Pune News: राज्यातील काही भागात पाऊस हजेरी लावत आहे. पुढील ४ दिवस राज्यातील अनेक भागात पावसाचा अंदाज हवामान विभागाने दिला. विदर्भ आणि कोकण तसेच घाटमाथ्यावर पावसाचा जोर काहीसा अधिक राहील, असा अंदाज हवामान विभागाने दिला. .आज पूर्व विदर्भ, दक्षिण मराठवाडा आणि कोकण तसेच घाटमाथ्यावर जोरदार पावसाचा अंदाज देण्यात आला. विदर्भातील नागपूर, चंद्रपूर, गडचिरोली, भंडारा आणि गोंदीया जिल्ह्यात तर मराठवाड्यातील नांदेड आणि हिंगोली जिल्ह्यात तसेच रत्नागिरी जिल्ह्यात काही ठिकाणी अतिजोरदार पावसाचा ऑरेंज अलर्ट हवामान विभागाने दिला. तर विदर्भ आणि मराठवाडा तसेच कोकणातील इतर जिल्ह्यांमध्ये जोरदार पावसाचा येलो अलर्ट हवामान विभागाने दिला..Maharashtra Rainfall: ऑगस्टअखेर पावसाने सरासरी ओलांडली.उद्या कोकण आणि घाटमाथ्यावर काही ठिकाणी जोरदार ते अतिजोरदार पावसाचा ऑरेंज अलर्ट देण्यात आला. विदर्भातील सर्वच जिल्ह्यांमध्ये ढगाळ हवामानासह काही ठिकाणी हलक्या ते मध्यम पावसाची शक्यता हवामान विभागाने वर्तविली. मराठवाड्यातील छत्रपती संभाजीनगर, जालना, बीड, परभणी, हिंगोली आणि नांदेड जिल्ह्यात तर मध्य महाराष्ट्रातील पुणे, नाशिक, अहिल्यानगर, धुळे, जळगाव आणि नंदूरबार जिल्ह्यात काही ठिकाणी हलक्या ते मध्यम पावसाची शक्यता हवामान विभागाने वर्तविली..Monsoon Rain Forecast: पावसाचा जोर वाढण्याची शक्यता.गुरुवारी कोकणातील सर्व जिल्हे, मध्य महाराष्ट्राचा घाटमाथा तसेच नाशिक, धुळे आणि नंदूरबार जिल्ह्यात काही ठिकाणी जोरदार ते अतिजोरदार पावसाचा ऑरेंज अलर्ट हवामान विभागाने वर्तविला. विदर्भातील सर्वच जिल्ह्यांध्येही काही ठिकाणी जोरदार पावसाचा येलो अलर्ट हवामान विभागाने दिला. मराठवाड्यातील जिल्ह्यांमध्ये काही ठिकाणी हलक्या ते मध्यम पावसाचा अंदाज आहे..शुक्रवारी कोकण आणि मध्य महाराष्ट्राच्या घाटमाथ्यावर जोरदार पावसाची शक्यता आहे. खानदेशातील तीन्ही जिल्ह्यांमध्ये आणि विदर्भातील बुलडाणा, अकोला आणि अमरावती जिल्ह्यातही काही ठिकाणी जोरदार पावसाची शक्यता आहे. राज्याच्या इतर भागात ढगाळ हवामानासह काही ठिकाणी हलक्या पावसाची शक्यता आहे. शनिवारी कोकण आणि घामाथ्यावर काही ठिकाणी जोरदार पावसाचा अंदाज असून राज्याच्या इतर भागात पावसाची उघडीप राहील, असा अंदाज हवामान विभागाने दिला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
