Pune News: कोकण, मध्य महाराष्ट्र, मराठवाड्याच्या दक्षिणेकडील जिल्ह्यात पावसाला पोषक हवामान आहे. आज (ता. ५) रत्नागिरीसह सातारा, कोल्हापूर, सोलापूर आणि सांगली जिल्ह्यात वादळी वाऱ्यासह पावसाची शक्यता असल्याने सतर्कतेचा इशारा (येलो अलर्ट) देण्यात आला आहे. उर्वरित राज्यात ढगाळ आकाशासह कमाल आणि किमान तापमानात चढ-उतार होण्याचा अंदाज हवामान विभागाने वर्तविला आहे. .मंगळवारी (ता. ४) सकाळपर्यंतच्या २४ तासांमध्ये कोकण, मध्य महाराष्ट्रात तुरळक ठिकाणी हलक्या ते मध्यम सरी कोसळल्या. सिंधुदुर्ग जिल्ह्यातील वैभववाडी येथे सर्वाधिक ३० मिलिमीटर पावसाची नोंद झाली. पावसाने उघडीप दिल्याने कमाल तापमानाचा पारा वाढला आहे. अनेक ठिकाणी सातत्याने तापमान ३० अंशाच्या पार गेले आहे. अमरावती येथे ३४.२ अंश सेल्सिअस कमाल तापमानाची नोंद झाली. किमान तापमानात चढ- उतार होत असून, महाबळेश्वर येथे नीचांकी १६.६ अंश सेल्सिअस किमान तापमानाची नोंद झाली..Paus Andaj: पाच जिल्ह्यांमध्ये वादळी पावसाचा अंदाज; पुढील ५ दिवस काही ठिकाणी ढगाळ हवामानासह तुरळक पावसाची शक्यता.आज (ता. ५) कोकणातील रत्नागिरी, मध्य महाराष्ट्रातील सातारा, सांगली, सोलापूर, कोल्हापूर या जिल्ह्यांत विजांसह वादळी पावसाची शक्यता असल्याने सतर्कतेचा इशारा (येलो अलर्ट) देण्यात आला आहे. तर धाराशिव, लातूर या जिल्ह्यांत विजांसह हलक्या पावसाचा अंदाज आहे. उर्वरित राज्यात ढगाळ आकाशासह कमाल-किमान तापमानात चढ-उतार होण्याची शक्यता असल्याचे हवामान विभागाने स्पष्ट केले आहे. दोन दिवसांनंतर राज्यात पावसाची उघडीप मिळणार असून, त्यानंतर किमान तापमानात घट होत गारठा वाढत जाण्याचा अंदाज आहे..कमी दाब क्षेत्र बांग्लादेशकडे सरकतेयपूर्व-मध्य बंगालच्या उपसागरात बांगलादेश, म्यानमारच्या किनाऱ्यालगत ठळक कमी दाब क्षेत्र सक्रिय आहे. त्याला लागूनच समुद्रसपाटीपासून ५.८ किलोमीटर उंचीवर चक्राकार वाऱ्यांची स्थिती आहे. ही प्रणाली बांगलादेशाच्या किनाऱ्याकडे सरकत आहे. गुजरातच्या किनाऱ्यालगत असलेली चक्राकार वाऱ्यांची स्थिती निवळून गेली आहे..मंगळवारी (ता. ४) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---३०.४---२०.४अहिल्यानगर---२८.८---१९.३धुळे---३१.०---१९.४जळगाव---३२.२---२१.५जेऊर---३०.०---१८.०कोल्हापूर---२८.७---२१.१महाबळेश्वर---२१.४---१६.७.Maharashtra Weather: तापमानात चढ-उतार होण्याचा अंदाज.मालेगाव---२९.२---१९.६नाशिक---२९.७---२०.२निफाड---२९.७---१९.६सांगली---२९.८---२१.२सातारा---३०.४---१९.७सोलापूर---३३.२---२३.२सांताक्रूझ---३३.७---२३.७डहाणू---३३.७---२३.७.रत्नागिरी---३०.६---२३.३छत्रपती संभाजीनगर---३०.२---२०.५धाराशिव---३०.४---२०.७परभणी---३२.५---२३.५परभणी (कृषी)---३२.५---२३.५अकोला---३३.०---२२.९अमरावती---३४.२---२१.१भंडारा---३२.०---२१.०.बुलडाणा---२८.७---२१.४ब्रह्मपुरी---३३.६---२३.२चंद्रपूर---३४.०---२२.६गडचिरोली---३३.२---२२.६गोंदिया---३१.९---१९.०नागपूर---३२.६---२२.२वर्धा---३४.०---२३.९वाशीम---३१.६---२१.६यवतमाळ---३३.४---२२.०.विजांसह वादळी पावसाचा इशारा (येलो अलर्ट) :रत्नागिरी, सातारा, सांगली, सोलापूर, कोल्हापूर.विजांसह पावसाची शक्यता :रायगड, धाराशिव, लातूर..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
