Pune News: मॉन्सूनच्या परतीची वाटचाल सुरू असतानाच, राज्यात दमदार पाऊस कोसळत आहे. आज (ता. १७) राज्यात विजांसह जोरदार पावसाची शक्यता आहे. रत्नागिरी, सिंधुदुर्ग, अहिल्यानगर, बीड जिल्ह्यांत जोरदार पावसाचा अंदाज असल्याने सतर्कतेचा इशारा (येलो अलर्ट) हवामान विभागाने दिला आहे. उर्वरित राज्यात हलक्या पावसाची शक्यता आहे..विदर्भ आणि परिसरावर समुद्र सपाटीपासून ५.८ किलोमीटर उंचीवर चक्राकार वाऱ्यांची स्थिती आहे. दक्षिण कर्नाटकपासून कोमोरीन भागापर्यंत दक्षिणोत्तर कमी दाबाचा पट्टा तयार झाला आहे. यातच राज्यात जोरदार पावसाने दाणादाण उडवून दिली असून, कोकण, मध्य महाराष्ट्र, मराठवाड्यात अनेक ठिकाणी अतिवृष्टीची नोंद झाली आहे..मंगळवारी (ता. १६) सकाळपर्यंतच्या २४ तासांमध्ये जालना येथे सर्वाधिक १२० मिलिमीटर, तर नांदेड जिल्ह्यातील हिमायतनगर येथे ११० मिलिमीटर पावसाची नोंद झाली. पावसाच्या हजेरीनंतरही काही ठिकाणी कमाल तापमान अद्यापही तिशीपार कायम आहे. अमरावती येथे राज्यातील उच्चांकी ३३.४ अंश सेल्सिअस तापमानाची नोंद झाली..Maharashtra Weather Update : राज्यातील १३ जिल्ह्यांतील ८१ मंडळांत अतिवृष्टी.राज्यात वादळी पावसाला पोषक हवामान होत असून, आज (ता. १७) रत्नागिरी, सिंधुदुर्ग, अहिल्यानगर, बीड जिल्ह्यांत जोरदार पावसाची, तर रायगड, पुणे, सातारा, सांगली, सोलापूर, छत्रपती संभाजीनगर, जालना, धाराशिव, लातूर, परभणी, हिंगोली, नांदेड, अमरावती, नागपूर, चंद्रपूर जिल्ह्यांत विजांसह पावसाची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे. उर्वरित राज्यात हलक्या सरींची अंदाज आहे..मॉन्सूनची आणखी माघारनैॡत्य मोसमी वाऱ्यांनी (मॉन्सून) रविवारी (ता. १४) पश्चिम राजस्थानमधून परतीच्या प्रवासाला सुरुवात केली आहे. त्यानंतर मंगळवारी (ता. १६) मॉन्सूनने राजस्थानच्या आणखी काही भागासह गुजरात, पंजाब आणि हरियानाच्या काही भागांतून माघार घेतली आहे. मॉन्सूनच्या परतीची सीमा भटिंडा, फतेहबाद, पिलानी, अजमेर, दिसा, भूजपर्यंत असल्याचे हवामान विभागाने जाहीर केले..Monsoon Rain Update: ताम्हिणी घाटात ‘रेकॉर्ड ब्रेक’ ५७५ मिमी पावसाची नोंद.मंगळवारी (ता. १६) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---२५.७---२१.४अहिल्यानगर---२३.४---२२.३धुळे---३१.०---२१.०जळगाव---३२.२---२४.६जेऊर---२८.०---१९.०कोल्हापूर---२८.३---२२.२महाबळेश्वर---१९.८---१७.५.मालेगाव---३०.०---२२.२नाशिक---२७.६---२२.४निफाड---२८.९---२२.०सांगली---२९.०---२१.९सातारा---२८.८---२२.३सोलापूर---३१.७---२३.९सांताक्रूझ---२५.७---२३.६डहाणू---२७.६---२३.९रत्नागिरी---२६.३---२३.४.छत्रपती संभाजीनगर---२७.३---२२.८धाराशिव---२७.३---१९.२परभणी---३०.४---२३.०अकोला---३३.१---२३.०अमरावती---३३.४---२१.९भंडारा---३१.०---२३.०बुलडाणा---२९.७---२२.०ब्रह्मपुरी---३१.०---२४.४.चंद्रपूर---३२.६---२४.०गडचिरोली---३०.८---२३.०गोंदिया---२९.६---२४.०नागपूर---३१.२---२४.३वर्धा---३२.५---२४.५वाशीम---२७.६---२१.२यवतमाळ---३१.६---२३.०जोरदार वादळी पावसाचा इशारा (येलो अलर्ट) :रत्नागिरी, सिंधुदुर्ग, अहिल्यानगर, बीड.विजांसह वादळी पावसाचा इशारा (येलो अलर्ट) :रायगड, पुणे, सातारा, सांगली, सोलापूर, छत्रपती संभाजीनगर, जालना, धाराशिव, लातूर, परभणी, हिंगोली, नांदेड, अमरावती, नागपूर, चंद्रपूर..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
