Pune News: राज्यात ढगाळ हवामानासह पावसाने हजेरी लावली असतानाच किमान तापमानात घट झाली आहे. विदर्भ, मराठवाड्यासह राज्यात गारठा परतला आहे. आज (ता. ८) राज्यात अंशतः ढगाळ हवामानासह किमान तापमानातील चढ-उतार कायम राहण्याची शक्यता हवामान विभागाने वर्तविली आहे..आग्नेय बंगालच्या उपसागरात विषूववृत्ताजवळ तीव्र कमी दाब क्षेत्राची निर्मिती झाली आहे. श्रीलंकेच्या त्रिंकोमलीपासून ८८० किलोमीटर, तर तामिळनाडूनच्या कराईकलपासून ११५० किलोमीटर आग्नेयेकडे समुद्रात असलेली ही प्रणाली वायव्येकडे येताना आणखी तीव्र होण्याची शक्यता आहे. बुधवारी (ता. ७) छत्तीसगडमधील अंबिकापूर येथे देशाच्या सपाट भूभागावरील नीचांकी ३.३ अंश किमान तापमानाची नोंद झाली. तर सकाळपर्यंतच्या २४ तासांमध्ये केरळमधील कोची येथे देशातील उच्चांकी ३५.२ अंश सेल्सिअस तापमान नोंदले गेले..Maharashtra Cold Wave: विदर्भात थंडीचा कडाका कायम; राज्यातील थंडीत चढ उतार कायम राहण्याचा अंदाज.बुधवारी (ता. ७) परभणी येथील वसंतराव नाईक मराठवाडा कृषी विद्यापीठात राज्यातील नीचांकी ६.८ अंश सेल्सिअस तापमानाची नोंद झाली. गोंदिया येथे ७.६, धुळे येथील कृषी महाविद्यालय आणि नागपूर येथे ८ अंश सेल्सिअस तापमानाची नोंद झाली. अहिल्यानगर, जेऊर, भंडारा, ब्रह्मपुरी, वर्धा आणि यवतमाळ येथे १० अंश व त्यापेक्षा कमी तापमानाची नोंद झाली. तर सकाळपर्यंतच्या २४ तासांमध्ये कोकणातील रत्नागिरी येथे राज्यातील उच्चांकी ३३ अंश सेल्सिअस तापमान नोंदले गेले. .किमान तापमानाचा पारा १० अंशांच्या खाली आल्यास तसेच तापमानात सरासरीच्या तुलनेत ४.५ अंशांची घट झाल्यास थंडीचा लाट, तर तापमानात ६.५ अंशांपेक्षा अधिक घट झाल्यास तीव्र लाट आल्याचे समजले जाते. बुधवारी (ता. ७) परभणी, धुळे, गोंदिया, नागपूर येथे थंडीच्या लाटेसदृश्य स्थिती होती. उर्वरित राज्यात देखील पारा घसरल्याने गारठा वाढला होता. .मंगळवारी (ता. ६) सायंकाळी नाशिकसह उत्तर महाराष्ट्रात तुरळक ठिकाणी अवकाळी पावसाने हजेरी लावली. बुधवारी (ता. ७) पहाटे दाट धुके आणि दव पडल्याची स्थिती कायम होती. आज (ता. ८) राज्यात अंशतः ढगाळ आकाशासह किमान तापमानात २ ते ३ अंशांची वाढ होण्याची शक्यता हवामान विभागाने वर्तविली आहे..Vidarbha Winter Weather: विदर्भात थंडीची लाट.बुधवारी (ता. ७) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---२७.७---१०.६अहिल्यानगर---२८.८---९.४धुळे---२८.५---८.०जळगाव---२६.८---१०.७जेऊर---२९.५---१०.०कोल्हापूर---२७.६---१५.२महाबळेश्वर---२३.९---१२.१.मालेगाव---२७.०---१२.६नाशिक---२९.३---११.९निफाड---२९.०---१०.७सांगली---२८.८---१३.१सातारा---२९.२---११.४सोलापूर---३०.४---१४.०सांताक्रूझ---३२.३---१९.०डहाणू---३१.४---१७.६.रत्नागिरी---३३.०---१७.२छत्रपती संभाजीनगर---२९.०---११.६धाराशिव---३०.०---११.४परभणी---२८.४---१०.७परभणी (कृषी)---२७.७---६.८अकोला---२९.५---१२.५अमरावती---३०.४---११.०.भंडारा---२८.०---१०.०बुलडाणा---२९.०---१४.२ब्रह्मपुरी---२९.२---१०.०चंद्रपूर---३०.२---११.८गडचिरोली---२९.०---१०.४गोंदिया---२६.०---७.६नागपूर---२७.८---८.०वर्धा---२८.०---१०.०वाशीम---३०.२---१०.६यवतमाळ---२८.४---९.८.सरासरी तापमान (अंश से.)विभाग---किमान---कमालउत्तर महाराष्ट्र---८.०---२९.३पश्चिम महाराष्ट्र---१०.०---३०.४मराठवाडा---६.८---३०.५विदर्भ---७.६---३०.४कोकण---१७.२---३३.०राज्यात थंडीचा कडाका असलेली ठिकाणे :परभणी (कृषी) ६.८, गोंदिया ७.६, धुळे ८, नागपूर ८. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
