Pune News: महाराष्ट्राच्या बहुतांश भागातून मॉन्सून परतला आहे. राज्यात उन्हाचा चटका कायम असताना, पावसासाठी पोषक हवामान आहे. आज (ता. १५) कोकण, मध्य महाराष्ट्र, मराठवाडा आणि विदर्भात विजांसह पावसाची शक्यता असल्याने दक्षतेचा इशारा (येलो अलर्ट) देण्यात आला आहे. उर्वरित राज्यात उन्हाचा चटका कायम राहण्याची शक्यता हवामान विभागाने वर्तविली आहे..पश्चिम-मध्य अरबी समुद्रात समुद्र सपाटीपासून १.५ किलोमीटर उंचीवर चक्राकार वाऱ्यांची स्थिती आहे. नैऋत्य बंगालच्या उपसागरातील चक्राकार वाऱ्याची स्थिती कोमोरीन भागाकडे येणार असल्याने लक्षद्वीप, केरळ, दक्षिण कर्नाटकच्या किनाऱ्यालगत रविवारपर्यंत (ता. १९) कमी दाबाचे क्षेत्र तयार होण्याचे संकेत आहेत. राज्यात विजांसह पावसाला पोषक हवामान झाले आहे.मंगळवारी (ता. १४) सकाळपर्यंत राज्यात राज्यात अंशतः ढगाळ हवामान, उन्हाचा चटका आणि उकाडा कायम होता..बहुतांश ठिकाणी कमाल तापमानाचा पारा ३२ अंशांपार आहे. उन्हाचा चटका अधिक तापदायक ठरत असून, दुपारच्या वेळी घराबाहेर पडणे त्रासदायक ठरत आहे. रत्नागिरी येथे राज्यातील उच्चांकी ३५.५ अंश तापमानाची नोंद झाली आहे. सांताक्रुझ, जळगाव, सोलापूर, ब्रह्मपुरी, अमरावती येथे ३४ अंशांपेक्षा अधिक तापमानाची नोंद झाली..Maharashtra Rain Update : राज्यात पुढील चार दिवस पावसाचा अंदाज; मॉन्सून संपूर्ण देशातून परतण्यासाठी पोषक स्थिती.आज (ता. १५) कोकणातील रत्नागिरी, सिंधुदुर्ग, मध्य महाराष्ट्रातील अहिल्यानगर, पुणे, सातारा, सांगली, सोलापूर, कोल्हापूर, मराठवाड्यातील छत्रपती संभाजीनगर, जालना, बीड, परभणी, हिंगोली, धाराशिव, लातूर, नांदेड आणि विदर्भातील अकोला, अमरावती, चंद्रपूर, गडचिरोली या जिल्ह्यात विजांसह पावसाची शक्यता असल्याने दक्षतेचा इशारा (येलो अलर्ट) देण्यात आला आहे. तर उर्वरित राज्यात तुरळक ठिकाणी विजांसह पावसाचा अंदाज वर्तवण्यात आला आहे..मॉन्सून घेणार देशाचा निरोपनैऋत्य मोसमी वाऱ्यांची (मॉन्सून) परतीची वाटचाल अंतिम टप्प्यावर आली आहे. सोमवारी (ता. १३) बहुतांशी महाराष्ट्रातून मॉन्सून परतला आहे. मंगळवारी (ता. १४) संपूर्ण पूर्वोत्तर राज्ये आणि ओडिशा, छत्तीसगडच्या काही भागातून मॉन्सून माघारी फिरला आहे. दोन दिवसात मॉन्सून देशाचा निरोप घेण्याची शक्यता असून, दक्षिण भारतात ईशान्य मोसमी वारे सक्रिय होण्याची शक्यता आहे..Monsoon Return: महाराष्ट्राच्या बहुतांश भागांतून मॉन्सून माघारी.मंगळवारी (ता. १४) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---३२.५---१८.०अहिल्यानगर---३१.०---१७.३धुळे---३१.०---१३.०जळगाव---३४.४---१५.७जेऊर---३२.५---१५.५कोल्हापूर---३१.९---२१.०महाबळेश्वर---२५.२---१५.०मालेगाव---३०.८---१५.६.नाशिक---३३.०---१५.४निफाड---३२.४---१४.६सांगली---३२.४---२०.०सातारा---३१.७---१८.४सोलापूर---३४.३---२०.२सांताक्रूझ---३४.४---२१.६डहाणू---३२.७---२०.१रत्नागिरी---३५.५---२३.०छत्रपती संभाजीनगर---३३.५---१८.०.धाराशिव---३२.०---१७.०परभणी---३२.६---१८.५परभणी (कृषी)---३१.५---१६.५अकोला---३३.३---१९.४अमरावती---३४.२---१९.१भंडारा---३०.०---१९.१बुलडाणा---३०.०---२४.०.ब्रह्मपुरी---३४.४---२२.५चंद्रपूर---३३.४---२३.४गडचिरोली---३३.२---२३.०गोंदिया---३२.८---२०.२नागपूर---३२.०---२२.१वर्धा---३२.५---२१.५वाशीम---२९.६---१६.८यवतमाळ---३२.२---१९.०.विजांसह पावसाची शक्यता (येलो अलर्ट) :रत्नागिरी, सिंधुदुर्ग, अहिल्यानगर, पुणे, सातारा, सांगली, सोलापूर, कोल्हापूर, छत्रपती संभाजीनगर, जालना, बीड, परभणी, हिंगोली, धाराशिव, लातूर, नांदेड, अकोला, अमरावती, चंद्रपूर, गडचिरोलीविजांसह पावसाची शक्यता : ठाणे, रायगड, नाशिक, जळगावउन्हाचा चटका अधिक असलेली ठिकाणे : रत्नागिरी ३५.५, जळगाव ३४.४, सांताक्रूझ ३४.४, ब्रह्मपुरी ३४.४, सोलापूर ३४.३, अमरावती ३४.२..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
