Pune News: बंगालच्या उपसागरात एकामागून एक तयार होत असलेल्या कमी दाबाच्या प्रणाली पूरक ठरल्याने राज्यात महिना अखेरीस पावसाचा जोर आणखी वाढण्याची शक्यता आहे. आज (ता. २४) उत्तर कोकण, मध्य महाराष्ट्र, मराठवाडा, विदर्भात तुरळक ठिकाणी विजांसह वादळी पावसाचा अंदाज असल्याने सतर्कतेचा इशारा (येलो अलर्ट) हवामान विभागाने दिला आहे..बंगालच्या उपसागरात पश्चिम बंगाल आणि ओडिशाच्या किनाऱ्यालगत हवेचे कमी दाबाचे क्षेत्र सक्रिय आहे. या प्रणालीपासून दक्षिण मध्य महाराष्ट्रापर्यंत हवेचा कमी दाबाचा पट्टा विस्तारला आहे. मध्य महाराष्ट्रात समुद्र सपाटीपासून ३.१ किलोमीटर उंचीवर चक्राकार वारे वाहत आहेत. तसेच पूर्व-मध्य बंगालच्या उपसागरात दक्षिण ओडिशा आणि उत्तर आंध्र प्रदेशच्या किनाऱ्यालगत गुरुवारपर्यंत (ता. २५) नव्याने कमी दाब क्षेत्राची निर्मिती होणार असून, किनाऱ्याकडे येताना ही प्रणाली तीव्र होणार आहे..Monsoon Rain Maharashtra: शुक्रवारपासून पुन्हा पाऊस वाढणार; पुढील ५ दिवस राज्यात ठिकठिकाणी पावसाची शक्यता.मध्य महाराष्ट्र, मराठवाड्यात पावसाचा तडाखा कायम असल्याने अतिवृष्टी होत नद्या, नाल्यांना पूर आले आहेत. कोकण, घाटमाथ्यावर मध्यम ते जोरदार सरी सुरूच आहेत. मंगळवारी (ता.२३) सकाळ पर्यंतच्या २४ तासांमध्ये अहिल्यानगरच्या शेगावमध्ये राज्यातील उच्चांकी १६० मिलीमीटर पावसाची नोंद झाली. विदर्भासह अनेक ठिकाणी कमाल तापमानाचा पारा सातत्याने तिशीपार आहे. ब्रह्मपुरी येथे राज्यातील उच्चांकी ३६ अंश सेल्सिअस तापमानाची नोंद झाली..राज्यात विजांसह वादळी पावसाला पोषक हवामान असल्याने, आज (ता. २४) गोंदिया, गडचिरोली जिल्ह्यात जोरदार पावसाची शक्यता असल्याने, तसेच उर्वरित राज्यात काही ठिकाणी विजांसह पावसाची शक्यता असल्याने सतर्कतेचा इशारा (येलो अलर्ट) हवामान विभागाने वर्तविला आहे. शुक्रवारपासून (ता. २६) राज्याच्या विविध भागात पुन्हा पावसाचा जोर वाढण्याची अंदाज वर्तविण्यात आला आहे..मॉन्सूनची आणखी माघार शक्यनैर्ऋत्य मोसमी वाऱ्यांनी (मॉन्सून) १४ सप्टेंबरपासून पश्चिम राजस्थानमधून परतीच्या प्रवासाला सुरुवात केली आहे. सोमवारी (ता. २२) गुजरात, राजस्थान, हरियाना आणि पंजाब राज्याच्या काही भागांतून मॉन्सूनने माघार घेतली आहे. तरन, सांग्रूर, जिंद, रेवारी, तोन्क, मैसाना, पोरबंदर पर्यंतच्या भागातून मॉन्सून परतला. परतीस पोषक हवामान असल्याने आज (ता. २४) दिवसांत गुजरात, राजस्थान, हरियाना, पंजाबसह, दिल्ली, हिमाचल प्रदेश, जम्मू काश्मिर आणि उत्तर प्रदेशच्या काही भागातून मॉन्सूनची माघार होण्याची शक्यता आहे..Maharashtra Rain Alert: राज्यात विजांसह वादळी पावसाचा इशारा कायम.मंगळवारी (ता. २३) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---२७.२---२०.०अहिल्यानगर---२७.८---२१.३धुळे---३२.०---२०.६जळगाव---३०.८---२३.२जेऊर---२७.५---१७.५कोल्हापूर---२६.७---२१.१महाबळेश्वर---२०.२---१५.१मालेगाव---२७.८---२०.२.नाशिक---२७.३---२१.४निफाड---२७.७---२१.२सांगली---२७.३---२१.३सातारा---२८.७---२०.४सोलापूर---३१.०---२२.०सांताक्रूझ---२७.२---२४.२डहाणू---२८.२---२४.८रत्नागिरी---२८.०---२३.१छत्रपती संभाजीनगर---३१.२---२१.८.धाराशिव---२७.०---२०.१परभणी---३२.४---२२.०परभणी (कृषी)---३०.८---२१.४अकोला---३३.५---२४.७अमरावती---३४.८---२१.९भंडारा---३३.०---२४.०बुलडाणा---२८.६---२२.०ब्रह्मपुरी---३६.०---२४.४.चंद्रपूर---३३.४---२५.४गडचिरोली---३३.२---२४.०गोंदिया---३४.०---२४.६नागपूर---३५.०---२४.२वर्धा---३५.०---२४.६वाशीम---३२.८---२३.०यवतमाळ---२९.६---२३.२.जोरदार पावसाचा इशारा (येलो अलर्ट) :गोंदिया, गडचिरोली.विजांसह पावसाचा इशारा (येलो अलर्ट) :पालघर, ठाणे, मुंबई, रायगड, नाशिक, अहिल्यानगर, पुणे, छत्रपती संभाजीनगर, जालना, बीड, धाराशिव, लातूर, अमरावती, यवतमाळ..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
