Pune News: महाराष्ट्रातून मॉन्सून परतीसाठी पोषक हवामान होत आहे. राज्याच्या अनेक भागांत पावसाने उघडीप दिली असून, उन्हाचा चटका वाढू लागला आहे. दक्षिण मध्य महाराष्ट्रात मात्र पावसाच्या हलक्या सरी हजेरी लावत आहेत. आज (ता. १०) कोकण आणि मध्य महाराष्ट्रात तुरळक ठिकाणी विजांसह पावसाचा अंदाज हवामान विभागाने वर्तविला आहे..‘शक्ती’ चक्रीवादळ निवळल्यानंतर पश्चिम-मध्य अरबी समुद्रात ठळक कमी दाबाचे क्षेत्र सक्रिय आहे. ही प्रणाली हळूहळू निवळून जाणार आहे. गुरुवारी (ता. ९) सकाळपर्यंतच्या २४ तासांमध्ये सांगली, कोल्हापूर, सातारा, पुणे जिल्ह्यात तुरळक ठिकाणी हलक्या ते मध्यम पावसाने हजेरी लावली. सांगली जिल्ह्यातील कसबेडिग्रज आणि मिरज येथे ४० मिलिमीटर पावसाची नोंद झाली..Monsoon Rain Update: पाऊस उघडीप देण्याची शक्यता; राज्यातील काही भागात ढगाळ हवामानासह हलक्या सरींचा अंदाज.पावसाची उघडीप असलेल्या भागांत उन्हाचा चटका वाढला आहे. राज्यात बहुतांश ठिकाणी पारा तिशीपार गेला आहे. अमरावती येथे राज्यातील उच्चांकी ३४.८ अंश सेल्सिअस तापमानाची नोंद झाली. आज (ता. १०) रायगड, रत्नागिरी, सिंधुदुर्ग, सातारा, कोल्हापूर, सांगली, सोलापूर या जिल्ह्यांत तुरळक ठिकाणी विजांसह पावसाचा अंदाज आहे. उर्वरित राज्यात मुख्यतः पावसाच्या उघडिपीसह हलक्या सरींची शक्यता आहे. राज्यात उन्हाचा चटका कायम राहण्याची शक्यताही वर्तविण्यात आली आहे..महाराष्ट्रातून मॉन्सून निघणार परतीच्या प्रवासावरनैर्ऋत्य मोसमी वाऱ्यांनी (मॉन्सून) २६ सप्टेंबर रोजी वायव्य भारतासह गुजरात, मध्य प्रदेश, उत्तर प्रदेशच्या काही भागातून मॉन्सून परतला. वेरावल, भरूच, उज्जैन, झांसी, शाहजहानपूर पर्यंतची मॉन्सूनच्या माघारीची सीमा गुरुवारी (ता. ९) कायम होती. तब्बल दोन आठवडे मॉन्सूनचा थांबलेला परतीचा प्रवास पुन्हा सुरू होणार असून, आज (ता. १०) मध्य प्रदेश, उत्तर प्रदेश आणि महाराष्ट्राच्या काही भागांतून मॉन्सून परतण्याची शक्यता आहे..गुरुवारी (ता. ९) सकाळी ८.३० पर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---३३.२---२०.०अहिल्यानगर---३०.१---१९.३धुळे---३१.६---१७.४जळगाव---निरंक---२०.०जेऊर---३२.५---१९.०कोल्हापूर---३०.७---२१.८.Maharashtra Rain: राज्यात विजांसह पावसाची अंदाज कायम.महाबळेश्वर---२१.४---१६.०मालेगाव---३०.४---१७.६नाशिक---३२.१---१८.१निफाड---३२.९---१७.३सांगली---३२.०---२१.३सातारा---३२.०---२०.८सोलापूर---३३.९---२२.९.सांताक्रूझ---३२.२---२३.९डहाणू---३२.७---२३.०रत्नागिरी---३१.६---२४.६छत्रपती संभाजीनगर---३२.२---१८.५धाराशिव---निरंक---१९.७परभणी---३२.१---१८.६परभणी (कृषी)---३१.३---१८.१अकोला---३३.९---२०.६.अमरावती---३४.८---२३.२भंडारा---३०.०---२३.०बुलडाणा---३१.५---१९.२ब्रह्मपुरी---३४.४---२३.१चंद्रपूर---३४.०---२३.४गडचिरोली---३३.०---२४.४गोंदिया---३२.४---२०.४.नागपूर---३३.०---२२.१वर्धा---३४.०---२१.४वाशीम---३२.०---२०.६यवतमाळ---३०.६---२१.०विजांसह पावसाची शक्यता : रायगड, रत्नागिरी, सिंधुदुर्ग, सातारा, कोल्हापूर, सांगली, सोलापूर.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
