Pune Heavy Rain Update: एकीकडे दुष्काळी परिस्थिती असताना दुसरीकडे राज्यातील काही भागांत जोरदार पाऊस बरसला. विशेषतः पुणे जिल्ह्याला पावसाने झोडपले. कोकणातील काही भागातही पावसाने हजेरी लावली. पाणी टंचाईच्या परिस्थितीत हा पाऊस दिलासा देणारा असला तरी कापणी सुरु असलेल्या भात पिकाचे यामुळे नुकसान होण्याची शक्यता आहे..पुणे, पिंपरी चिंचवड परिसरात रविवारपासून पावसाची संततधार सुरु आहे. सोमवारी पहाटेपासून पावसाचा जोर वाढला. पुण्यातील कोथरुड, आंबेगाव, सिंहगड रस्ता, औंध, बाणेर, वाघोली भागातही पाऊस पडला. हिंजवडी, चाकण भागात रस्त्यात पाणी साचले. यामुळे काही प्रमाणात जनजीवन विस्कळीत झाले. .Cyclone Murasu: बंगालच्या उपसागरात ‘मुरासू’ चक्रीवादळ; आंध्र प्रदेशच्या किनारपट्टीला धडकण्याचा इशारा!.चाकणमध्ये रात्रभर पडलेल्या पावसामुळे पुणे-नाशिक आणि चाकण-तळेगाव या दोन्ही महामार्गांवर मोठ्या प्रमाणात पाणी साचले. पाणी रस्त्यावर वाहू लागल्याने वाहतूक खोळंबली..बारामतीत धुवांधारपुणे जिल्ह्यातील बारामतीमध्ये आज पहाटेपासून जोरदार पावसाला सुरुवात झाली. त्यानंतर जवळपास अडीच तास पाऊस पडला. विशेषतः बारामती-भिगवण रोडवर मोठ्या प्रमाणावर पाणी साचल्याने हा रस्ता पाण्याखाली गेला. .Maharashtra Rain Forecast: कोकण, मध्य महाराष्ट्र, मराठवाड्यात पावसाची शक्यता.खडकवासला धरण क्षेत्रातही पावसाचा जोरखडकवासला धरणसाखळीतील चारही धरणांच्या पाणलोट क्षेत्रातही रविवारीपासून पावसाने सुरुवात केली. सोमवारी सकाळी सहा वाजेपर्यंत येथे पाऊस पडला. खडकवासला धरण तसेच पानशेत, वरसगाव, टेमघर धरण परिसरात पावसाची नोंद झाली..मावळमध्ये कापणी केलेले भात पीक भिजलेमावळमध्ये पावसामुळे कापणी केलेले भात पीक भिजले आहे. अनेक शेतकऱ्यांना कापणी करुन भात पीक शेतात ठेवले होते. तर काही शेतकऱ्यांनी मळणी करुन शेतात पसरवले होते. पण अचानक आलेल्या पावसाने भात भिजल्याने शेतकऱ्यांनी चिंता व्यक्त केली आहे..कोकणातही पाऊस रत्नागिरी जिल्ह्याच्या अनेक भागांना विजांच्या कडकडाटासह जोरदार पावसाने झोडपले. अचानक पाऊस सुरु झाल्याने भात कापणीचे थांबवण्यात आले आहे. कापून ठेवण्यात आलेले भातपीक भिजल्याने नुकसानीची शक्यता भीती व्यक्त केली जात आहे. रत्नागिरी जिल्ह्यातील वाकवली येथे सर्वाधिक २८.४ मिलिमीटर, गुहागर २६ मिमी, दापोलीत २५ मिमी आणि खेड तालुक्यात ११ मिमी पावसाची नोंद झाली. रत्नागिरी सह लांजा, साखरपा, पाली भागातही पावसाच्या सरी कोसळल्या..अहिल्यानगर जिल्ह्यातील काही भागात पाऊस पडला. सातारा जिल्ह्यातही जोरदार सरी कोसळल्या. कोल्हापूर शहर आणि काही भागातही जोरदार पाऊस पडला. हा पाऊस ऊस पिकांसाठी पोषक असला तरी कापणीला आलेल्या भात पिकांसाठी नुकसानीचा ठरण्याची शक्यता आहे. .मध्य महाराष्ट्रातील जिल्ह्यांमध्ये काही ठिकाणी विजांच्या कडकडाटासह वादळ, हलका ते मध्यम पाऊस आणि ताशी ४०-५० किमी वेगाने वारे वाहण्याची शक्यता हवामान विभागाने व्यक्त केली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
