Pune News: महाराष्ट्राच्या बहुतांश भागातून मॉन्सून परतला आहे. राज्यात उन्हाचा चटका कायम असताना, पावसासाठी पोषक हवामान आहे. आज (ता. १६) कोकण, मध्य महाराष्ट्र आणि मराठवाडा विजांसह पावसाची शक्यता असल्याने दक्षतेचा इशारा (येलो अलर्ट) देण्यात आला आहे. उर्वरित राज्यात उन्हाचा चटका कायम राहून, तुरळक ठिकाणी हलक्या पावसाची शक्यता हवामान विभागाने वर्तविली आहे..तामिळनाडू आणि कोमोरीन भागात चक्राकार वाऱ्यांची स्थिती आहे. आग्नेय अरबी समुद्रात लक्षद्वीप बेटांजवळ समुद्र सपाटीपासून ५.८ किलोमीटर उंचीवर चक्राकार वारे वाहत असून, या वाऱ्यांच्या प्रभावामुळे लक्षद्वीप, केरळ, दक्षिण कर्नाटकच्या किनाऱ्यालगत रविवारपर्यंत (ता. १९) कमी दाबाचे क्षेत्र तयार होण्याचे संकेत आहेत. राज्यात विजांसह पावसाला पोषक हवामान झाले आहे..गेले काही दिवस राज्यात सातत्याने अंशतः ढगाळ हवामान, उन्हाचा चटका आणि उकाडा अनुभवयला मिळत आहे. कमाल तापमानाचा पारा ३२ अंशांपार असल्याने दुपारच्या वेळी घराबाहेर पडणे तापदायक ठरत आहे. बुधवारी (ता. १५) सकाळपर्यंतच्या २४ तासांत रत्नागिरी येथे राज्यातील उच्चांकी ३५.५ अंश तापमानाची नोंद झाली आहे. सांताक्रुझ येथे ३५ अंशांपेक्षा अधिक, तर ब्रह्मपुरी, अमरावती, सोलापूर आणि जळगाव येथे ३४ अंशांपेक्षा अधिक तापमानाची नोंद झाली..Maharashtra Rain Update: कोकण, मध्य महाराष्ट्र आणि मराठवाड्यात विजांसह पावसाचा अंदाज .आज (ता. १६) कोकणातील रायगड, रत्नागिरी, मध्य महाराष्ट्रातील धुळे, जळगाव, नाशिक, अहिल्यानगर, पुणे, सातारा आणि मराठवाड्यातील छत्रपती संभाजीनगर, जालना, बीड, धाराशिव, लातूर या जिल्ह्यात विजांसह पावसाची शक्यता असल्याने दक्षतेचा इशारा (येलो अलर्ट) देण्यात आला आहे. तर उर्वरित राज्यात तुरळक ठिकाणी विजांसह पावसाचा अंदाज वर्तवण्यात आला आहे..मॉन्सून आज देशाचा निरोप घेणारनैऋत्य मोसमी वाऱ्यांची (मॉन्सून) परतीची वाटचाल अंतिम टप्प्यावर आली आहे. सोमवारी (ता. १३) महाराष्ट्राच्या बहुतांश भागांतून मॉन्सून परतला आहे. मंगळवारी (ता. १४) संपूर्ण पूर्वोत्तर राज्ये आणि ओडिशा, छत्तीसगडच्या काही भागांतून मॉन्सून माघारी फिरला आहे. आज (ता. १६) मॉन्सून संपूर्ण देशाचा निरोप घेण्याची शक्यता असून, दक्षिण भारतात ईशान्य मोसमी वारे (ईशान्य मॉन्सून) सक्रिय होण्याची शक्यता आहे. .बुधवारी (ता. १५) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---३३.०---१८.७अहिल्यानगर---३१.२---१८.६धुळे---३१.०---१३.४जळगाव---३४.०---१५.८जेऊर---३३.५---१९.५कोल्हापूर---३२.७---२४.०महाबळेश्वर---२६.४---१६.२मालेगाव---३१.०---१६.४.Maharashtra Weather Update: राज्यात विजांसह पावसाचा अंदाज कायम.नाशिक---३२.३---१६.०निफाड---३२.५---१५.८सांगली---३२.९---२३.८सातारा---३१.९---२०.५सोलापूर---३४.७---२३.४सांताक्रूझ---३५.३---२२.२डहाणू---३३.९---२१.१.रत्नागिरी---३५.५---२३.६छत्रपती संभाजीनगर---३२.८---२०.८धाराशिव---३२.३---१८.४परभणी---३२.८---२२.५परभणी (कृषी)---३१.७---२२.१अकोला---३३.४---२४.५अमरावती---३४.८---२१.३भंडारा---३२.०---२३.०बुलडाणा---३१.७---२१.४.ब्रह्मपुरी---३४.९---२३.३चंद्रपूर---३३.०---२३.६गडचिरोली---३२.४---२३.४गोंदिया---३१.६---२१.५नागपूर---३२.६---२४.६वर्धा---३३.०---२३.४वाशीम---निरंक---१६.६यवतमाळ---३१.६---२२.४.विजांसह पावसाची शक्यता (येलो अलर्ट) :रायगड, रत्नागिरी, धुळे, जळगाव, नाशिक, अहिल्यानगर, पुणे, सातारा, छत्रपती संभाजीनगर, जालना, बीड, धाराशिव, लातूर.विजांसह पावसाची शक्यता :पालघर, ठाणे, मुंबई, सिंधुदुर्ग, नंदुरबार, सोलापूर, सांगली, कोल्हापूर, परभणी, हिंगोली, नांदेड.उन्हाचा चटका अधिक असलेली ठिकाणे :रत्नागिरी ३५.५, सांताक्रूझ ३५.३, ब्रह्मपुरी ३४.९, अमरावती ३४.८, सोलापूर ३४.७, जळगाव ३४..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
