहील. किमान तापमान अकोला व अमरावती जिल्ह्यांत २२ अंश सेल्सिअस, तर बुलडाणा व वाशीम जिल्ह्यांत ते २३ अंश सेल्सिअस राहील. सर्वच जिल्ह्यांत आकाश निरभ्र राहील. बुलडाणा व वाशीम जिल्ह्यांत सकाळची सापेक्ष आर्द्रता २४ टक्के राहील. सकाळची सापेक्ष आर्द्रता अमरावती जिल्ह्यात २९ टक्के व अकोला जिल्ह्यात ३२ टक्के राहील. दुपारची सापेक्ष आर्द्रता सर्वच जिल्ह्यांत १० टक्के राहील. वाऱ्याचा ताशी वेग अकोला व अमरावती जिल्ह्यांत ताशी ६ ते ८ कि.मी., तर बुलडाणा व वाशीम जिल्ह्यांत ताशी ११ ते १३ कि.मी. राहील. सर्वच जिल्ह्यांत वाऱ्याची दिशा पूर्व व ईशान्येकडून राहील..मध्य विदर्भयवतमाळ व नागपूर जिल्ह्यांत कमाल तापमान ३७ अंश सेल्सिअस, तर वर्धा जिल्ह्यात ३८ अंश सेल्सिअसपर्यंत वाढेल. किमान तापमान नागपूर जिल्ह्यात २२ अंश सेल्सिअस, तर यवतमाळ व वर्धा जिल्ह्यांत ते २३ अंश सेल्सिअस राहील. सर्वच जिल्ह्यांत आकाश निरभ्र राहील. यवतमाळ व वर्धा जिल्ह्यांत सकाळची सापेक्ष आर्द्रता २६ टक्के, तर नागपूर जिल्ह्यात २७ टक्के राहील. दुपारची सापेक्ष आर्द्रता सर्वच जिल्ह्यांत १० टक्के राहील. वाऱ्याचा ताशी वेग नागपूर जिल्ह्यात १० कि.मी. तर वर्धा व यवतमाळ जिल्ह्यांत ताशी ११ कि.मी. राहील. वाऱ्याची दिशा सर्वच जिल्ह्यांत ईशान्येकडून राहील..पूर्व विदर्भचंद्रपूर, गडचिरोली, भंडारा आणि गोंदिया जिल्ह्यांत कमाल तापमान ३७ अंश सेल्सिअस राहील. सर्वच जिल्ह्यांत किमान तापमान २२ अंश सेल्सिअस राहील. सकाळी थंड हवामान, तर दुपारी उष्ण हवामान जाणवेल. सर्वच जिल्ह्यांत आकाश निरभ्र राहील. सकाळची सापेक्ष आर्द्रता भंडारा व गोंदिया जिल्ह्यांत ३२ ते ३३ टक्के, तर चंद्रपूर जिल्ह्यात ३८ टक्के आणि गडचिरोली जिल्ह्यात ५६ टक्के राहील. दुपारची सापेक्ष आर्द्रता भंडारा जिल्ह्यात ११ टक्के, गोंदिया जिल्ह्यात १४ टक्के तर चंद्रपूर जिल्ह्यात १५ टक्के व गडचिरोली जिल्ह्यात १७ टक्के राहील. गडचिरोली व गोंदिया जिल्ह्यांत वाऱ्याचा ताशी वेग ८ कि.मी., तर चंद्रपूर व भंडारा जिल्ह्यांत ताशी १० कि.मी. राहील. वाऱ्याची दिशा चंद्रपूर जिल्ह्यात पूर्वेकडून, गडचिरोली जिल्ह्यात वायव्येकडून राहील. तर भंडारा जिल्ह्यात ईशान्येकडून आणि गोंदिया जिल्ह्यात उत्तरेकडून राहील..पश्चिम महाराष्ट्रकोल्हापूर जिल्ह्यात कमाल तापमान ३५ अंश सेल्सिअस, सांगली, पुणे व अहिल्यानगर जिल्ह्यांत ते ३६ अंश सेल्सिअस राहील. कमाल तापमान सातारा जिल्ह्यात ३७ अंश सेल्सिअस आणि सोलापूर जिल्ह्यात ३८ अंश सेल्सिअस राहील. किमान तापमान पुणे जिल्ह्यात १७ अंश सेल्सिअस, तर सातारा जिल्ह्यात १८ अंश सेल्सिअस राहील. किमान तापमान सांगली जिल्ह्यात २० अंश सेल्सिअस, कोल्हापूर जिल्ह्यात २१ अंश सेल्सिअस, अहिल्यानगर जिल्ह्यात २२ अंश सेल्सिअस आणि सोलापूर जिल्ह्यात २३ अंश सेल्सिअस राहील. आज (ता. ८) कोल्हापूर जिल्ह्यात आकाश अंशतः ढगाळ राहणे शक्य आहे. उर्वरित सर्वच जिल्ह्यांत आकाश निरभ्र राहील. सोलापूर व अहिल्यानगर जिल्ह्यांत सकाळची सापेक्ष आर्द्रता ३२ ते ३४ टक्के, पुणे जिल्ह्यात ५३ टक्के, सातारा व सांगली जिल्ह्यांत ६८ ते ७६ टक्के आणि कोल्हापूर जिल्ह्यात ९६ टक्के राहील. दुपारची सापेक्ष आर्द्रता सोलापूर व अहिल्यानगर जिल्ह्यांत १२ टक्के तर उर्वरित सर्वच जिल्ह्यांत ती २० ते २२ टक्के राहील. सर्वच जिल्ह्यांत वाऱ्याचा ताशी वेग ८ ते १० कि.मी. राहील. वाऱ्याची दिशा उत्तरेकडून व ईशान्येकडून राहील..कृषी सल्लाफळबागांमध्ये आच्छादन करून बाष्पीभवनाचा वेग कमी करावा.उन्हाळी हंगामातील सर्वच पिकांना दर आठ दिवसांनी पाणी द्यावे.जनावरांना गोठ्यामध्येच पुरेसे स्वच्छ पाणी उपलब्ध करावे.कुक्कुटपालन शेडमध्ये पाण्याची भांडी वाढवावीत.हळद, कांदा, रब्बी ज्वारी, गहू या पिकांची काढणी करून माल सुरक्षित ठिकाणी ठेवावा.(ज्येष्ठ कृषी हवामान तज्ज्ञ, सदस्य, ॲग्रिकल्चर मेटरॉलॉजी फोरम फॉर साउथ आशिया).ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
