Pune News: उन्हाचा चटका आणि उकाड्याने हैराण झाल्यानंतर आता दिलासा मिळण्याची चिन्हे आहेत. बंगालच्या उपसागरातील संभाव्य कमी दाब प्रणालीमुळे राज्यात पावसाचा जोर वाढण्याची शक्यता आहे. आज (ता. १३) पूर्व विदर्भात मुसळधार पावसाची शक्यता असल्याने दक्षतेचा इशारा (ऑरेंज अलर्ट) देण्यात आला आहे. तर उर्वरित राज्यात काही ठिकाणी विजांसह जोरदार पावसाची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे..मॉन्सूनचा आस असलेला कमी दाबाचा पट्टा भटिंडापासून, पटियाळा, डेहराडून ते अरुणाचल प्रदेशपर्यंत हिमालयाच्या पायथ्यालगत सक्रिय आहे. मध्य बंगालच्या उपसागरात समुद्र सपाटीपासून ३.१ ते ५.८ किलोमीटर उंचीवर चक्राकार वारे वाहत असून, या वाऱ्यांच्या प्रभावामुळे आज (ता. १३) या भागात हवेचे कमी दाबाचे क्षेत्र तयार होण्याचे संकेत आहेत. या प्रणालीची तीव्रता वाढण्याची शक्यता आहे. वरील चक्राकार वाऱ्यांपासून उत्तर कर्नाटकपर्यंत हवेचा पूर्व-पश्चिम कमी दाबाचा पट्टा सक्रिय आहे..Monsoon Rain Update : राज्यात पावसाचा जोर वाढणार; पुढील पाच दिवसांचा अंदाज जाहीर.पावसाची उघडीप असल्याने उन्हाच्या झळा, घामाच्या धारा कायम असतानाच, राज्यात पावसाला पोषक हवामान होत आहे. मंगळवारी (ता. १२) सकाळपर्यंतच्या २४ तासांमध्ये कोकण, घाटमाथा, मध्य महाराष्ट्र, मराठवाड्यात पावसाच्या जोरदार सरी सरी कोसळल्या. अहिल्यानगर जिल्ह्यातील कर्जत येथे सर्वाधिक ९० मिलिमीटर पावसाची नोंद झाली. पावसाची दडी असलेल्या भागात उन्हाचा चटका, उकाडा कायम होता. विदर्भातील ब्रह्मपुरी येथे राज्यातील उच्चांकी ३५.१ अंश सेल्सिअस तापमान नोंदले गेले..आजपासून (ता. १३) राज्यात पावसाचा जोर वाढणार असून, पूर्व विदर्भातील यवतमाळ, भंडारा, चंद्रपूर, गडचिरोली जिल्ह्यांत मुसळधार पावसाची शक्यता असल्याने दक्षतेचा इशारा (ऑरेंज अलर्ट) आहे. तर रायगड, रत्नागिरी, सिंधुदुर्ग, कोल्हापूर घाटमाथा, हिंगोली, नांदेड, वाशीम, वर्धा, नागपूर, गोंदिया जिल्ह्यांत जोरदार पावसाची शक्यता असल्याने, तसेच उर्वरित काही ठिकाणी विजांसह पावसाच्या सरींची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे..Maharashtra Rain: विदर्भ, मराठवाड्यात विजांसह पावसाची शक्यता.मंगळवारी (ता. १२) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---३०.९---२१.८अहिल्यानगर---३०.८---२१.३धुळे---३०.०---१९.५जळगाव---३३.८---२३.०जेऊर---३१.५---१९.०कोल्हापूर---२८.१---२१.९महाबळेश्वर---१९.७---१६.८.मालेगाव---३३.४---२१.४नाशिक---२८.५---२१.०निफाड---३०.८---२१.१सांगली---३०.०---२१.९सातारा---२८.४---२१.७सोलापूर---३१.५---२०.९सांताक्रूझ---३१.६---२५.९डहाणू---३१.२---२४.०.रत्नागिरी---२९.५---२४.५छत्रपती संभाजीनगर---३१.१---२१.९धाराशिव---२८.१---२०.०परभणी---३१.५---२३.२परभणी (कृषी)---३०.५---२२.४अकोला---३४.०---२५.०अमरावती---३१.६---२१.९भंडारा---३४.०---२५.०.बुलडाणा---३१.०---२२.२ब्रह्मपुरी---३५.१---२५.५चंद्रपूर---३३.८---२५.२गडचिरोली---३०.६---२४.०गोंदिया---३३.८---२४.२नागपूर---३४.१---२५.४वर्धा---३२.०---२४.९वाशीम---३०.६---२२.६यवतमाळ---३२.०---२३.०.बुधवारी (ता. १३) राज्यातील पावसाचा अंदाज दर्शवणारा नकाशा (स्रोत : हवामान विभाग) :जोरदार पावसाचा इशारा (ऑरेंज अलर्ट) :यवतमाळ, भंडारा, चंद्रपूर, गडचिरोलीजोरदार पावसाचा इशारा (येलो अलर्ट) :रायगड, रत्नागिरी, सिंधुदुर्ग, कोल्हापूर घाटमाथा, हिंगोली, नांदेड, वाशीम, वर्धा, नागपूर, गोंदियाविजांसह पावसाचा इशारा (येलो अलर्ट) :पालघर, ठाणे, मुंबई, अहिल्यानगर, पुणे, सातारा, सोलापूर, जालना, बीड, धाराशिव, लातूर, परभणी, बुलडाणा, अकोला, अमरावती.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
